كلي بكلك مغرم 🩶⛓️

كلي بكلك مغرم 🩶🌪77

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة77:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

سراب خنزرت فيها و ناضت حاطة يديها على خصرها ناوية تبدا تندب و تهلل غير جات جاوبها سمعو خطوات جاية جيهتهم تلفتو بين زوج لقاوه جاي عاقد حواجبو فيهم غير وصل لوين كانو قاعدين نطق بصرامة خلاهم يهبطو ريوسهم بين زوج بلا مايزيدو معاه حتى كلمة ..

همام:سكتونا !! لي عندها شي مكبوتات تخرجهم بعيد ماشي عندي هنا ..

قال كلامو و شاف في يماه بحِدة كتأكيد على كلامو  لأنو علابالو هي لي تتبلا الواحد ماشي ريام لي تدنا ليها و رياام بدورها ماتقصرش لي ينبشها تخرب فيه و هو مكاانش قادر على صداعهم حرفيا ..

جا عياان من الخدمة كان حاب غير يرتاح هو اصلا موالف بالكالم فدار دايمن وحدو دوكا كي تعمرت عليه الدار رجعو زوج عباد ضربة وحدة ماعرفش حتى كيفاش يتعامل معاهم..

طلع للفوق و خلاهم لتحت يتبادلو فالنظرات النارية بصمت فالاخير ريام وقفت و شافت فالخدامة لي كانت جاية جيب فالعشاء و تحط فيه على الطابلة..

ريام:ختي معليش طلعييلناا لعشا للفوق لياا و لزوجي قرة عييني ..الظاهر مايحبش الاكتظاظ بزااف هناا ..

قبلما تخليها جاوبها طلعت للفوق مخلية سراب تبخ فالفواار بدل الاكسجين من نيفهاا من واش صرا قدامها حست بشهيتها نسدت ولات طلعت حتى هي لبيتها و خلات الخدامات لتحت يوجدو فالعشا باش يطلعوهولهم لفوق ..

ريام دخلت للبيت و دورت عينيها عليها كامل مابانلهاش لتم عرفاتو يكون فدوش راحت وقفت قدام لكوافوز تاعها و مشطت شعرها دارت شوية بارفان و شوية روج حمرت بيه شفايفها و بقات قاعدة تستنا فيه يخرج حتى سمعت صوت الرشاشة تاع الماء حبست لداخل فهمت بلي كمل تدواشو راحت للخزانة جبدتلو حوايجو و تلفتت رايحة لعندو كي سمعاتو خرج تبسمتلو بهدوء و قربت ليه مدتهملو و هي تحكي ..

ريام:بصحتتك الدوش ..

همام:يسلمك..

ريام:قتلهم يطلعو لعشا لهناا ..ياك عادي؟؟..

همام:امم احسن ماناقصنيش صداع الراس..

ريام:شبيك تبان راك عياان ..

همام:الخدمة برك..

ريام:عيااان فووجوودييي !! ماسااجي لي يخليك ترتااح واش راهوو يديرررر ..

همام:مادابيا..

ريام:نتعشاو و نديرلك ماساج علكييف..

حركلها راسو بالايجاب و قرب ليها شد عليها حوايجو و لبس منهم غير الشورت قدامها مخليها عاضة على شفايفها حاسة بالسخونية طلعت فخدودها  حتى تحقن فيهم الدم و رجعو حمورا ..

تلفت ليها لقاها تشوف فيه بصمت حك لحيتو بهدوء و دارلها اشارة باش تقرب لعندو راحت وقفت قدامو وهو لف يدو على كتافها دخلها في حضنو رجعها قبلو ظهرها محطوط على صدرو وهي مقابلة تلفاز كبير لتم فلبيت بلعت ريقها بتوتر و بقات تشوف واش راهو يدير و واش راهو قاصد بتصرفاتو الغريبة هاذي ..

أما همام شاف فيها بهدوء ملاحظ ملامحها المستغربة و عبز على قفلة من التلفزيون هذاك حتى تشعل قدامها و تحلو عينيها معاه من واش طلعلها فيه و قابلها بكل بوضوح بلعت ريقها بصعوبة و بقات ساكتة تستنا منو يحكي باش تفهم قصدو من واش دار ..

همام:علابالك بلي الدار هاذي في كل زاوية فيها كاينة كاميرا؟؟..