كلي بكلك مغرم 🩶⛓️

كلي بكلك مغرم 117

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة117:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

من كلامها لي قالتو على غفلة منو حس بكلشي وقف لثواني مارجع يسمع لوالو من غير صوت الطبيبة لي كان يتعاودو داخل مخو استعابو للحظة هاذي كان صفررر حرفيا حرك راسو بعدم فهم و جا راح ينطق خانوه الحروف و تبعثرو على لسانو الحاجة الوحيدة لي كان يحس بيها هي دقات قلبو لي كانو ينبضو بعنف داخلو عاملين الحرب عليه جوز يدو على وجهو باش يفطن و نطق بتعثلم..

همام:اج. اجهاض؟ اجهاض واش!! ..

الطبيبة:كانت حامل فالاشهر لولين و بما انو قلت بلي دارت مجهود صرالها هاكا..

همام:بصح كانت تشرب فالدوا؟ عاودي شوفي مليح !! و زيد قااتلي كانت في فترة البيريوود تااعهااا!!!

الطبيبة:ممكن تكون نساتو شي مرات ماشرباتوش ولا دارت حاجات لي خلاوه مايفيدش فيها و قدرت تحمل..أما حكاية البريود ماعلاباليش كي تفطن نفهمو منها..

همام:يعني كانت اونسانت صح؟؟..

الطبيبة:ايه..

همام:يعني انا السبة؟؟؟؟؟؟..

الطبيبة:عفوا؟..

تجاهل سؤالها و بقا يكرر في كلامها داخل عقلو كأنو كان يعاقب فروحو بيه كلما تعاود و أدرك واش دار فيها بلع ريقو مرارا و تكرارا حتى حس بأشواك محتلين حلقو شاف فريام بضعف و تكا على الحيط من الفشلة لي حسها تسللت لعظامو خلاتو مايقدرش حتى باش يوقف على رجليه ..

بقا دقايق و هو يشوف فيها بلا مايرمش حاسس بغصة واحلة في حلقو ماقدرش يخرجها تقول غمة اجتاحت صدرو هبطت عليه من حيث لايدري زير على قبضة يدو و حول انظارو لطبيبة قرب ليها و نطق بصيغة امر..

همام:دقيقة ماتبعديهااش من قدامها نعاود نولي اومبعد نلقها نايضة !...

الطبيبة:حاضر سي همام متخافش راهي في عينيا..

قرب لعند ريام و باسها على جبهتها مطولا كأنو كان يقوللها سمحيلي بطريقتو شاف لشعرها المسدول على السرير و تنهد هدوين جاتو لحظة ادراك بلي جابها بلا خيمارها ولا حتى نقابها من الخلعة لي ركبتها فيه خرج بيها و رجليه اعلى من راسو مكانش عندو الوقت باش يحوس عليهم و يسترها بيهم ..تلفت لطبيبة شاف فيها بجدية و نطق بهدوء..

همام:مانسحق حتى طبيب ولا أي جنس ذكر يدخل لعندها..

الطبيب:بلا ماتوصي ..

خرج من تم بلا مايجاوبها كي حس بروحو تخنق ماقدرش يتنفس بشكل طبيعي كأنو غم و تشكل في قلبو خلاه يحس بكل الدنيا مغلوقة في وجهو هبط عينيه ليديه لي كانو مطبعين بدمها كي كان رافدها و جوز ابهامو عليه ببطئ ناطق بهمس..

همام:واش درت همام واش درت! .. كان راح يولي عندي ولد من صلبي و انا ق..ت..لتو بيديي!!!