كلي بكلك مغرم 🩶⛓️

كلي بكلك مغرم 141 142

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة141:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

جات جاوبو حتى سمعت الصوت تاع انتهاء المكالمة عرفاتو كوبا عليها خنزرت فالتلفون كأنو راهي تشوف فيه و حولت نظرها لهند لي كانت تضحك بالصوت عليها غير شافتها تشوف فيها بنظرات باردة دارت يدها على فمها حابسة ضحكتها ونطقت بنكران..

هند:منيييش نضحك هههه ..

ريام:كي تتزوجي انا نولي نضحك عليك غير متخافيش..

هند:ههه روحي عند راجلك لي مايحوسش عليك روحي..

ريام ضحكت بميوعة و رمات عليها المخدة طلت براسها فلكولوار ماسمعت حتى حس عرفت اديب يايكون في بيتو يا مايكونش فدار كامل راحت تجري دخلت لبيتها و غلقت الباب موراها لقاتو شايد بلاصتو لاهي بالبيسي تاعو قربت ليه و ترمات قدامو ناطقة بتأفف..

ريام:مافهمتش دوكا واش فيها اذا رقدت مع ختي راهي ضيفة..

همام:شفتيني انا رحت رقدت مع خويا؟..

ريام:هااني هناا هااه مراحش نهرب..

زفرت بتذمر و جبدت لغطا عليها تغطات و غمضت عينيها مستعدة باش ترقد مخلياتو متبع معاها حركاتها من جهة و من جهة متبع مع خدمتو فات شوية وقت غير بدات تحلالها الرقدة ولات تسمع فصوت غريب كأنو حاجة راهي تخبط فزجاج عقدت حواجبها بإنزعاج و ناضت مدوخة بالنعاس شاف فيه لقاتو يشوف فيها مستني منها تشكي..

همام:شبيك علاش نضتي..

ريام:واش هاذ الحس مراكش تسمع..

همام نحا الكيت من وذنو و بقا يتنصت لواش راهي تسمع حتى وضاحلو السمع مليح ناض شعل الضو و راح بإتجاه الصوت هذا لقاه جاي من البالكون خرج يشوف واش كاين و طل لبرا لقا اديب واقف لتحت شايد مجموعة من الحجر الصغير و يرمي فيه على التاقة غير قابلو همام رما واش كان في يدو و نطق بذعر..

اديب:واش هاذ الزهر لي عندي العماا شدني انا علاش قتلهم يطفيو الضوو علاش.. بيتها راهي ملهييه مااشي هناا واش راح يسكتووو دوكا..

همام غير شافو شايد لحجر و الضوو طافي عرفو على واش كان ناوي بلا مايحس رفد المحبس تاع البلونت لي كانت محطوطة على شرفة البالكون و رماها عليه شعرة لا جات فوق راسو قسماتو على زوج ..

همام:مراااااحششششش تحشممممم دووووكاااااا ااااه مرااحش تحشممم !!!!!!!..

اديب:شبييك شبيك مااشي كيما راهوو في بااالك كنت نصييد فذبااان تسااالنيييي..

همام:كي نهبط ليك نهبطلك السروال تشوف الذبان كيفاش داير ماتخلينيش نحاوزك مداار رااك كبير اديييييب ..