كلي بكلك مغرم 🩶⛓️

كلي بكلك مغرم 147

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة147:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بقات مدة و هي تشوف فيه بعدم تصديق لوهلة حساتو مهوش في وعيو ولا كشما بيه لأنو ماتوقعتش تسمع منو الكلام هذا بالذات منووو ليها جاها غريب بطبعو الرومنسي الجديد لييي مهيش موالفة بيييه ابداا وحقيقة ماقدرتش تنكرها انو عجبهااا و تمنات كان يبقا طوول حياتو و هو هاكا احسن من النكد لي كان فيه ..

عضت على شفتها بخفة و ضحكت بغنج مخلياتو ذايب فيها و فطريقة تعاملها معاه وقت تكوون مهدنةة و ماتلعبلوش على المورال كي تكون هي في مورالها ..

ريام:اممم زعماا صح ..كاينة غير انا ولا كاين غيري..

همام:حاليا كاينة غير نتي..

طلعت عينيها فيه بصدمة و خنزرت فيه بلا ماتحس ماعرفتش علاش كلمة حاليا استفزتها و هي فعز الغوص فمشاعرها الجياشة اتجاهو بعدت عليه شوية و ضرباتو بالورد لي كان في يدها مجاوباتو بنبرة باين فيها الانزعااج..

ريام:حااااليااا واااش قصدك بحااليااا  !!!!!!!..

همام:ايه! كي تكووني عاااقلة و هاديةة و تلعبي فدور الزوجة المطيعةة لتم تولي نعمةة..

ريام:يعني قصدك تحب شخصية وحدة من شخصيااتي بررك!! معع الاسف انا انسانة متعددة الشخصيات و متقلبة المزاجات اصلا اصلا يقوولك لازم تحب الوااحد  بكل حااالاتتووو ولا راني غالطة !!..

همام:حبيني نتي كي نكون بحالة وحدة اومبعد ساهل..

ريام:كي تحب نتا حالتي الثانية نولي نحبك انا..

شاف فيها بمعنى منيتك و اعلن على نهياة حوارو معاها كي جبدلها رجليها من تحت حتى ترمات على الفراش و تناثر فوقها الورد هذاك مخليها تضحك بمرح فرحااانة بالجاست لي دارو كي جابلها الورد و رغم نقاشهم الرومنسي لي مااخلاش من مناقراتهم إلا انو حديثهم القصير على مشاعرهم ازهر بوروود و بسااتين على شغاف قلبها خلاها طير فوق الغيوم مع فراشاتها لي كانو يطيروو معاها.. 

طلعت راسها شافت فيه و بدات ترفد فالورد هذاك و هي تشم فيه بقات ثواني و هي ساكتة فالاخير نطقت بهدوء..

ريام:علاش هربت ..

همام:ماهربتش!..

ريام:قتلك خليني نحبك ماجاوبتنيش و رحت!..

همام:شرطك صعيب..

ريام:علاش؟ لهاذ الدرجة مراكش متقبل شخصيتي؟؟..

همام:ماشي قضية قبوول بصح راح تعبيني و نتعبك اذا بقيتي بهاذ العناد و قسوحية الرااس..

ريام:مع الاسف هااذي هي انا ..و هذاا هو نتا و باش يكون علابالك انا راني متقبلاتك بكل شخصياتك منها الباردة و القاسية و الصارمة و الجدية و المرحة و الرومنسية كلهم متقبلتهم فيك!..

همام:مليح ..مزال كاين شخصيات فيا راح تزيدي تكتشفيهم..مانعرف اذا راح تقدري تتقبليهم ولا لالا..

ريام:كيما واش؟..

همام:خليها فالستر مادامني مهدن معااك دوكا و مراحش ديري حاجات لي تخلي الشخصية هاذي تظهر معاك ماتحوسيش علييها احسن!!..