كلي بكلك مغرم 🩶⛓️مكتملة

كلي بكلك مغرم 95

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة95:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بالرجوع لعند ريام لي كانت مزالت مرمية فالبيسين هذاك بعدما اعتاد جسمها على نسبة برودة الماء قدرت تستحملو شوية و ماتبقاش فيها الرجفة لي بداتها اول مارماها لتم.. كانو يتبادلو فالنظرات النارية لبعض من بعيد ولا واحد فيهم مازاد نطق بعد الموضوع هذاك لي جبدوه بقات متبعاتو بعينيها وهي تطفو فوق سطح الماء حتى شافتو شاف فساعتو و قرب ليها ناطق بهدوء..

همام:خلاصو الخمس دقايق تقدري تخرجي..

ريام:مانخرجش عجبني الحال تسالني!..

همام:تعرفيني مانعاودش كلامي مرتين!..

قرب ليها مدلها يدو باش تشد فيها و تطلع و بقا يستنا فيها تقرب ليه حتى شافها جاية تعوم جيهتو بهدوء من نظراتها عرفها ناوية على شي حاجة بصح ماركزش بزاف مع شكوكو فيها ..

شداتو من يدو لي مادها ليها و في بلاصة ماتطلع هي لعندو جبداتو لعندها حتى جابتو مرمي معاها لداخل مخلياتو مصدوم من تصرفها لي مادارلوش حساب كان داير في بالو راح تخليلو يدو معلقة و تطلع وحدها ولا طرشو بالماء بصح ماتوقعش منها ترميه فيها علابيها ماقدرش يشد توازنو مليح و جابها غاطس لداخل..

خرج راسو من تحت الما حتى وضاحلو صوت ضحكتها بوضوح مسح وجهو باش يشوفها مليح لقاها تضحك من قلبها تقول دارت انجاز خنزر فيها و بقا يشوف فيها بلا مايحكي لأنو اذا فات و نطق راح يستعمل يدو و هو مهوش حاب يخليها تشوف جزءو الثاني لي يشدو بسيف باش مايخرجوش قدامها ..

قربت ليه شوية بعدما حبست من ضحكها لي بردت بيه قلبها و نطقت و هي محافظة على ابتسامتها الماكرة فرحانة بواش دارت..

ريام:فطنت مليح سي الجنرال؟..قتلي بلي جبتني هنا باش نفطن من نعاسي.. مكاش كيفاش نخليك تفوت العومة هاذي حتى نتا لازمك تفطن من هبالك شوية..

همام:كي ندخلك في غيبوبة و نفطنك منها بطريقتي تشوفي الهبال على اصولو ..

ريام تبسمت بخفة و قربت ليه كثر لفت يديها على رقبتو و دورت رجليها على خصرو حتى رجع هو لي شايدها فوسط البيسين يعوم بيها شافت فعينيه بتحدي و نطقت بهدوء و هي ترمش بشفارها المشمخين الماء يقطر على وجهها قربها ليه كان بارد من برودة الجو بصح هو كان يحس بالسخانة طالعة معاه ماعرفش منين جاتو ..

ريام:مراحش تفرط فياا علاباالي..اومبعد كي دخلني فغيبوبة شكون لي تولي مرتك همم..

همام:نجيب غيرك علاش صعيبة عليا؟..

ريام تبسمت ابتسامة صفرة لي بيها حاولت تتحكم فملامحها قدامو باش ماتبينلوش بلي تقلقت من كلاموو بصح رغم هذا ماقدرتش تضبط نبرة صوتها لي حسها تبدلت و هي تحكي معاه..

ريام:مراحش تكون كيما انا ..أنا مني وحدة ولي هياا ريام برررك ..

همام:مكاش وحدة راح ترفعلي ضغطي و تثييير اعصابي كيما نتي في هاذي صح عندك الحق..

ريام:شكرا على مجااملتك الغضنفر ديالي..اييه هاانا عمنا دوكا خليني نروح نرقد ولله عياااانة فوق ماتتصور..

همام:رانا خارجين..

ريام:لويين ثااني ياربييي ..

همام شدها من خصرها و جرها معاه خارج من البيسين رفدها بخفة و حطها على الارض مخليها تتقاطر قدامو و هي مكمشة فبعضها البرد دخللها مع العظام كي خرجت من وسط الماا..

شافها كيفاش راهي ترجف بالبرد راح رفد تريكوها لي نحاتو لبسهولها و نطق و هو سابقها فالمشي ..

همام:روحي تلبسي و جيبي معاك حوايج زيادة ممكن مانجوش لدار اليامات هاذي..

ريام:وين رانا رايحين..ااا واقيل تفكرت شهر العسل لي مادرتهولييييش و قررت ديروو..

همام:امم هاكي خربتي المفاجأة كيفاش نديرو دوكا..

ريام:ههه عادييي كي نوصلوو ندير روحي تصدمت و نعيش الدور ماتخافش..

همام:نخاف تتصدمي صح و مانلقا مانجمع فيك لي راهو يستنا فيك مهووش سااهل يامرت الجنرال!..