كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة2:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

غير جات خارجة وقفها صوت باباها لي كان جاي مقرب جيهتها كان هذاك وين ناض حتى شافها خارجة من تفصيلة جسمها الممشوق عرفها بلي ريام و مهيش هِند لأنو ثنيتاتهم دايرين نقاب قرب ليها و شاف فيها من فوق للتحت و هو مصغر عينيه فيها خلاها تقلب عينيها عليه من نظراتو ليها لي فهمت مغزاهم ربعت يديها على صدرها و نطقت بهدوء ..

ريام:راني رايحة نخدم بابا!!..

ناصر:ماشي كنتي تخدمي نهار بنهار؟؟ تعرفيني مانحبش الخرجاات هاذو تاع كل يووم ..

ريام:راني نخدمم باش نخرجكم من الخردة هااذي لي رانا عايشين فيهاا اذاا معليييش!!! ديجااا يااك رااني دايرة نقااب نقبتني بسيييف ماكان حتى حاجة تبان منييي شكون راح يشوف فياا مثلاا!..

ناصر:لمصلحتك هااذي علاباالي كاين بزاف ائمة اختلفو فالحكم تاع النقاب بصح نتقيو الشبهاات احسن هااهي ختك دارتو بإرادتها مافهمتش قلة العقل هاذي لي فيك..و زيد راكي بنت إمام اكيد لازم تكوني مستورة ..

ريام:نتا لي علابالك علاش هي دارتو بإرادتها وانا لا ماشي انا لي نقولك علاش..المهم خليني نروح دوك نتعطل ..

ناصر:روحي اومبعد نشوفو حريرتها معاك فالخدمة هااذي ..

نفخت بتذمر و خرجت لبرا و هي مزيرة على قبضة يدها مخرجة عصبيتها فيها بقات تهدي في روحها و تحاول تتكالما حتى وصلت لوين كاينين الطاكسيات حبست واحد و طلعت شدت بلاصتها و بقات تشوف فالطريق من التاقة سارحة فالمجهول..

عقلها مديها لبعيد تخمم في مستقبلها و ظروفها حتى حست بالطاكسي حبس و ركبت قدامها مراة تبان كبيرة عليها بقات حاضيتها بعينيها تشوف فيها بنص نظرة طفيفة توتر شديد تملكها حتى حست برعشة اعضائها و برودة اطرافها في قلبها نية و حلفت ماطبقها دمها ثار و هي تفكر فواش راح دير حماسها تغلب عليها و مالقات روحها الا مطبقة واش راهي تخمم فيه كي عاادتها ..

شافت للبلاصة لي موالفة تهبط فيها و تبسمت مدتلو دراهم بزربة و هبطت بخطوات سريعة و هي متبسمة تبسيمة عريضة حاسة بالنشوة طلعت معاها بواش دارت مافاقت حتى لقات روحها تضحك بهمس خاصة كي سمعت صوت المراة لي كانت فالطاكسي كان مزال ماراح ..

المراة:استنااا خويا استناا تبحرلي بورطومووني تااعييي ياا سبحان الله هدوين كااان في يدي ولله كنت شايداتوو مكاشو هناا كاامل تقول الارض نشقت و بلعاتو ..

الطاكسيور:شوفي لتم برك ختي بالاك طاحلك برا مراحش يسرقوك هناا..

رِيام ضحكت على جوابو و بقات واقفة لثواني تشوف فالمراة فالاخير تنهدت براحة و كملت طريقها رايحة لوجهتها شافت فالبورطوني لي كان في يدها و تبسمت على جنب حاسة بروحها دارت انجاز كبير خلاها تحس بالراحة رغم شعور الندم لي تخلل احاسيسها ..

حلات البورطموني هذاك لقات فيه ورق تاع دراهم و شوية صرف مزية مكانش فيه كاش ورق مهمين عاودت غلقاتو و بقات ماشية تتنصت للحوار لي داخلها كان مابين عقلها و قلبها لي كانو في جدال مابين بعضاهم حتى قطعت الجدال هذاك كي شافت راجل قاعد فالارض يطلب(شحاد) راحت مدتلو البورطموني هذاك و كملت طريقها كأن شيئا لم يكن ..

بقات تمشي و تمشي كانت طريق طويلة بعيدة على دارهم اختيارها للبعد هذاك مكانش صدفة اكيد زادت ركبت فطاكسي وحدوخر و قلعت لمكان خدمتهاا لي كان يبعد من تم بشي زوج سواايع تاع طرييق ..