كلي بكلك مغرم 🩶⛓️

كلي بكلك مغرم 122

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة122:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

همام غمض عينيه بقلة حيلة من كلامها لي قالتو بقهر و شدلها يديها لي كانو يخبطو فصدرو زير عليها بين يديه و قربها ليه عنقها بقوة حتى نهارت في حضنو باكية صوت شهقاتها اخترق مسامعو بوضوح و دموعها حس بيهم شمخولو تريكوه..

حرك راسو بعدم رضى على حالتها لي راهي فيها و بقا يمسحلها على شعرها بهدوء باش يهديها و يخليها تحبس من بكاها لي حسو ديرونجااه ماشي لأنو قلقاتو بصوتها لا لأنو هوو بذات مهوش حاب يشوفها تبكي ماعلابالوش علاش..

همام:هششش خلاص حبسي بكاا هدوين فطنتي من تأثير المهدئ ارتاحي..

ريام زيرت على تريكوه بين يديها و بعدت عليه شوية و هي تشهق الشهقة لي كانت غالبة على صوتها خلاتها تخرج حروفها بسيف من حلقهاا و تنطق بيه بضعف..

ريام:علاش خليتني باش نرتاااح!!علاش درت فياا هاكااا وااش درتلككك اناا واش درتتتلككككك..

همام:كان راانا فالوقت المنااسب لهاذ الهدرة نبداا نعدلك واش درتي حتى تتعمر الليستاا بصح مااشي وقتتووو ..

قبلما يخليها جاوبو رفدها وعاود حطها فوق السرير غطاها بالغطا و قعد فالكرسي قدامها و بقا يشوف فيها و هي تبكي بصمت حط يدو على يدها زير عليها و نطق بهدوء مصطنع خاافي بيه مشاعرو الحقيقية اتجاه الموضوع هذاا ..

همام:كيما نتي راكي متوجعة على فراقو اناا رااني متوجعع اضعااف الوجع تاعك علابالي حاجة تكتبتلنا باش نعيشوها بصح مادرتش في باليي بلي المواصل راح توصل هناا ..

ريام:باين عليك راك متوجععع ..

همام تجاهل كلامها لي قالتو بإستفزاز و تنهد بخفة مجاوبها بصدق و هو يشوف فعينيها مركز نظراتو فيها بضعف من ضعف القوة لي كان فيها وهما وسط الوضع المزري هذا ..

همام: فالاول كنت موافقك على قرارك باش تشربي الدوا لأنو مكانش علابالي علاقتنا كيفاش راهي كانو مزال ماترسمو معالمها مليح كنت شاك فييك رغم اعجابي بيك كنت خايف نعارض قرار الدوا هذااك و نجيبو طفل اومبعد يتمرمد بيناتنا بمشاكلنا بصح اومبعد كي عرفت حقيقتك رجع يبانلي كلشي عادي لأنو قدرت نتحكم فالوضع لي بيناتنا و ماظهرتيش خطيرة كيما كنت متوقع حسيت برايي بدا يتبدل و رغبتي باش يكون عندي ولد مننك بدات تزييد لأنو منيش معاارض الشي هذاا ..

بقات تسمع ليه و هي تشوف للجهة الثاانية مدورة وجهها عليه ماشي عارفة بواش جاوبو من نبرة صوتو و البحة لي كان يهدر بيها حساتو راهو صادق في كلامو ماعرفتش علاش.. جزء منها يقوللها نتوما بين زوج غالطين و جزء ثاني يقوللها لا هو الغالط الوحيد نتي ماعندك حتى ذنب حرفيا ناارين و كاانت عايشة بيناتهم حتى وصل لكلامو الاخير لي قالو تلفتت شافت فيه و ضحكت بإستهزاء مجاوبة عليه ..

ريام:مراكش معارضو بصح نتا كنت سبب فموتو سبحان الله!..

همام شاف فيها بلا مايعطيها أي اجابة مخليها تعاود حساباتها فلي قالتو لأنو كان يهدر معاها بجدية و يفصحلها على واش في قلبو وهي شدت فهدرة وحدة و لي فالااااصل هما السبب فيها بين زوج هي بقسوحية راسها و هو بصرامتو تسببو فلي راهو يصرا فيهم دوكا و اللوم يتحط عليهم بين زوج سوااء قبلوو و لا ماقبلووش بصح هاذي هي الحقيقة..

بقا ثواني و هو ساكت فالاخير ناض بهدوء و قرب ليها بخفة باسها على راسها مطولا و بعد عليها مخليها تشوف فيه بصمت حتى نطق ..

همام:ارتاحي اومبعد نولي ليك..

قال كلامو و خرج في ثواني ملامحو الهادية نقلبو لملامح معقودة معصبة كأنو عصبيتو لي شدها قدامها خرجها وهو بعيد عليها زير على قبضة يدو و خرج لبرا مبدل الساعةة بأختهاا احسن مايبقاو متقابضين وهي رااهي مريضة ماحبش يزيد عليها كثر و يدير راسو في راسهاا يخلييها حتى تبراا اومبعدد يشوف واش الحل معااها..