كلي بكلك مغرم 🩶⛓️

كلي بكلك مغرم 151

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة151:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

اديب كان مابين الوعي و اللاوعي جوابها لي قالتو على غفلة منو و لي مكانش متوقعو خلاه يدخل فحيط مايفهم فيها والو لأنو حرفيا مكانش مستني منها تقبل بهاذ السهولة حل عينيه بزربة كي سمع سيرة همام و ناض تقعد في بلاصتو وهو يضرب فخدودو بكفوف خفاف يحاول يرجع لوعيو مليح ..

اديب:قاتلي راهي قابلة؟؟..

ريام:مزلتتت حي حمدلله ..

اديب:قااااتلي رااني قااابلةةةة!!!..

ريام:ايييه قاتلك رااهي قااابلةةة ..

من التلفة لي كانت فيه كان راح ينسا روحو و يروح يعنقها من فرحتو بصح غير شاف همام هابط ليهم و هو عاقد حواجبو عاود دار دورة و تلفت عنق المخدة بقالو شوية و ينوض يزغرت برك حشم منها و من ريام ..

همام:واش راهو صااريي..

ريام:ههه هند قبببلت بيه و اخيراا..

همام طلع عينيه فهند لقاها مهبطة راسها غارقة في حوايجها تزيد شوية و تختفي قدامهم من كثرة ما كانت حشمانة منهم عاود حول نظرو لخوه و قرب لعندو كي شافو معنق المخدة مرمي على الفوتاي لي يشوفو يقول هذا هبطلو السكر ولا كشما صرالو ..

راح نحالو المخدة هاذيك من حضنو و خبطو بيها ناطق بهمس قدام مسامعو ماحبش برك يحشمو قدامها أما كانت جات عليه راهو دار فيه لي مايندارش على قوة الدراما تاعو لي ماتخلاصش..

همام:اترجلللل شويةةة ماتكونش بهلووول..

اديب غير سمع واش قالو ناض وقف قدامو و حول ملامحو للجدية شاف فهند لي كانت قربت عند ريام وقفت قدامها و نطق بصوت رجولي عكس كيفااش كان قبل ثوااني ..

اديب:الياامات هاذي ان شاء الله نجي لداركم نخطب راح نخليلك وقت باش تحضري روحك..

ريام:اييه مكاااش مشكل السماانة الجااية نكوونو واجدييين جيبو الورد و ارواحو تخطبوو..

اديب:ان شاءالله ..

قال كلامو بكل هدوء و طلع للفوق مخليهم واقفين لتحت يستوعبو واش صرا زاد طلع هماام حتى هو و بقاو هما الزوج وحدهم غير شافتو غبر على عينيها تلفتت لعند ختها و طارت عليها عنقتها بكل قوتها فرحانةة ليييها ..

ريام:مبروك مبروووووك يويويووييوييي احسسسن ما عملتييي كي قبلتتتي ولله دييتي سيييد الرجاال مراحش تندمييي عليييه..

هند:هفف تبهدلتتتت قدامو ..

ريام:ههه عاادي دوك كي تواالفوووو ببعض تولو تضحكو على رواحكم كي كنتو هاكا..

هند:فييها خيير فيها خير ..ان شاء الله مانخيّبش آمالو فيا و ماايخيبش آمالي فيه ..

ريام:ماعندك علاااش تخييبي منوو ماشفتيهش كيفاش راهو يجري موراك باش تقبلي بييه و نتيي تااان حاوليي تحبييه و تنساااي كاامل الماااضي الحياة ماتتوقفش على حااجة وحدةة و بماا انك قبلتي معنتها ربي شافلك فيها خيرر..

هند:راح نحاول مانخيبووش و نحاول نحبو و نبادلو نفس شعورو إن شاء الله يعني!..