كلي بكلك مغرم 🩶⛓️مكتملة

كلي بكلك مغرم 170

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة170:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد اسبوع و عند هند لي كانت رايحة من و من هيه تدخل للكوزينة تولي لصالون تعاود تروح لبيتها تحط هاذي و تعدل هااذيك الحاصوول التوتر لي ماتوترااتوش نهار اول خطبة ليها توتراتو اليووم راحت طلت من التاقة و شافت فريام كي سمعت صوت ضحكها عليها دارتلها اشارة لراسها بمعنى واش كاين و نطقت و التوتر بادي عليها بووضوح..

شهد:شبيك علاش راكي تضحكي كشماا عندي في وجهييي خيماري مهوش معدل؟؟ ..

ريام:ههه لا راني نضحك عليك و على الخلعة لي راهي فييك يابنتي شبيك رولاكس عاادي خطبةة عاديةة رااح تولوو زوج و زوجة شرعااا برككك مراحش يديك لداارووو..

هند:خفت..ني خايفة مايجييش..واش قالك راجلك راهم جايين يااك راهم فالطريق؟؟..

ريام:ماشي كامل الناس ماشي رجاال هند!! ماتخليش تجربة فاشلة جزتي عليها تأثر فيك خليك على طبيعتك مااتخافي ماتتوتري كلشي راح يجوز بخير..

هند:ان شاءالله ياربييي..قولييلو سقسيه وين راهم ..

حركت راسها بلا حول و جابت تلفونها غير جات راح تعيط لهمام لاش تسقسيه لقاتو هو سبقها و عيطلها تبسمت على اتصالو و جاوبت عليه و هي تشوف فهند لي كانت واقفة عند راسها تاكل في ظفارها من التوتر..

ريام:الوو لحقتو ولا مزاال؟؟..

همام:هدوين هبطنا ارواحو افتحو الباب..سي اديب ماتهناش حتى جاب كامل الحوانت معاه حصلنا كيفاش نهبطوهم ..

ريام:هههه خليهم فالطونوبيل اومبعد يجي بابا يعاونكم ههه السيد راهو متحمس ربي يجيب الخير من حماسو..

همام:ربي يجيب الخير تاع الصح..

كوبا عليها و رفد الصاشيات لي مدهملو اديب و راحو مع بعض اديب رافد بوكي تاع الورد و يماه قدامو رافدة باطة تاع حلوة مخسرة ملامحها للاشمئزاز جاية من فوق قلبها أما عمو و مرت عمو ماقصروش معااه و كبرو بيهم حتى هما جابو من عندهم حااجات و دخلو بيهم للداخل..

فالدخلة كان ناصر في استقبالهم سلم على الرجال و دخلو مع بعض لغرفة الضيوف لي هي غرفة هند و ريام برك حطولها طابلة و كانبيات جمعو فيها الرجال باش مايكونش الاختلاط بيناتهم أما النساء دخلو لصالون و كاانو في استقبالهم ريام و راضية فرحانين بحضورهم ..

راضية:جووزو ادخلو مرحبا بييكم داار داركمم علاش تشقو في روااحكم ولله جبتو بزاااف حاجات بزااف عليكم ..

مرت العم:هذاا والو ياختي رانا راح نتناسبوو اكيد لازم نكبروو بيكم ههه..

راضية:ربي يكبر من مقامك يعطيكم الصحةةة ..

شافت فسراب لي ماهدرت والو و تبسمتلها تبسيمة صفرا على الاقل كانت تقوول شي حااجة تشارك بيها بصح هي بقات سااكتةة تشوف فالمكان بإشمئزاز و دور فعينيها من واحد لواحد كأنها غريبة اطواار بيناتهم حتى من مرت عمهم كي شافتها ساكتة ولات هي أدت دورها في بلاصتها و قامت بالواجب لي لازم ديرو هي كونها يمات لعريس بصح سراب كان اخر همها الرسميات هاذو و كان ماشي هددها باش يقطع المصروف عليها كان مهيش هنا اصلا ..

كانو فاتو دقايق عديدة حكاو فيهم على شتى المواضيع حتى دخلت ليهم هند و هي رافدة السنيوة تاع الجو سارباتلهم بعدما سلمت عليهم و من التلفة زادت سلمت على ريام و راضية خلاتهم شايدين الضحكة عليها بسيف ..

راحت قعدت قدام يماها و طلعت عينيها  بحياء فمرت عمهم لي نطقت بضحكة فخورة..

مرت عمهم:ههه ماشاء الله بنتنا حشااامةةة ..

راضية:اييه كان تشوفي ههه تحشم بزاف..

سراب:سبحان الله زوج خواتات تقول ماخارجين من كرش وحدة..

راضية:ههه كيفاش..

سراب:وحدة تحشم من خيالها و وحدة ماتعرفش معنى الحشمة في قاموسها سبحاان الله غريبة ولله!..