كلي بكلك مغرم 🩶⛓️

كلي بكلك مغرم 212

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة212:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

تنهدت بهدوء و عاودت دخلت لطونوبيل قعدت من كثرة ماعيات اليوم من جريان و خوف و ذعرر و احداث عاشتهم ولات تحس بروحها فشلانة حتى الوقفة و عجزت عليها طلع همام قدامها مدلها قرعة ماء جغمت منها شوية و حطتها و هي تتنفس بهدوء تحاول ترجع لوتيرة نفسها الطبيعي با تتنحالها الشهقة لي ماحبتش تحبس منها رغم دموعها لي كانو حابسين ..

قربها ليه كي شاف حالتها هكاك حطلها راسها على صدرو و نطق بهدوء و هو يشوف لبعيد ساهي فطريق..

همام:ندمت لي دخلتك فهاذ الحكاية..

ريام:علاش؟..

همام:مكانش علابالي بلي راح توصل لهاذ المواصل..

ريام:سمحلي..

همام:جازت..

ريام:كنت قادرة نهرب و مانوصلش اصلا باش نتشد بصح الحظ كاان عكسي المرة هاذي..

همام:ماشي الحظ لي كان عكسك منال هي لي كانت عكسك..

تلفتت ليه ضرباتو على كتفو بخفة و ضحكت على الحكاية هاذي لي طلعها عليها و رجعها تحريشة بسبتها ،عاودت رجعت حطت راسها وين كان و جاوباتو بهدوء..

ريام:كانت باينة راح ديرها .. من نهار حكيتلهم على زواجنا تبدلوو بداو يتهربوو الاتصالات قلوو الاخبار نقصووو..

همام:من حقهم يخافو من مرت الجنرال..

ريام:بصح خوفهم طلع حقيقي..

همام:هذا لي كان لازم يصرا..

ريام:كنت نلوم في روحيي عبالك! قلت انا انساانة مانتامنش و فأول فرصة خليتهم بصح طلعو كثرررر منيييي..اتخخيييل راااحتتت و خلاتنييي ماقدرتش نسرطهااا الفكرةة هاذي..جامي صراتلي اول مرة تتحشالي هاكا..

همام:انساااي الحكاية ..

ريام:مراحش نقدر ننسااها..بصح على الاقل راح يتنحالي تأنيب الضمير كي شفتهم على حقيقتهم و عرفت واش يسواو..

شافت فيه كي جاوبها بصمتو بقا ساكت ساهي فنقطة وحدة تايه وسط أفكارو بلا ماتزيد تحكي ولا تقلقو حتى هي التزمت الصمت كي عرفاتو بلي بالو تشغل مع المصيبة هاذي لجديدة لي طاحت عليهم تنهدت بخفة و غمضت عينيها بتعب تحاول تستوعب الاحداث كيفاش بدااو حتى وصلو لهاااذ النقطةةة بذاااات..

فلاش باك..