كلي بكلك مغرم 🩶⛓️

كلي بكلك مغرم 🩶⛓️37

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة37:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

لفت عليها الفيستا بزربة و طلعت تجري خاصة كي حست بالصوت راهو يقرب و نسبة العلو تاعو راهي ماشية و تعلا كان صوت مراة تبان من صوتها انها كبيرة و مهيش صغيرة و من نبرتها كانت باااينة معصبة و لاحقة لأخر درجات عصبيتها مافهمتش واش سبب العصبية هاذي و دهمتها لوسط الدار بهاذ الطريقة  ..

وصلت لأخر الدروج و حبست حابة تشوف واش كاين بصح ماقدرت تلمح والو من بعيد و حتى صوتهم نقص و مابقاتش تسمع فالعياط نفخت بتذمر و كملت طريقها رايحة للبيت دخلت و غلقت الباب موراها و هي تخمم زعما واش يكون صراا لتحت لعندهم و شكون هاذي لي جات..

أما لتحت عند همام لي غير شافها طلعت زاد عقد تخنزيرتو مليح حتى تحقن الدم في وجهو و عروقو برزو من الطريقة لي دخلت بيها لدارو مقومة القيامة غير بوحدهاا مافهمش واش راهي حابة و على واش راهي ناوية بصح لي عارفو انها ماعندهاش الحق دير لي دراتوو و بأي حق اصلا قدرت ديروو؟؟؟ ..

زير على قبضة يدو و راح مندفع لجيهتها من صوتها عرفها و قدر يميزها رغم انو عندو شهور ماشافها ماسمع صوتها بصح مستحيل صوتها يخفا عليه أول ما وصل ليها لقاها متهاوشة مع أديب لي كان يشد فيها باش ماتدخلش علابالو بلي خوه راح يكون مع مرتو و من غير الطبيعي يزدمو عليهم بالطريقة هاذيك فأول يوم زواج ليهم ..

أديب:فهمييني برررك وين رااكي زاادمةةة السيد رااهو مع مرتو وييين رااح تدخلييي علاش تحبي تكحلي دواسيييك معاه كثرر ماراهم كحوولا عييت وانا نداافع عليييك ..

غير شافو جاي جيهتهم سكت و طلقها مطلع يديه للفوق مستسلم منها مخليها منهاا لهمام دبر راسها معاه المراة غير شافتو جاي بعدت من عند أديب و راحت بزربة لعندو وقفت مقابلاتو قبلما يخليها تنطق و تعبر نطق هو قبلها بنبرة خشينة باينة فيه معصب واصل لأقصى مراحل عصبيتو خاصة كي زاد شافها قدامو ماعرفش علاش ماحملش شوفتها كلما طيح عينو في عينها يجوه فلاشات من الماضي يخلوه ينقم عليها و يكره نفسوو بسبتهاا للدوك و ماقدرش يتخطى!..

همام:واش كاين؟؟؟ كووري هنا دااخلة بالطريقة هاذي؟؟؟..

سراب:صحح وااش سمعت؟؟ قوولي كذب قوولي راهوو يكذب علياا و مااتزوجتتتش صح قووليي..

همام:يهمكككككك؟؟؟؟

سراب:كيفااش مايهمنيييش علاااش مايهمنييييش منيششش يماااك؟؟؟ كيفاش تتزوج بلا ماتقوليي !!..

همام:علاش نقوولك؟؟؟شكووون نتي باااش نقوولك و نشاورك في حياتي!!!!..

سراب:هماام همااام مزللللت !! خلينا من الموضووع هذا دوكا قولي اذا صح تزوجت؟وشكوون هاذي ريام؟؟ علاش مانعرفهاش! كيفااش تسكن في حي شعبي مافهمتش!!!..

همام:تزوجت! اذا جيتي تباركي اللهم بارك اذا عندك كلام غير هذا الباب يفوت جمل..

سراب:منيش رايحة مناا حتى نشوف حكايتك معاها مستحيل تتزوج بوحدة فقيرة من غير سبب ياك؟؟ اصلا واش داك لحومة مبهدلة كيما هاذيك باش شفتها و عرفتها؟لعبتلك بعقلك يااك!!..

همام بعد عليها بخطوات صغيرة و حط يدو على عينيه مزير عليهم حسها طلعتلو الاعصاب لمخو و مستحيل راح يقدر يتحكم في نفسو قدامها عطاها بظهرو و تلفت طالع مخليها واقفة عاقدة حواجبها بنرفزة ماشي حاملة تجاهلو ليها شافت في أديب لي دارها اشارة بكتافو بمعنى ماعندي مانديرك وخرج و خلاها حتى هو..

خبطت رجلها مع الارض بعصبية و راحت تتبختر في مشيتها رافدة مناخيرها لسما شافت فالارجاء حواليها مالقات حتى واحد خبطت يدها فطابلة و نطقت بتكبر ..

سراب:ويييين راكممم!!!! وحدة فيكممم جيبلي كاااس عصيررر تاع القاارص زوج دقااايق يكون عنديييي!!! ..

قعدت على الفوتاي تاع الصالون متربعة على عرشو و حطت رجل فوق رجل في دقيقة حضرلها واش طلبت و حطوهولها قدامها موالفين بدخلات كيما هاذو و معتادين على عقليتها رغم انو نااادراا ماجي لهنا بصح والفوها و والفو على طبيعتها ماجتهمش جديدة ..

سراب ارتشفت من كاس عصيرها بهدوء و نطقت بمكر و هي تشوف لبعيد مخلية عينيها يتصغرو بطريقة ماكرة دليل على خبث تفكيرها و الافكار الشيطانية لي جاوها ..

سراب:قالوو يتزوج بفقييرة هذااك ماخص ...بااينةة واضحةة وضووح الشمس طمعت في منصبوو و دراهموو و هو كي البهلول متبعها ورث وليدي ماعندو لوين يرووح غير اصبري علياا ..