كلي بكلك مغرم 🩶⛓️مكتملة

كلي بكلك مغرم 153

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة153:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام غير سمعت سيرتو بلعت ريقها بتوتر وزيرت على صاكها بين يديها حست برعشة سرات فكل بدنها دوب تفكرت واش دار فيها اخر مرة و واش كانت نتيجة لي دارو معاها خدات نفس طويل شجعت بيه نفسها باش ماتخافش و جاوبتها بصوت متقطع من توترها لي ماقدرتش تخفيه عليها ..

ريام:علاش جا؟..قاللكم عليا! واش قال؟وااش قتولووو!!..

منال:اروااحي نكملو الهدرة لهيه مع الشاف..

راحو مع بعض دخلو لمكتب الشاف لي مستكلف بتنظيم الخدمة لتم غير سمع باب مكتبو تحل طلع راسو و شاف فيهم غير شاف ريام انعقدو ملامحو لا اراديا و ناض وقف مقرب ليها بنفسو أما ريام غير شافت ملامحو عرفت القضية حمااضت فغيابها علابيها طلب يشوفها بشكل رسمي و عااجل..

ريام:هايا دوكا فهمونيي فقصتولي مرارتي ..

الشاف:علابالك بلي الملف تاع خدمتك هنا تشطب؟ يعني تحاوزتي من غيير مطرود..و لي دار الشي هذاا هو الشاف الكبير بحد ذاتوو..

غير سمعت كلامو غمضت عينيها بقوة و زيرت على قبضة يدها حركة متوقعةةةة جدا من همام و مكانتش تستنا فيه يدير العكس نفخت بسخط و جوزت يدها على وجهها حايرة واش تقول ..منال كي شافتها ساكتة تنهدت و نطقت بهدوء ماحبتش تزيد عليها لأنو حست بيها بدات تتقلق من واش سمعت منهم ..

منال:حبيت نعرف علاش دار هاكا علاش نتي بالضبط؟ بنهاار واحد قبلما يجي ينحي الدوسي تاعك عيط لواحد من الفريق و سقسااه عليك ..و من الصدف ثاني اول مرة يروح يتفقد الخدمة بنفسو نهار راح للمزاد كان حاب يشوف كيفاش راهي تسير الامور بلا مايقولنا وكانت دالتك النهار هذااك ..زعما يكون كشما شاف شي غلطة من عندك؟..

ريام:امم شاف اغلاط ماشي غير غلطة..

منال:علاش ياك كلشي صرا كيما كنا حابين..

ريام:ممكن لأني راني متزوجة بييه و رااني مرتوو و هو رااجلي ممكن جدن تكون هاكا..

منال و الشاف شافو فبعض بصدمة و بقاو ساكتين حرفيا صدمتهم بواش قالت كل المخاطر لي جامي تصورو انهم يطيحو فيها بكلامها الاخير لي قالتو بداو يخمو فنهايتهم كيفاش راح تكون تحت يديها هييي بذات ..

الشاف:راكي تتمسخري ياااك!!! هبلتتتتتي حفرتتتتتي قبرنااا بيدييييك!!!!!..

ريام:ماترفعععش صوتك عليا احترم نفسك!!..علاباالي واش راااني نديير منيش بهلوولة نروح نفضح روحي قداامو و نضيع تعب سنين هكاك !!..

منال:طمنيني و قوليلي مزال مافاق بواش رانا دايرين يرحم باباك مزلني حابة نعيش حياتي راني صغيرةة منيش حابة نموت ..

ريام:وين راح يفييق ..اذاا بعدتو عليا الفترة هااذي و ماعيطتوليش اكيد مراحش يفيق!! ..

الشاف:بصح الخدمة راكي تروحي ليها بإذنو هو كي يعطيلنا المهمة الجاية كيفاش راح ديري؟؟..

ريام:ماعلاباليش منا لهاذاك الوقت نشوف واش ندير..اصلا موالفين نطولوو المدة بين المهمة و المهمة يعني راح يكون عندي الوقت نخمم..

منال:راح تغرقينااا معاك رياام ولله راكي تريسكييي بروحك و بينا.. راكي مزوجة مع واحد طول حياتنا و حنا نمشو من موور ظهروو !!!

الشاف:عبالك بلي رانا نديرو فيه مخالف للقانون ياك؟ الخدمةة هاذي صح بإذن من الجنرال بحذ ذاتو بصح لي رانا نديرو فيه حنااا الثلاثة واحددد ماعلاباالو ببييه ..

ريام:و راح نبقاو هاكا كيما كنا من قبل حتى حاجة ماراح تتبدل..

منال:متأكدةةة؟..

ريام:ايييه انا نعرف كيفاش ندبر رااسي..المهم ماتعيطووليش دووكاا خلوني نفريها مع روحي اومبعد ساهل..

منال:رقبتنا راهي بين يديك!..طيحي نتي نطيحو كامل بالاكي ديريهاا بينا ريام !..