كلي بكلك مغرم 🩶⛓️

كلي بكلك مغرم 230الى 240

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة231:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

الطبيبة حركتلها راسها بنفي نافيتلها التفكير تاعها لي تقريبا معظم الناس عندهم هاذ المشكل و هو عدم رضايتهم باش يحكيو ماضيهم ولا حياتهم لناس و ريام كانت وحدة منهم كانت تشوف انو ماضيها خاص بيها هي برك و كان تحكيه ممكن تتلقى السخرية من الناس لأنو نتذبت من دارهم و هي صغيرة يعني تاع الصصصح الماضي تاعها كان مشكللها هاجس كبير في حياتها مخليها تشوفو على انو كابوس ماشي مجرد ماضي فات عليها و جاازت حكايتو و خلااصت انقضاات مدتها  ..

سعاد حطتلها السنيوة على حجرها و قعدت قدامها رفدت الفرشيطة قطعت بيها طرف صغير من السكالوب و مدتهالها مستنية منها تشدها ريام كي شافت اصرارها عليها شدتها بقلة حيلة و كلاتها و هي تسمع ليها لواش كانت تحكي..

سعاد:مرات كي تحكي واش راهو في قلبك يكون اريحلك من انك تخبيه ..دوكا نتي راكي تشوفي في ماضيك على انو حاجة ماتتحكاش لأي شخص..بصح انا منيش أي شخص..انا هي لي نقدر نعاونك انا لي نقدر نوجهك و نحلك مشاكلك فنيت عمري و انا نقرا علاجالكم باش نخليكم مرتاحين شحال من وحدة كيما حالتك جازت علياا و الحمدلله كامل رتااحو ..حاولي ريام حاولي برك..

شافت فيها بضياع و حولت نظرها لنقطة اخرى ركزت معاها باش ماتتأثرش في كلامها و تحتفظ بنفس تفكيرها بصح جهة اخرى من عقلها كانت تقوللها فكي القيود هاذو و ارتاحي ريحي روحك بعد كل هاذ السنين خليك مرتااحة ولو لمرة وحدة اذا ماشي علاجالك علاجال بنتك ماتخليهاش تتأثر حتى هي بمشاكلك و تولي كيفك !..

عاودت شافت فيها و تنهدت بتعب مجاوبتها بعد صمت دااام طويلااا استغلاتو و هي تحوس على شي قرار سريع تشد بيه زمام الامور و توضح طريق لنفسها بعد الايام هاذي لي راهي جايتها ..

ريام:واش نحكيلك؟..

الطبيبة غير سمعت جوابها تبسمت و ناضت بزربة غلقت الباب و رجعت قعدت قدامها مجاوبتها بهدوء محاولة بقدما تقدر باش تخليها تحس بالراحة و الامان و ماتبدلش رايها ..

سعاد:كلنا عندنا ماضي مكاش واحد فينا ماعندوش..و الماضي هذا يبدا من واحد النقطة هي لي تكون عبارة عن بداية للماضي هذا ..واش هي النقطة لي خلاتك توصلي للحالة هاذي؟؟ واش لي خلا حب السرقة يتسارا في عروقك هاكا؟..

ريام:بابا..

سعاد:واش دارلك؟ هو لي وصلك للهنا!!..

ريام:ايه..

سعاد:وضحيلي اكثر ريام ماتحشميش مني..اعتبريني صندوق اسرارك أي حاجة راح تقوليها راح تبقا عندي بررك عاهدت عهد بيني و بين ربي اني مانخرج حتى سر لأي مريض يفتحلي قلبو..