كلي بكلك مغرم 🩶⛓️مكتملة

كلي بكلك مغرم 130

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة130:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

راضية ناضت بزربة للكوزينة باش توجدلها واش تاكل و هند بقات معاها تواسي فيها بقاو ثواني وهما ساكتين ريام ماهدرت و هند ماعرفت واش تقول فحالة كيما هاذي بعدتلها على الفراش باش تخليها تتسطح و ترتاح بعدها نطقت بتساؤول  ..

هند:كيفاش حتى صرالك هاكا مكانش علابالك بلي كنتي اونسانت؟..

ريام:مالحقتش نعرف بيه حتى عرفت بلي خسرتو ..

هند:كيفاش صراالك كنتي وحدك؟؟..

ريام شافت فيها بصمت تخمم واش تقوللها و بعد ثواني جاوبتها بهدوء وهي تحاول ماتحطش عينيها فعينين ختها باش ماتشكش فيها بلي راهي تكذب..

ريام:صرات برك مانعرف كيفاش تكتبت باش مايعشيش و ماكنتش وحدي كان معايا همام ..

هند:معليش حمدلله على كل حال مزية كان معاك راجلك و ماكنتيش وحدك يعود كشما يصرالك ..

جات جاوبها حتى شافت راضية داخلة ليها تجري و هي عاقدة حواجبها بإستغراب قربت لعند ريام ونطقت بإستفسار مخاطبتها..

راضية:واش كاين بينك و بين راجلك؟علاش قال لباباك كي نجي نديها مراحش تحب جي ماتقوليليش ضاربتو علاجال المشكل هذا؟..

ريام قلبت عينيها بنفاذ صبر من عمايل همام لي مايخلاصوش و نفخت بتذمر حشمت غير تسبو قدامهم و تبدا تحكيلهم على واش راهو صاري بيناتهم شافت فيماها و حركت راسها بنفي نافية تفكيرها لي فالاصل راهو صحيح برك ماحبتش تقوللهم ..

ريام:لا قتلو يخليني نقعد هنا بيدما نرتاح شوية لتم كي نرووح شكون راح يكون معاياا يمااه مثلا راح جيبلي كاش حاجة نحتاجها و مانقدرش نروح نجيبها ؟؟؟؟ هنا على الاقل راني في دارنا براحتي هو ماحبش يفهم ..

راضية:هي عندك الحق هنا راكي قدام عينيا خير بصح مادامو ماحبش واش ديري تروح هند معاك و خلاص..

هند شافت فيها بدهشة من قرارها لي ماشاورتهاش فيه و بقات ساكتة ماحبتش تقوللها مانروحش من جهة مراحش تلقا راحتها مع راجل ختها و من جهة خافت تتلاقا بأديب لتم و ماتعرفش كيفاش تتصرف معاه بصح من جهة ثاالثة ماتقدرش تقوللها لالا و تفهمها ريام بالغالط و تقول ماحبتش توقف معايا حرفيا ماعرفتش واش تقول ولا كيفاش تتصرف فموقف كيما هذاا ..

قطعت تفكيرها على اجابة ريام و بقات ساكتة تسمع لحديثها مع يماها ..

ريام:بصح انا منيش حابة نرووح ..

راضية:حلييها بينك و بين راجلك اومبعدد ساهل انا لي ديريه راني معاك فيه اذا رحتي نجي ليك صباح نكون معاك و اذا بقيتي راكي معايا ..

ريام:ايه ان شاء الله..المهم منيش رايحة..

عاودت خرجت تكمل فشغلها و خلاتهم مع بعض مكملين فحديثهم لي طاال حتى وصل لحكاية اديب ريام غير سمعت بسيرتو تلفتت بزربة ليها تشوف فيها بصدمة تستوعب فواش راهي تسمع منها ..

هند:خوو نسيبي مزالو على قراروو ولا بدلوو همم..

ريام:وشمن قرار هذا؟؟..

هند:كيفااش وشمن قرارر.. علاش ماعلاباالكش؟..

ريام:واش ماعلاباليش اهدري واش كاين؟؟؟..

هند:يااك جا خطبني و ماقبلتش ..بصح مزالو يجريي موراياا..و قالي زعماا اليوم يعاود يجي هه..

ريام:اديب؟؟؟..

هند:اييه ماقالكش راجلك؟؟؟..

ريام:رااكي متأكدة اديب جاا خطبككككك؟؟وانا علاش ماعلابااليش!!! اناا وين كنتتتت علاش حتى وااحد ماقاليي ديجاا علاش ماقبلتتتيش؟؟..