كلي بكلك مغرم 🩶⛓️

كلي بكلك مغرم 🩶🌪78

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة78:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام بقات مصلبة في بلاصتها الهمس لي سمعاتو منو قدام وذنها جابلها التبوريشة في كامل جسدها حتى حست بشعرها وقف من الذعر لي قدر يركبو فيها في ثواني قليلة فقط بلعت ريقها مرارا و تكرارا حتى حست بلمرارة في حلقها و جميع اطرافها بردو عليها ماعرفتش علاش حساتو راهو يقصدلها في حااجة ولا راهو حاب يوصللها معلومة بصح واش هي عقلها ماعطالها حتى اشارة..

بقات حايرة محتاارة واش تقولو ماجات لبالها حتى فكرة تاع اجابة باش جاوب عليه على واش قاللها حطها في موقف ماتمناتوش لعدووها لأنو حرفيا تعتبر راهي واقفة بين يدين الانسان لي يقدر ينهيلها حياتها بكلمة وحدة منوو برررك و رغم انو حتى هي مهيش ساهلة بصح فموضع كيما هذا لو تجتمع قوتها الجسدية و المهنية و الفكرية و النفسية مراحش تقدر عليه لا باش دافع على نفسها منو جسديا ولا لغوياا ..

غمضت عينيها ببطئ تحاول تهدي قلبها و تهدئ من روعها شوية لأنو حست بجسمها بدا يرعش وهي مهيش حابة تبين ضعفها قدامو .. تلفتت ليه لقاتو يشوف فيها بهدوء حاطط يديه على جيابو مستني جوابها لي نطقت بيه بعد صمت دام لثواني عديدةة..

ريام:ايه؟..

همام:يعني أي حاجة تصرا فهاذ الدار نشوفها..و يكون عندي علم بييها ..

ريام:مليح احسن ماعملت ..

همام:اكيد.. مقبييل..

ريام:كي رحت لمكتبك؟..

همام:امم!.

ريام:رحت نكتشف الدار ياك ماشي عيب؟؟ اذا كنت شفت راح تكون شفتني دخلت لكامل البيوت !..

همام:تكتشفي..!

ريام:ايه!..لوين راك حاب توصل بكلامك مافهمتش؟؟راك تشك فيا؟ واش راح ندير مثلا!!!..

همام:ماعلاباليش..بصح المكتب خط احمر غير انا و اديب لي ندخلو ليه الخدامة و تنظفو بحضوري فيه! ..

ريام:مكانش علابالي كان قتلي من قبل كنت مانقربش ليه ..

همام:معليش هاكي عرفتي..

ريام قلبت عينيها عليه و جاوباتو ببرود من ملامحها باين الانزعاج..

ريام:ايه عرفت ..

همام:اصلا مافيه حتى حاجة راح تفهميها!.. فيه غير الحاجات لي متعلقين بخدمتي برك..

ريام:معلييش خديت الدرس و تعلمتو منك..

همام:وشمن درس؟..

ريام:مااديررر الثقة فحتتتتى وااحد من حياااتك ..

همام:علاش فهمتيها بلي توسوستلك ..فضول بررك حبيت نعرف علاش رحتي ليه هذا مكان..

ريام:وانا قتلك جواابي..

حرك راسو بالايجاب و عاود طفاه و هو مخلي عينيه عليها يلاحظ فحركاتها و نظرات عيونها يحاول يضبطهم فتحليلو بصح بانتلو عادية ماعرفها اذا قدرت تتحكم فأعصابها قدامو ولا صح ماهمهاش الموضوع ولا حرك فيها الشعرة..

تنهد بقلة حيلة و راح قعد جهة الفوتاي شاف فيها لقاها مزالت واقفة العشاء كانو جاو حطوهولهم قبلما يخرج من الدوش حك حاجبو بصبعو كنوع من الحيرة و نطق بهدوء..

همام:ماجيش تاكلي؟..

ريام:لا كول بصحتك ..راح نروح نرقد كي تكمل طفي الضو مانقدرش نرقد و هي شاعلة..

همام: و الماساااج؟..

ريام تلفتت ليه بزربة خنزرت فيه و جاوباتو بإنفاعل ..

ريام:روووح لليييي دير فيها ثقةةةة دييييرلك الماسااااج تاعككككك ..

همام بلا مايقدر يتماسك فروحو فلتتلو ابتسامة تبعتها ضحكة خفيفة لحقت حتى لمسامعها خلاتها تخنزر فيه غمت راسها داخل المخدة و عطاتو بظهرها مخلياتو يضحك عليها بهمس ناض بلا عجز و قرب ليها نحالها المخدة من على راسها و لعبلها بشعرها مجوز يدو على خدها ناطق بهمس قدام وذنها ..

همام:مكانش قصدي نشك فيك نتي خممتي هاكا وحدك ..

ريام:بعدني ماتهدرش معايا..

همام:نوضي تاكلي ..

ريام:منيش جيعانة..

همام:نوضي ماتخلينيش نوريلك وجهي الثاني خليني مكالمي راني مليح..

ريام نفخت بتذمر و ناضت راحت قعدت فالطابلة و بدات تاكل بلا ماتشوف فيه بتصرفاتها و كلامها خلاتو بسيف عليه يصدق بلي نيتها كانت الاستكشاف بررك و ماشي شي حاجة ثانية راح قعد قدامها و بقاو ياكلو بصمت مرة على مرة يحكي معاها وهي جاوبو بإختصار برك كااذبة الكذبة و مصدقتها عايشة الدور فيها ..

كمل ماكلتو و ناض غسل يديه و خرج راح لمكتبو فتح بابو و دخل للداخل بعدما عاود غلقو موراه دور عينيه على ارجائو ببطئ و راح قعد على البيرو يخمم و يحلل فتصرفاتها و الاحدااث لي عاشهم معاها بعد مدة من الصمت استغلها يناقش فأفكارو بينو و بين نفسو نطق بهمس..

همام:زعما تكون طفلة عادية برك ولا راني نزيد فيها ! ماتباانش ناوية على شي حاجةة!! كيفاش هذاا رجال مايفوتوهاش عليا جات هي طيحتني بعينيها!؟..