كلي بكلك مغرم 🩶⛓️مكتملة

كلي بكلك مغرم 145

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة145:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بالرجووع لعند اديب لي كان كمل خدمتو فالعشياا و رجع لدار شاف للبوكي تاع الورد الكبيييير لي كان حاطو قدامو و تبسم بخفة و هو يتخيل فردة فعلها كي تشوفو وصل لدار خووه و هبط رفد البوكي هذاك و شاف للباركينڨ لي كان على برا لقا طونوبيل تاع همام لتم عرفو بلي يكون هنا خسر ملامح وجهو للانزعاج و نطق بينو و بين نفسو بهمس..

اديب:ايوا هذا واش جابو فهاذ الوقت..ان شاء الله مانتلاقااش بييه يفسدها علياا ..

دخل للداخل دور عينيه على الارجاء لتم مالقا حتى واحد غير جا طالع شاف سراب خارجة من الصالون غير شافتو تبسمت و قريت ليه و هي تحكي بسعادة..

سراب:ياعمريي جيتهولي ليااا اووو مرسي ..

اديب:لا جبتو لمرتي!..

سراب:مرت واش؟ مرتك!!..شكون هاااذي؟؟؟وين راهي!! قصدك راك حاسبها مرتك برك ماشي تزوجت يااك ماشي كنت في واحد يولولي زووج ..

اديب:راح نتزوج قريبااااا ان شاء الله..

سراب:بصح شكوون ..

اديب:هندد ..

قال كلامو و طلع للفوق مخليها تستوعب فالصدمة تاعها غير جاتها لبالها لحظة ادراك بلي هند هي خت ريام ترمات على الارض تروح بيديها على وجهها حاسة بالضغط طلعلها ..

سراب:اييي اجرولي اجروولياا دختتت واش داارو لولادي سحرووهم باش راهم يجروو موراهم هااكااا جييبولي المااا دخت دخت ..

اديب تلفت شاف فيها و هو يسمع فنديبها و كمل طريقو طالع للفوق ماهموش فيها شاف لجهة باب غرفة هند و وقف فنص الطريق يحفظ فكلامو ..

اديب:و ما الزهر إلا ملاذ لك تختبئين فيه لشدة بهاءك.. و ماا الزهررر و ماا الزهر إلا..ايه خلاص راني حافظها ..

بقا يشجع فروحو باش مايتلفش و تقدم لجهة بيتها غير حط يدو على الباب باش يطبطب عليه تفتح باب بيت همام و خرج منها كان ناوي يكمل طريقو حتى شافو لتم عقد حواجبو فيه و عاود رخفهم كي شافو جاي جيهتو بذعر رافد البوكي هذاك مدهولو بسرعة و نطق بتوتر..

اديب:هاابي بيرثدااي توو يوووو ياا اجمممل اخخخخخ فالدنننننيا من كثرة مانحبك جبتلك الورد شفت الاخوة كيفاش دايرة وين تلقا اخ رومنسي كيما انا اه وين..

همام:اليوم يوم ميلادي و انا ماعلاباليش؟..

اديب:علاش انا قتلك بلي اليوم ؟؟..

همام شاف فيه بمعنى منيتك و ربع يديه على صدرو يشوف فالمسرحية تاعو هاذي لي راهو دايرها كان ماجاش خوه يقول راهو في عمرو عشرين سنة ماشي 30 بالتبهليل هذا لي فيه..

همام:مراحش تحشم دوكا ياك!!..

اديب:جبتلك الورد و تزيد تشرط شد تشوو خليني نرووح ماتخلو العبد يعيش حيااتو ماعشتوو حياتكممم كاااش نهاار جبت الورد لمرتك نتااا!جااامي مااالا خلييني نجيبووو لمرتتتي تسااالني..

همام:ياك جبتهولي ليا!..

اديب:نهار تولي مرتي نجيبهولك ديجا هاتو هناا ماتستاهلووش ..

نحاهولو من يدو و دخل لبيتو مخلي همام واقف يشوف فالطريق لي راح منها و هو مخسر ملامحو للإشمئزاز حاير فيه و في عمايلو راح كمل طريقو و هبط للتحت و هو يخمم في كلامو صغر عينيه كأنو راهو يفكر فحاجة مهمة و نطق بهمس..

همام:صح انا علاش جامي جبتلها الورد؟..