كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة12:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

هُمام من وقت مابدات تعيط و تشالي غير مع روحها منوضتها معاه و هو غايس فيها حِدة نظراتها و شراسة قدحة عينيها و هي تتحرك يمين و شمال وسط شكل عيونها اللوزي جاابلوو التمااام ماحسش على روحو حتى لقا بلي راهو مركز غير معاهم برك مايشوف في حتى حاجة غيرهم اصلا غير هما لي كانو يبانو فيها..

ماعرفش كيفاش و وقتاش و علااش اصلا بقا ساكتلها على المندبة لي راهي دايرتها و ماحبتش تسكت عليها بعد انظارو عليها بسيففف و قطعع انجذابو ليهاا لأنو حس بروحو طول الشوفة فيها غمض عينيه و نفض راسو من افكارو الغريبة لي جاتو و عقد حواجبو بإنزعاج كي حس بصوتها ضرو في راسو و فاق لواش راهي دايرة حط يدو مور ظهرو و بعد الفيستا تاعو دارلها اشارة لسلاحو لي كان متوسط خصرو و نطق ببرود..

همام:تسكتي و لا نفرغوو لختي في راسها؟؟ شفتك ضصرتي بزاف لا!..

ريام:شكوون نتا باش تخوفني بسلاح؟؟؟ حسباتلك راح نخاف!! كامل عندنا سلاح ماشي غير نتا!..

همام:امم! ماتكونيش زميلتي فالمهنة وانا ماعلاباليش!..

ريام:ايه ممكن .. علابيها من مقبيل و انا نقول شايفاتك بصح نسيت وين..

تبسمتلو بهدوء حتى قراتو لامان و جبدت بخاخة صغيرة رشتهالو في وجهو شوطتلو عينيه بيها لأنو رذاذها كان مصنوع من كل ماهو حاار و سبايسي تستعملها للحالات الطارئة لي كيما هاذو غير شافتو تحنى و حط يديه على عينيه عطات الريح لرجيلها و هربت تجري ركبت فأول طاكسي قدامها و قلع مبعد من تم بيها مخليين السي الجنرال مزالو على نفس حالتو مرمداتوو بواش دارتلو رجاال كبار بشلاغمهم ماداروهاش فيه جات فرخة طيحتلو دموعو بسيف عليه فكرة ماقدرش يتقبلها ولا يدخلها لراسو بتاتا ..

راح يجري جهة طونوبيلتو جبد قرعة ما و فرغها على راسو بقا يشلل في عينيه و يعاود و هو يتوعدلها بأخيب الافكار لي طاحو على راسو كان يحوس على منقبة وحدة ترصاتلو يحوس على زوج غافل على انو راهي هي نفسهاا لي راهو يحوس عليها ..

همام:اصبري عليا برك انا يصرا فياا هاكاا رجااال و ماخلاوش ظهري يتحنى جات هي مرمدتني ..دوك تشووفي على واش قادر يالفرخةة اصبري برك ..نلقا لي جيت نحوس عليها و ندور ليك ..

خبط باب طونوبيلتو و قلع راجع لدارو كان ناوي يجي يحوس على لي سرقتلو حتى ترصاتلو في حكاية وحدوخرا نساتو فالموضوع الاول لي جا علاجالو ..

طريق كامل وهو يفكر فالاحداث هاذو لي صراولو من المفروض كان لازمو يخمم فأبشع الخطط باش يطبقهم فيها كي يلقاها بصح هو تفكيرو كان غير في خفتها وطيرانها كلما يغمض عينيه جيه صورة عينيها مرسومة بوضوح قدامو نفض راسو من الافكار لي راوداتو و نطق بهمس..

همام:سي الجنرال اثبت شوية ماشي من عوايدي نخمم هاكا واش صرالي..قريب رزاتني في عينيا و مزلني نخمم فيها ..

نفخ بتذمر و كمل طريقو طاير فالطريق بأعلى سرعة في غصون ساعة كان وصل لدار هبط يتبختر في مشيتو كأنو كتلة من الشموخ و الهيبة كانت تمشي الدنيا ماشي سايعاتو .. الخدامات غير سمعو حسو كل وحدة طارت شدت بلاصتها مايحملش الحس بزااف كي يدخل هو لدار و هما حافظين طبايعو و طايعين اوامروو ..

راح دار دوش خفيف و دار دواء لعينيه لي كانو مزالهم يحرقو فيه كلما يجي يحاول ينساها و ينحي التفكير فيها من بالو عينيه لي كانو يحرقوه يفكروه فيها وفي واش دارت مافهمش علاش تفكيرو يديه ليها ديراكت..

رغم انو مهيش حااجة من طبيعتوو هو كشخص مهتم غير بخدمتو ماعندوش وقت باش يخمم فحاجة غيرها كانو عندو عدة فررص باش يستمتع مع البنات بأشكالهم و انواعهم بصح هو اختار راحة بالو و وحدتو و عزلتوو بحاالو ماعندوش بزاف مع النااس و بالاخص مع الجنس اللطيف عمرو ماتعامل مع مراة مافهمش علاش هاذي بذات علقت في ذهنوو و ماحبتش تخرج منوو !!..