كلي بكلك مغرم 🩶⛓️

كلي بكلك مغرم 107

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة107:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

حركت راسها بتوعد على عمايلو فيها و راحت تجري كيما قاللها كلما تمشي و تتحرك كثر كلما تحس بوجع كرشها عاود رجع ليها كي كانت مكسلة و مرتاحة ارتاحت شوية منو بصح دوكا كي ولات لتدريبات تاع الهم هاذو على قولتها عاود رجعلها شوية ..

كملت تجري بسرعة بطيئة و هي تخنزر فيه من بعيد تتحلف فيه في قلبها و هو يجاوب فيها بنظراتو الباردة كأنو كان يقوللها راكي في وذني خمي كيما تحبي..

كملت الربع ساعة تاع الجري بشق الانفس و قعدت فالارض كي حست بروحها استنزفت كل طاقتها فالبداية برك.. ناضت بعدما ارتاحت شوية و راحت وقفت قدامو و بقات تتنفس بقوة ترد فالنفس ..

بقا ثواني يستنا فيها تسترجع طاقتها غير شافها رجعت لتنفسها العادي ناض وقف قدامها و دارها اشارة بعينيه باش تبعو راحت لوين راح لقاتو داخل لجهة اخرى من المقر هذاك مانتبهتلهاش من قبل ..

دخلو للداخل مع بعض حتى بانتلها مساحة اخرى واسعة و كبيرة معمررةةةة بلألات التدريبية الرياضية من كل الانواع بقات تبع فيه لوين راهو رايح حتى وصلو لمكان فيه  حواجز فيها مسافة بينها و بين الارض وين يقدر الواحد يزحف تحتها و هذا كان الهدف منها هو تعلم الزحف ..

ريام ربعت يديها و بقات تشوف فيه بهدوء  تحاول تقرا أفكارو و تفهم نظراتو بصح ماقدرت تلقط حتى فكرة من واش راهو يخمم قطع عليها تفكيرها كي شاف فيها و نطق ..

همام:المهمة لولة لازمك تبداي من النقطة هاذي لأخر لهيييك و نتي تحت الحواجز هاذذو في يدك عشر دقايق ..

ريام:لوااش يفيدو هاذووو دوكاا!!..

همام:تكووني في مهمة و تهربي تلقااي مساحة ضيقة بين طريق الهرب و طريق العدوو يتلزم عليك تفوتي تحتهاا هااكا لازم ديري!..

ريام:قالولك عليا لفعة كي راح تعلمني نزحف!؟..

همام:علاه مكيش لفعة؟..

ريام:ماتستفزنييش و تبدا تتحدا فيا لأنو ولله للدوووك مزااال ماشفتني على واش قادررررة!!!..

تجاهل كلامها و عدل المينيتور في ساعتو على مدة عشر دقايق و بلا مايخليها تفهم ولا تعلق على الموضوع نطق بصيغة امر وهو يشوف فيها بصرامة..

همام:وقتك بدا دوووك بلاا مانبقا نعاود تفوتي عشر دقايق يضاعف الوقت..

ريام خنزرت فيها و راحت لإتجاه الحواجز هاذوك قعدت فالارض بعدها تسطحت تحتهم و بقات تزحف بزربة حتى وصلت لأخر الطريق و خرجت من تحتهم كانت كملتهم قبل الوقت المحدد خلاتو مدهوش فيها بصح دهشتو تلاشات و تحولت لملامح معقودة كي شافها متكية على الحيط حاطة يدها على كرشها تتعصر من وجعها قرب ليها بخطوات سريعة و شدها من يدها ناطق بإستفسار..

همام:مزالت توجع فيك!..

ريام:وااش دخلكككك!!!!..واش دخلك فهمننننني!!!! ..من جهة تع---ذب فيا و من جهةةةة جاي تسقسي عليااا!!!عندك انفصاام فالشخصية روح دااوييييه !!!..

طلع حاجبو فيها من جوابها المنفعل و صوتها لي زاد على حدو و طلقها من يدها بهدوء بعد عليها و راح يتمشى ببطئ و هو يحاول يلغي كل الافكار الشيطانية لي جاوه باش يطبقهم فيها على قلة ادبها معاه خدا نفس طويل ألغى فيه كل هاذ الافكار و تلفت ليها ناطق بهدوء مصطنع..

همام:ثواني نلقاك قدامي لهيه فالساحة.. مايمشيش معاك التفهم لازملك لي يكرهك في حياتك باش تعدلي روحك معاه مالا مالقيتي غير الواجد و غير انا لي نكرهلك حياتك..