كلي بكلك مغرم 🩶⛓️مكتملة

كلي بكلك مغرم 🩶⛓️64

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة64:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

وصلها لدارهم و خلاها تهبط بقا متبعها بعينيه حتى دخلت لدار و عاود قلع رايح لخدمتو بينما هي كانت تسلم على هند لي جات هي فتحتلها الباب بقا يتسالمو و يتعانقو تقول عندهم عوام ماشافوش بعض و هما غير قبل ايام برك كانو كيف كيف..

هند:توحشتتتك ولله عوودي قولي لسي رااجلك يخليك جي كل جمعة لدارنا ولله الدار سامطة بلا بيك ..

ريام:علاش تخررطي اصلا كنت نجوز نهاري فلخدمة وين كنا نبقاو بزااف كيف كيف ااه ..

هند:مكيش تاع رومنسية نتي ولله مانعرف كيفاش راكي مع راجلك مسكين..

ريام:ههه سقسي على روحك ياختي نعرف على شكون نطلق حلاوتي..

هند:ياااه نكرتينا بلخف معلييش..

ريام:دوك تزيدي تنكرينا نتي كي تتزوجي ماتخافيش..

دخلو للداخل و هما يضحكو زادت لحقت عليهم يماهم و كملت قعدتهم مع بعض اومبعد رجعو للكوزينة باش يكملو فالتوجاد تاع الحلوة كل وحدة فيهم تكلفت بخدمة حتى كملو كلشي بلخف و حطو الطابلة تاع العشا باش يتعشاو زاد جا باباهم و تعشاو كامل مع بعض في جو عائلي بسيط بيناتهم..

هند غسلت الماعن و ريام رفدت الطابلة و نظفت الحالة بينما ناصر عاود خرج للجامع باش يصلي العشاء و راضية كانت لاهية مع الاخبار تشوف فيهم ..

ريام غير كملت واش كان في يدها  دخلت للبيت تاعها لي مع ختها و رفدت صاكها  بقات تحوس فيه قلباتو سافيه على عافيه و مالقاتش على واش كانت تحوس نفخت بتوتر و فرغت كامل واش فيه فوق الفراش باش تحوس مليح عضت على شفايفها بنوع من الخوف و نطقت بهمس..

ريام:ويين راهييي هاذذي اوفف ياربي مانكونش نسيتهاا.. مكااانش يااربيييي واش ندير انا دووك..

عاودت حوست مليح و كيف كيف نساات دواها لي لازم تشربوو كل يووم و إلا طيح فيما لا يحمد عقبااه بالنسبة ليهاا شافت لجهة الباب خايفة لا تسمعها هند و جابت تلفونهت بلا ماتخمم عيطتلو ديراكت ليه منقذها فالاوقات الصعبة ماستناتش بزاف حتى سمعت صوتو وبلا ماتخليه ينطق هدرت هي قبلو..

ريام:الوو زووجي قرة عيني..

همام:توحشتيني بلخف باش ماصبرتيش و عيطتيلي..

ريام:يااه سبحان الله كيفاش عرفتتت..

همام:نحس بيك..

ريام:هممم هه يحس بييك الخير المهم واش جييت راح نقولك نسيت..اييه مزلت فالخدمة ؟؟..

همام:ايه راح نبات لتم علاش..

ريام:ياا و انا حسبااتلي كي تكوون رايح جووز علياا تديييني..

همام طلع حاجبو للفوق بإستغراب و بقا ساكت من اندهاشو من كلامها لأنو صباح برك دارتلو مندبة باش يخليها تبات دوكا جاية تقولو ارواح اديني جاتو غريبة حالتها و ماعرفش بواش يفسرها ..

ريام:ألووو ..

همام:لهاذ الدرجة ماوليتيش تقدري على فراقي ..

ريام:امم اييه كان تشووف ..

همام:مالا واش تسحقي! كشما دارلك باباك ولا قالولك كاش حاجة قلقاتك!!؟؟..

ريام:لا مادارولي والو ..نسيت دوايا و لازمني نشربو..

همام:وشمن دوا علاش عندك دوا تشربيه؟علاش ماعلاباليش انا؟؟؟..

ريام:لأنو مهوش مهمم بزاف..

همام:مالا علاش تشربيه!..

ريام عضت على شفايفها كاتمة عصبيتها من اسئلتو الغريبة و بقات ساكتة تخمم فشي جواب تقولهولو لأنو عرفاتو صح مهوش فاهمها و مرااحش يفهمها اذا فهمااتو السيد خاطيه سوق النسا و مرااحش يفهم مواضيعهم بقد معرفتو بمواضيع ثاانية كان قالهالها ساابقا وكان قاصدها صح راهو يكتشف فالنسااء بيها هي و حتى اذا كانو عندو شوية معلومات مراحش يكفوه باش يقدر يفهم واش كانت تقصد في كلامها..

فيقها من صمتها كي عاود نطق و جاوبت عليه بإختصاار باش تسد الموضوع هذاا احسن شي..

همام:سقسيتك لا!..

ريام:احم مهوش مهم خلاص روح كمل خدمتك تكون مشغول..

همام:اومبعد نتفاهمو عليها هاذي..

كوبا عليها و راح يكمل فخدمتو بينما هي رمات تلفونها قدامها و بقات تخمم واش دير حتى جاتها لبالها فكرة استغربتها للوهلة لولة اومبعد بدات تضحك من تفكيرها عليها ..

ريام:ههه زعما نلقاه عند ماماا؟؟ مانظننش ههه..أييي يااربيي كيفاش ندير دوكا كان مانشربوش ليوم غدوة نصبح عليهم بخبر احفادهم هذاك مااخصننننني اوفف ..