كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة27:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بداية يووم جديد و صبااحاا عند ريام لي كانت مزالت في دار عمتها ناضت كي كانت التسعة تاع صباح لبست حوايجها و خرجت و هي شايدة صاكها و نقابها بين يديها راحت طلت على عمتها لقاتها فالصالون تشرب في قهوتها دخلت لعندها بعدما صبحت عليها و قعدت قدامها فرغت فنجال قهوة مُرة ليها و ارتشفت منها برواق مستمتعة بطعمها طلعت راسها على صوت عمتها لي نطقت و عاودت هبطاتو مكملة استمتاعها وحدها ..

سامية:باباك مزالو فسبيطار حتى لغدوة باش يخرجوه ..

ريام:مليح..

سامية:مراحش تروحي تشوفيه؟ بانلي الجو متوتر بين يماك و هند و باباك مانعرف حسيت كاينة مشكلة؟ واش كااين! الحكاية متعلقة بيك ياك..

ريام:حكاية جازت ..

سامية:بصح قادرة تطور اذا مالقيناش حل..قوليلي واش كاين؟؟..

ريام:مكاين والوو اليووم راح نفرووها متخافيش ..

قالت كلامها بكل جدية و ناضت رفدت صاكها دارت نقابها و خرجت مخليتها حايرة فيها وفي تصرفتها و كلامها المشفر لي مافهماتوش .. ريام كانت في طريقها رايحة لسبيطار غير وصلت هبطت و دخلت للداخل سقسات عليه الممرضة قاتلها على الغرفة لي راهو فيها و طلعت و هي راسمة ابتسامة غريبة على ثغرها هي بنفسها و ماعرفتش كيفاش ترجمها ..

وصلت لبيتو لقات الباب مشقوقة شوية قربت ليها ببطئ و طلت بنص عين لقات باباها متكسل على سرير طبي راقد و هند قاعدة معاه فالبيت فالكرسي مقابلاتو تعس فيه أما يماها مابانتلهاش معاهم عرفتها تكون راحت لدار باش جيبلو ياكل..

بقات واقفة مربعة يديها تشوف فيهم بهدوء الافكار في عقلها يروحو و يجو صوت ضجيج عاارم كان في راسها قطعوه عليها صوت الخطوات لي سمعتهم موراها تلفتت تشوف شكون لقاتو جاي ليها و هو يشوف فيها بنظرات كالم ماتعرف واش تحت راسوو بيهم تبسمتلو ابتسامة خفيفة و قربت ليه ناطقة بهمس باش مايسمعوهاش لي لداخل ..

ريام:شكرا لأنك قبلت بطلبي..

همام:رغم غرابتو بصح قلت خلي نمشي في خطاها و نشوف لوين راح توصلناا ..

ريام:ههه راح نقص عليك بزاف احداث مستقبلية من المفرووض تشكرني اسي الجنرال..

همام:امم في هاذي عندك الحق..

تلفتو بين زوج على صوت يماها لي كانت جاية غير شافتها واقفة لتم شهقت بصدمة و راحت تجري ليها عنقتها و هي تبكي قلبها تهنا كي شافتها بخير قدامها ليل كامل و هي مشطونة عليها رغم انها كانت علابالها بلي كانت عند عمتها بصح قلبها ماهناش حتى شافتها بعينيها و طمنت عليها ..

همام كان واقف يشوف فيهم بصمت و هو متبع حديثهم معاهم بلا ماينطق بحتى كلمة لدرجة انو يماها مادارتش في بالها بلي راهو مع بنتها حسباتلها راهو واقف برك ..

راضية:خفت عليك يابنتي ياريت ماخرجتيش من الداار لبارح تعرفيه باباك كي يتقلق يولي يهدر برك ..

ريام:هو هدرها و فاتت عادي راني متعودة عليه يهدر و يتصرف و يخطط غير كيما يقولو راسو..

راضية:ماتقوليش هاكا ولله لبارح ندم كي قالك هكاك خرج يحوس عليك و لتم جاتو كريز في قلبو حمدلله لحقنا عليه..

ريام:ملييح ربي يشفييه ..

راضية:ارواحي تشوفيه بالاك كي يشوفك يرتاح شوية قاتلنا سامية بلي راكي عندها بصح بقينا مشطونين عليك ..

ريام:اممم ..

تبسمتلها ابتسامة صفرة و شافت في همام لي دارلها اشارة تشجيع بعينيه خدات نفس طويل لثواني قصيرة فقط و دخلت لداخل أول وحدة شافتها هي هند كانت رايحة تجري ليها لولا الراجل لي لمحاتو موراها تقريبا مغطيلها بنية جسدها بطولو و عرض كتافو أما يماها حتى دخل باش انتبهت بلي كان معاها .. باباها حل عينيه على صوت الباب لي تحل لقاها واقفة قدامو تبسملها و مدلها يدو باش تروح لعندو قربت ليه و بقات تسمع لواش كان يحكي..

ناصر:سمحيلي ابنتي ولله لحظة غضب صح لي درتيه مايتغفرش بصح كان لازمني نعرف نتصرف ..

ريام:اممم معليش..المسامح كريم قلبي رقيق نسامح بلخف..

جا راح يجاوبها حتى سمعو الطبطيب فالباب تلفتو كامل يشوفو شكون لقاوه راجل جايب باطة باتيسيري في يدو ريام غير شافتو تبسمت و راحت تجري ليه شدتها عليه و خلاتو يروح حلت الباطة و حطتها فالكرسي و بدات تسفق بيديها منوضتها غير وحدها أما هما كانو مستغربين منها و همام حاير فيها و في هبالها شافت فيه و عاودت شافت في باباها ناطقة بحماس..

ريام:اييه ماسقسيتوونيش علييه ماقلتوش شكون هذا سبحان الله ييزااغ هه ..المهممم بلا مااتسقسوو مايهمش مرحباا بييكم في خطبتيييي يويويويويويوييويووي...