كلي بكلك مغرم 🩶⛓️

كلي بكلك مغرم 139

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة139:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

كان راح يروح يقعد حتى شافها عاودت دخلت مزالت تحكي وحدها مع روحها كي لي ناقصو عقل راحت لبست طقم صلاة زعما خداتلو الراي كي قاللها ديري حسابك كي راهو هنا اديب و خرجت راجعة لعند هند لي قاتلها تلبس كيما هي برك هند ماحبتش تهبط بلا نقاب ولات دارتو فوق طقم صلاتها و هبطو بين زوج غير وصلو للتحت شافو اديب و هو خارج من الصالون لابس قميص داير عمامة فوق راسو و شايد المسبحة بين يديه تحلف عليه امام تاع جامع مانعرف منين هبط عليهم ..

ريام غير شافتو ضحكت بلا ماتحس اما هند تمنات كان الارض تنشق و تبلعها ولا تتصادف معاه هنا هبطت راسها بزربة و زربت فخطواتها تحوس على الكوزينة بعينيها من حظها ماعرفتش وين جاية تلفتت لعند ريام باش تقوللها تزرب حتى لقاتو واقف قدامهم يعدل فالشاشية تاعو و يحكي معاهم..

اديب:مرت خوياا عندنا ضيااف مرحباا بيهم ..

ريام:امم هااك تشوف جاات ختتتي لعنديي ماحبتش تخليني وحدي ربي يحفظها حنينة مسكينة كيما نتا حنين و جيت لعند خوك تقعد عندو سبحان الله ..

اديب:اييه راني نشوف نشتركو فبزاف نقاط ماشاء الله ..

ريام:لالا بااين من القميص و الحطة لي راك لابسها تقول امام تاع جامع و هي مع دايرة نقااب تتوالمووو تقول فردة و لقات ختها..

اديب:عجبتيني يامرت خويا كان عرفتك هاكا كنت نجي نقولك ليك ماشي لنكدي تاع راجلك..

ريام:ههه يسمعك يجي ينكدها علينا بين زوج ..خويا اديب راني هنا منيش لهيه هه..

اديب بعد عينيه على هند و حك لحيتو بتوتر تبسم بتبهليل و جاوبها و هو يحاول يلف فالموضوع..

اديب:كان يشوفني خويا نشوف فيك يتقبلي عينيا مانبقا نشوفك لا نتي لا هي ..

ريام:ايه صح عندو الحق غض البصر ملييح ..

شدت هند من يدها و راحت بإتجاه الكوزينة و هي تضحك مخلياتو متبعهم بعينيه حتى حس ببليغة طايشة جاتو في راسو كان ماشي شدها فأخر دقيقة كانت راح تطبعلو 42 وفي وجهو تخليهالو ذكرى من همام لي كان هابط ليه مالحق عليه غير كان يشوف فيهم و هما رايحين..

همام:قتللك غلطةة وحدةة تخلصهااا ..

اديب:كنت ناوي تفسدلي خليقتي باش تزيد تأكد على رايها و ماتقبلشششششش بيااا!!! ..

همام:منيييش نمسخررر اديببب..

اديب:ماهدرتش معاها خير مكلااه تزيد علييها..

همام:ماتمشييش في طريييقها مليحةة هااكااا ..

اديب شاف فيه بجمود و جاوبو مبدل الموضوع كليا ..

اديب:مزال باش يحطو الفطور مراكش متهلي في ضيافك سي همام ماحبيتهاش منك..

همام عض على شفايفو بفقصة و بقا ساكت يخمم فقصتهم مع الفطور ليوم لي يجي يهدرلو عليه تقول تفاهمو على راسو بلا مايحس عيط بأعلى صوتو على الخدامات حتى جاو تستفو كلهم قدامو..

همام:وييييين رااااهوووو الفطوووور هذااااا وووويييين رااااه حطووولهم يتزهرموووو و يسكتوووو عليييييااااا .. الهمممم هاااذو مانعرف واش درت في حيااتي باش ربي بلاااني بيييكم..