كلي بكلك مغرم 🩶⛓️

كلي بكلك مغرم 134

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة134:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد عليها بلا مايخليها جاوبو و خرج باش يخلي هند تدخل توجد روحها خرج لبرا و بقا يستنا فيها غير شاف ناصر خارج من الدار رايح للجامع تفكر طريقة كلامو معاه مقبيل عرف روحو تقبها و ماشي من تربيتو يحكي معاه هاكا تنهد بخفة و راح بإتجاهو وقفو كي نادالو من بعيد..

همام:عمي ناصر..

ناصر تلفت شاف فيه و وقف مستنيه باش يوصل ليه:انعم وليدي ..

همام:سمحلي على مقبيل ممكن نكون زدت الهدرة معاك ولا عليت صوتي عليك كنت مقلق برك ..

قرب ليه باسو على جبهتو بإحترام و بعد عليه مخليه متبسملو بإمتنان لأنو مكانش داير الحكاية فبالو اصلا حتى لقاه يخمم فيها و عجبو كي فكر هاكا و جا طلب منو السماح ثااني..

ناصر:ماكاين والوو جازت المهم فريتوها ..

همام:ايه حمدلله..

ناصر:ربي يحفظك وليدي المشاكل كامل ينحلو بالنقاش ماشي بالتقلاق سايسو بعضاكم برك ..

همام:ان شاءالله ربي يخليك عمي ناصر ..

شاف فريام و هند لي خرجو من الدار و طبطبلو على كتافو كتوديع ليه باش يروح ..

همام:انا نخليك عمي تبقا على خير..

ناصر:في امان الله بسلامة ماطولوش الغيبة علينا ..

حركلو راسو بالايجاب و راح ركب فطونوبيلتو و قلع طريق كامل و هما ساكتيين واحد فيهم مانطق همام حشم من هند و هي كذلك أما ريام مكانتش في مورالها باش تحكي و التعب كان مسيطر عليها فبقات حاطة راسها على التاقة و ساكتة..

بعد مدة مكانتش طويلة وصلو لدار هبطت هند هي الاولى وبقات برا تستنا فيهم يهبطو باش تدخل للداخل لأنو حشمت تدخل وحدها همام راح فتح لريام الباب تاع الطونوبيل و خلاها تهبط راحت شدت هند و دخلو مع بعض للداخل داتها لوحدة من البيوت لي قدام بيتها و خلاتها لتم براحتها بينما هي دخلت لبيتها لقاتو واقف ينحي فساعتو قدام الكوافوز تخطاتو و نحات حوايجها بلخف لبست بيجامتها و جات راح تعاود تخرج باش تروح لعند هند حتى وقفها كي سقساها بإستفسار..

همام:شربتي دواك لبارح فليل و الصباح؟..

تلفتت شافت فيه و عضت على شفايفها بخفة من الحركة لي دارتها عرفها نساتو و ماشرباتوش تنهد بسخط و نطق بعتاب..

همام:هاذي حاجة تتنساا!! و زاايدتها كنتي نااوية تزيدي تقعدي في داركم كثرر واش عندك في راسك في واش راكي تخمي باش ماتفكرتيش دواك..

ريام:كنت نخمم فيك !..

همام:كان مانعرفكش نقول صح ..

ريام:اليووم ماننساهمش و نشربهم ..

همام:وين راكي رايحة ..

ريام:لعند ختي ..ماجبتهاش باش تبقا وحدها!..

قالت كلامها و خرجت بلا ماتخليه يجاوبها مخلياتو متبعها بعينيها حتى غابت عليه تنهد بقلة حيلة و راح بدل حوايجو حتى هو رفد البيسي تاعو و تلفونو و هبط للتحت باش يروح للجنينة و يخدم فطريقو تلاقا بسراب و هي طالعة غير شافتو ضحكت ضحكة صفرة و قربت ليه و هي تحكي..

سراب:يوو جيتوو هه غاب حسكم حسباتلي بدلتو دار ..

همام شاف فيها ببرود و تخطاها بلا مايحكي معاها مخليها واقفة فنفس مكانها محافظة على ضحكتها غير استوعبت بلي راح و خلاها منشورة تلفتت شافت فيه و راحت تابعاتو حتى قعد على الطابلة لي لتم و قعدت حتى هي قدامو ..

سراب:مزلت راح تبقا معاديني هاكا؟لوقتاش..

همام:حتى يدي المولى امانتو..

سراب:بصح طلبت منك السمااح و ندمت على لي درتو كنت صغيرةة و طايشة كنت محتاجة دراهم نورمالمون تعذرني..

همام:نعذذذرك؟؟؟كي كنتي محتاجة دراهم معنتهااا تروحي ضحي بولييدك و دخليه للحبس بتهمة ماداارهاش!!!!كي كنتتتتي محتااجةةة معنتهاااا ترمي ولاددددك و تشحذي بييهم تحبسيهم على قرايتهممم و تمرمديهم!!!هاذي هي الامومة عندك !!..كيفااش حبيتييني نعذرررك ؟؟؟؟