كلي بكلك مغرم 🩶⛓️

كلي بكلك مغرم 100

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة100:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

همام حل عينيه بصدمة من كلامها لي ماتوقعش يسمعو منها و زاد زيرها عليه داخل صدرو باش تكست لأنو حسها راح جيب العيد بكلامها لي قالتو وسط ضعفها بلا ماتوعى بيه ..

لوكان كان من الناس لي يفهمو الاعراض هاذي كان راح ينقص عليها شويةة من هاذ الع..ذاب لي جوزو عليها الصباح بصح راهو تقريبا جوز حياتو كاملة غير فوسط رجالي يعني ماعندوش معلومات كيما هاذي في راسو و حتى يماه لي ممكن يشوف فيها الحاجات هاذو ماعاشش معاها بزاف باش يعرفهم يعني ماجاش لبالو كامل موضوع كيما هذاا ..

فطن من تفكيرو لي داه لبعيد كي حس بيها رمات كل ثقلها عليه دليل على تعبها المفرط لي كانت تحس بيه تنهد بقلة حيلة و شدها من كتافها جارها معاه للداخل دخلها لبيتو و كسلها على الفراش غطاها و بقا واقف عند راسها يشوف فيها و هي مغمضة عينيها حاير واش يديرلها فالاخير حرك راسو بلاحول كي خلاصولو كامل الحلول و نطق وهو حاط يديه على خصرو يستنا فيها جاوبو ..

همام:واش نديرلك انا دوك؟علاش ماقتيليش من الصباح!..

ريام حلت عينيها بصعوبة و جاوباتو من تحت نيفها خايفة لايزيد يدخل فيها بشي بوكس يبعتها تتحاسب لفوق..

ريام:مكانش علابالي بلي فيك وحش خرجت كل مكبوتاتو فيا كان عرفت كنت قتلك من قبل..

قالت كلامها و غمضت عينيها بزربة زعما راهي دايخة أما هو زفر بعصبية و غمض عينيه بهدوء وهو يحاول يتجاهل فواش سمع منها و يضبط تصرفاتو معاها باش مايخبطهاش يلسقها في حيط على الكلام الزين تاعها ..

تبسم بسيف باش يقدر يكالمي روحو و نطق بهدوء و هو يطرطق فصباع يدو متحكم فعصبيتو قدام استفزاز انثاه لي دايمن تخليه ثاير بتصرفاتها لي ماتوزنهمش قبلما ديرهم ..

همام:مزال الوحش يزيد يوريلك مكبوتاتو غير ماتقوليش سلكتي مني..

ريام:واش درتلك انا واش درتلك الشي لي درتو فيا صباااح رجال و مايديروهش..

همام:تستاهلي ما كثر ..

ريام:خليني نرقد ..

همام:دوك يلحق الفطور افطري و روحي ترتاحي ..

ريام:مآه حبيت نرقد برك شهييتي سديتهالييي بالتعب لي ركبتو فيااا..

همام:مقبيل برك قتيلي راني جيعانة..

ريام:لا منيش ..خليني نرقد برك..

همام:دبري راسك...

قال كلماتو و خرج مخليها وحدها نحات السيرفاات لي كانت لابستها و راحت لبست لبسة خفيفة باش ترتااح بيها و رجعت ترمات على الفراش تقريبا دات نصو لأنو كان بونك صغير لشخص واحد برك عريض شوية يعني كيفاش راح يرقدو فيه بين زوج ماعرفتش هزت كتافها بعدم اهتمام و نطقت بهمس قبلما تغمض عينيها و ترقد ..

ريام:واش دخلني فييه انا نرقد هنا و هو يفرش فالارض كان يجي يرقد هنااياا يلبزنييي السيد داير قيس زوج عيباد في جسمو..

عاود دخل لدار بعدما راح جاب الماكلة لي طلبها من برا و جابوهالو الحراس لي لتم حطها فطبسي ليه و ليها و دارلها تاعها في سنيوة مع كاس ماء حرك راسو بلاحول و نطق بهمس بينو و بين نفسو يستهزا بروحو ..

همام:اخر عمري رجعت نديرلها فسنيوة تاع الفطور و نديهالها حتى لعندها نقلبت الادواار و رجعت تخدم فالنااس اسي الجنرال..

رفد واش وجدلها و راح لعندها لقاها غارقة في نومها حط السنيوة على المكتب تاعو و قرب ليها قعد اجونو قدامها و غلغل صباعو في شعرها معديهم عليها بهدوء حتى زادت تكمشت فبعضها و استحلات الرقدة مليح حركها شوية باش تفطن و نطق بهمس عند راسها ..

همام:ريام نوضي تفطري!..

حلت عينيها فيه بصعوبة و تقلبت للجهة الثانية مجاوباتو بصوت ناعس بسيف باش قدرت تنطق بيه وسط نعاسها ..

ريام:خليني نرقد!..

تنهد بقلة حيلة و ناض مبعد عليها مخليها براحتها رفد السنيوة و حطلها ماكلتها فالفريجيدار باش كي تنوض تلقاه و تاكلو بينما هو فطر بزربة و خرج لبرا باش يعلم العسكر بلي راح يبداو التدريب لأنو كان ناوي يكمل معاهاا كل اليووم هذا بصح خرجتلو بالخرجة هاذي خلاتو يبدل خططو بصح بلاا مايتخلا عليهم لأنو دار حااجة في راسوو و غييير فيهاا لي يطبقها و ربي كبييير!!..