كلي بكلك مغرم 🩶⛓️مكتملة

كلي بكلك مغرم103

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة103:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

وصل لدار بعد دقايق عديدة و هبط داخل ليها كان ناوي يروح يخدم بصح بقرارها المفاجئ هذا سدتلو الشهية فواش كان حاب يدير دخل لدار نحا فيستاتو رماها على الفوتاي تاع الصالون و ترمى عليه حتى هو جبد تلفونو تلهى بيه لدقائق اومبعد ناض دخل للكوزينة حط قهوتو فماشينة القهوة و بقا يستنا فيها توجد ..

دارو كانت اصغر من تاع همام جاية على شكل ميني فيلا فيها صالون كبير ستيلو عصري لونو مابين البني و الباج و الابيض فيها كولوار جامع بين الكوزينة و الدوش و التوالات كي نطلعو فالدروج نلقاو زوج بيوت وحدة منهم تاعو مديكوريها بستيلوو الرااقي بونك فالوسط مفرش بفراش ازرق فاتح دوش صغير فآخر الغرفة كوافوز حاطط عليها اغلى برفاناتو و سوايعو و الحااجات الصغيرة لي يحتاجهم و خزانة لونها ابيض كيما باقي المابل لي لتم بسيطة على حسب بساطة ذوقوو ..

كانت دار متوسطة الحجم ماهي كبيرة لي يتبحر فيها ماهي صغيرة لي مايقدرش يتنفس وسطها تكفيه هو برك ماعندوش خدامات كيما خوه لأنو مايحبش الحركة بزاف في دارو عندو خدامة وحدة جيه كل سمانة تنظفلو الدار و مرات ديرلو الفطور و لا العشاء على حسب طلبو وإلا فباقي اليامات هو متكلف بروحو بنفسوو الطياب هو لي يطيبو ماعندوش اشكال فالموضوع هذا و باقي الحاجات ديرهم الخدامة كي جي تنظف فالسمانة..

شخصيتو هادئة شبيهة بشخصية همام مختلفين فبعض النقاط بصح بزاف نقاط اخرى مشتاركة بيناتهم كيما قسوحية الراس لي عندهم كي يحبو حاجة يطبقوها و كان يعرفو بلي السماء راح تنطبق على الارض اديب يعرف يتحكم فعصبيتو و اعصابو لي يثورو همام مايقدرش سريع الانفعال رغم هدوءو فالتصرف و التخطيط عندهم شخصيات متقلبة مرات كل مرة كيفاش يكون تفكيرهم و تصرفاتهم على حساب مزاجهم يتصرفوا..

كمل تحضير القهوة تاعو و رجع لصالون قعد حطها قدامو بعدما ترشف منها رشفة صغيرة استنشق منها ريحتها لي فطناتو و استطعم فيها حلاوتها المرة فنفس الوقت..

جاب تلفونو و حط رقم عليه بقا ثواني و هو يستنا فالاجابة حتى تسمع صوت انثوي ناعم باين الخجل و الاستغراب من نبرتو لي نطقت بيها بينما هو كان ساكت يسمع في صوتها لي داه لبعيد..

هند:ألو شكون معايا؟؟.. ألو!!..ألوو..

غير جات راح تكوبي عليه اسرع فالنطق و حكا بنبرة خاترة و هو متبسم ابتسامة خفيفة عقلو يتخيل في منظرها وهي تحكي معاه فهاذ اللحظة و الحشمة مسيطرة عليهاا ..

أديب:الوو..هندووش قلبي..

هند:عفوا شكون نتا؟؟ راك غالط خويا ..

اديب:غالط و عارف اسمك؟؟..

هند:شكون نتا؟..

اديب:زوجك المستقبليييي..

هند:واش راك تخرف!..

اديب:كيماا راني نقوولك زووجك رااجلك يعنيي ..

كان يستنا في جوابها حتى سمع صوت الخط لي انقطع دليل على انو كوبات عليه عقد حواجبو بإنزعاج و حك نيفو بغش و هو متبسم يحاول يسيطر على روحو باش مايروحش يكسر على راسها التلفون هذا لي كوباتو عليه ..

عاود عيطلها و بقا يستنا منها جاوب بصح المرة هاذي ماجاوبتش و عرفها مراحش جااوب كي قاللها الهدرة هاذيك للحظة لعن تسرعو لي ديما مبهدلو و بعتلها مساج تاع تهدييد صررييح لأنو كان اخر حل ليه باش جاوبو و تهدر معاه..

💬:ريبوندي عليا احسسسن ما ماايحصلش خييير ..كيما جيت هدرت معاك براا و جيت لدااركم زوج مرات قادر نولي ليهاا و مراحش نخااف!!..

عاود عيطلها للمرة الثانية بعدما بعت المساج و بقا يستنا حتى كان راح يتكوبا باش سمع الخط كي تفتح بصح بلا ماتهدر تبسم بخفة و نطق بهدوء و هو يتسحضر في ملامحها بين عينيه و هو يهدر معاها..

اديب:شفتي كي تكوني شاطرة تاخدي الراي و ماتخلينيش نتقلق كيفااش تمشي الاموور كيما راكي حابة..

هند:واش تسحق مني؟؟ماتعيطليش عيشك الشي هذا حرام مراكش من محارمي باش نهدر معاك براحتي و زيد طلبتني لزواج و ماقبلتش خلاص !!...

اديب:هذا هو الاهم! علاش ماقبلتيش..

هند:نظن الشي هذا يخصني!!..

اديب:مادامك نتي تخصيني يعني كل قراراتك يخصووني كل حياتك تخصني كل حااجة فييك و في حياتك مربوطة بإسمييي تفاهمنا هندووش قلبي !!..