كلي بكلك مغرم 🩶⛓️

كلي بكلك مغرم 310 الى 320

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة311:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام تبسمت بحب و ناضت من بلاصتها بهدوء قربت ليها و عنقاتو وهي محافظة على ابتسامتها الهادية حطت يدها على خدو و جاوباتو بنفس طريقة كلامو كأنو ثنياتهم كانو غارقين و واحد فيهم ماقدر يسلك روحو من بحر عشقو لثااني كانت تجربة جديدة عليهم بين زوج عاشوها بكااامل حقهاا خاصة بتواجد ثمرة حبهم في وسطهمم و بيناتهم ..

ريام:حتى نتاا ماشي قلييل لي درتو فياا مسيوو الغضنفر خليتني نعيش تجربة جديدة في حياتي تجربة العشق و الهيااام عمري ماتخيلت انو يجي نهار و يولي قلبي ينبض لشخص و جااامي تخيلت انوو راح يقدر رااجل يطيحنييي فيه و يخليني غارقة في حبوو حتى جييت نتااا وبدلت كامل توقعاتيي..بصصصصح يامسيوو الجنراال كامل كلااامك لي قلتو و كامل كلامممي لي قلتو ماينسيكش انو راح دير معايا الدالة اليوم و تنوووض معايا كي ينوض الفهد تاعك..

همام كان منغمس معاها في كلامها ذايب وسط المشاعر لي كانو ينبتو بورود و يتطاير عليهم فراشات بسبب حلاوة تعبيرها و اعترافها الغير مباشر بحبها ليه لي اول مرة يسمعوو من عندها حتتتتتى رجعاتو للواقع بأخر كلام قالتو رجعاتو بيه للواقع خلاتو يضحك بخفة عليه و يجاوبها و هو يشوف ففهد لي كان راقد مرتااح فنومتو كأنو لقا الامان في دارهم بين والديه..

همام:يعني راكي تعترفي بلي تحبينيي..

ريام:اممم..

همام:وعلااش ماقلتييهاش..

ريام:واش نقوول؟؟..

همام:كلمةة نحبك!..

ريام:علاش نتا قتهالي باش نقولهاالك انا؟..

همام:نحبببك ..هاني قتهالك هاياا قولييهالي حتى نتي يالاا..

ريام:تؤتؤ..

طلع حاجبو فيها بمعنى منيتك و ربع يديه على صدرو وهو مستني منو جاوبو و تقولها مااعرفش علاش حب يسمعها من عندها و يهني قلبو و مشاعرو الثايرة داخلو..

همام:قولي قولي مكان حتى واحد راهو يسمع من غير فهد خليه يسمع باش يعرف قصة حبنا و كي يكبر يولي يحب كيفنا ..

ريام:تعلم فيه فالفسق من صغرو اه تؤتؤؤتؤ ماحبيتها منك..

همام:دوكا تقوليها ولا نتحول عليك..

ريام:وااش نقوللل مانقولشششش نحشممم..

همام:واش تحشمي راني رااجلك لااا!!واالدةةة طفل معاياا و مزلتتي تحشممميي..

ريام:ههه خلاص نحببك ولله نحبببككككككككك على قد محبتك لياا احممم..

همام:هذا فخ ياك..