كلي بكلك مغرم 🩶⛓️مكتملة

كلي بكلك مغرم 🩶🌪72

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة72:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

اديب كي شاف صمتو طاال و توترو بااان تبسم على جنب بإنتصار و بقا رايح جاي قدامو متعمد يزيد يوترلو اعصابو و يحرقهملوو ملييح مرتااح و راضي بتع##ذيبو النفسي لييه و هو يحكي و يفرش في فعايلو قدامو ..

شاف فيه لقاه مهبط راسو عينيه ماقدرش يطلعهم فيهم من الخوف تبسم على جنب و جاوبو على السؤال لي طرحو عليه قبل شوية ..

اديب:انا نجاووبك بما انو مالقيتش واش تحكيي .. ماالا حسباتلك كنت نمسخر كي قتلك بعد عليها و كملت في قسوحية رااسك و نتاا مقرر تروح تخطبها كي سمعت بلي صحابك الصبااح تشدوو حسيت بيها في جنابك و رفدت وراقيك و جيت راح تهرب و من شكون ..مني! مااحبيتهاش منننك احمززة خوياا ولله ..

حمزة:مادرتت والوو ..

اديب:ياااه قول ولله ..وشكون كاان يهرب فليريكاا من ولاية لولاية اناا؟؟ .. عباالك واش اكثر حااجة تشعلنننني كثررررر هي الناس لي كيفك على الاقل كان خليت هيئتك دل على خدمتتتك ..علااش رايح توووسخ صورة الملتحيين بالوسخ تاعك..عندك الزهر جات غير فاللحية برك كان شفتك تلبس القميص كنت راح نزيدلك تهمة وحدوخرا تاع انتحال شخصية السلفيين ..

همام طلع حاجبو فيه بمعنى منيتك و جاوبو بسخرية ..

همام:قانون جديد هذا..

اديب:ايييه يستااهلووه كل واحد يووسخ صوورة الدين بالدنائة تاعو خاااصوو يتعااقب ماشي واحد دايرلي لحية و يخدم فالزطلة يعرفو الناس واش راهو يدير يولو حاسبين كامل الملتحيين كيفوو ولا على الطفلة تلقاها دايرة حجاب و دير العجب باش تغطي على فعايلهاا علاش جايين يشووهو فالحاجة الوحيدة لي راهي تصلح فالدنيا هاذي مافهمتش..

همام:كون ملتحي كيفهم اومبعد ارواح دافع عليهم..

اديب:ملتحي في راسي أما لحيتي راهي عاجبتني هاكا ..

همام:دوكا هذا واش راح دير معاه!..

اديب:يروح يتحاكم واش ندير بيه..جماعتو تشدو الصبااح كان ماشي كان ناوي يهرب و ظللنا باش نحكموه كان راهو مشدود معاهم ..

همام:ياك عندك ادلة على فعايلو ماشي راك دبر وحدك..

اديب:شفتني طلعت لرتبة هاذي بغبائي؟..

همام:قلت بالاك حبك لإمتلاكها خلاك تتصرف بلا هوااك..

اديب:خدمتي ماندخلش فيها مشاعري..

همام:بصح نتا قتلوو اذا ماابعدتش عليها ليي راح ندخلك للحبس ..يعني كان بعد عليها و خدالك الراي كنت راح تغمض عينيك على فعايلو؟..

اديب:لا!..

همام:صحيتك..هاكا نعرفك..

اديب:اكيد كاان راح يدخل للحبس في كلتا الحالتين ..منيش مهبول نغامر بأمن البلاد علاجالوو ..

همام:مليح كمل فيها ..انا نروح اتهلا..

اديب:بلا ماتوصي..

ربثلو على كتفو بخفة وخرج مخلي اديب متكلف بخدمتو ركب فطونوبيلتو و قلع بإتجاه دار ريام باش يروح يجيبها في غصون اقل من ساعة كان وصل لعندها و بقا يستنا فيها جي و كيما كل مرة لازمها حتى تشيبو باش تخرج و ترحم صبرو..

شافها خرجت من الدار و جات بإتجاهو رافدة باطة حلوة كبيرة في يدها و اليد الثانية رافدة بيها صاكها هبط شد عليها الباطة و حطها ملور تلفت ليها لقاها تبحلق فيه بعيون واثقة كأنو عندها مغزى من من نظراتها ليه بهاذ الطريقة دارلها اشارة براسو بمعنى واش كاين و تبسم شبه ابتسامة باينة على ملامحو من جوابها لي قالتو بكل ثقة ..

ريام:توحشتك..

همام:لهاذ الدرجة غيابي مأثر فيك!..

ريام:اممم بزااف فالحقيقة اكثر شي والفت الدار هه وااالفت الرقدة المريييحة على فرااشييي ولا بلا مانكذب والفت بحضنك في رقادي هذااا لي كان خاصننييي..

همام رفع حاجبو فيها للفوق بإندهاش من كلامها لي ماتوقعش تقولهولو و زاد وسع تبسيمتو كثر مجاوبها بمكر ..

همام:اكثر حاجة تعجبني فيك هي جرئتك..

ريام:هذاا مكااان ..

همام:لا مزال حاجات وحدوخرين كي نوصلوو لداار نقولهملك..اصلاا ..عندناا سوووجييي طووويل نحكووو فيييه !!..

ريام:لي هو؟؟؟..

همام:شوفيي نتي!..

ريام:واش درررت ثااني ..

همام:فدار تعرفييي ..

ريام:ربييي يصبرني على بلاااك برككك ..بصح استنا! ..

همام:واش كاين!..

ريام:مقبيل قتلك توحشتك علاش ماقتليش مام انا؟؟؟؟؟؟..