كلي بكلك مغرم 🩶⛓️

كلي بكلك مغرم 161/162/163

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة161:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

عاودت ولات وقفت قدام خزانتها و بدات تجبد في حوايجها هاذي ماشي شابة هاذي طويلة هاذي لونها غامق هاذي قصيرة ضربت شي نص ساعة او اكثر و هي تحوس على واش تلبس حتى و اخيرا لقات روبة واصلة لركبة عريضة يديها دومي مونش صيفية لونها ازرق سماوي مع ازرق غامق ميلونج بيناتهم خلات جمالها يبرزق على جسمها الممشوق اكثر..

راحت لقدام لمرايا جبدت شعرها بلخف و دارت مكياج خفيف بزر ملامحها الحادة فقط جوزت ڨلوس على شفايفها و جابت برفانتها فرغتها عليها حتى قريب خلاصت باش حطتها تبسمت برضى على شكلها لي خرج كيما تخيلاتو و هبطت للكوزينة جابت حبة بطاطا قطعتها على شكل دوائر حطتها فطبسي و علمتهم باش يطلعولها الفطور للفوق ..

رجعت قعدت في بيتها تترقب فالساعة حتى سمعت صوت الطونوبيل تاعو كي دخلت تبسمت بخفة و بقات محافظة على هدوئها كأنو لي جاي مهوش اعصاار راح يدمرها و راهو مستني يلحق ليها غير باش يكمل حسابو معاها خدات نفس طويل و زفراتو بتوتر وقت تحلت الباب عليها و دخل منها و هو يمسد فجبهتو من وجع راسو لي كان مسيطر عليه ..

كان راح يدخل ديراكت لدوش حتى لفتت انتباهو كي لقاها قاعدة وسط السرير و هي متبسمة مكانش متوقع يلقاها تستنا فيه بكل صدر رحب كأنها مادارت والوو و رااهي بريئة تتقاطر بالبراءة لوهلة من شجاعتها لي قابلاتو بيها قال بالاك انا الغالط و مافيباليش!..

وقف فنص طريقو و بقا يشوف فيها ماعرف اذا يقدم ولا يوخر أما ريام كي شافت حيرتو حمحمت باش تنظف صوتها من توترها و ناضت بهدوء حطت يدها على طرف الفيستا تاعو و نحاتهالو و هي تحكي بنبرة هادية تقول ماهي لي كانت منوضتها معاه قبل ساعات ..

زاد عقد حواجبو كثر بإستغراب و حرك راسو بعدم استفهام من هدوءها المفاجئ هذا لي ماحبش يدخلو لراسو..

ريام:كاان علابالي بلي راح جي بكري ..احم تقدر تطلق الفيستا يعني!..

غير استوعب كلامها رخف على يديه و خلالها المجال باش تنحيلو الفيستا الحاجة الوحيدة لي بقا محافظ عليها هي تخنزيرتو لي زادت وترتها كثر لأنو حساتو دخل لتفكيرها و قراا افكارها قبلما تخمم فيهم اصلا تبسمتلو تبسيمة صفرا عنوانها التوتر و نطقت..

ريام:احم الدووش راهو واجد اذا حبيت دوش..

همام:على واش راكي ناوية ملخرر؟؟؟..

ريام:والو! راني نحاول نصلح فالامور برك..

همام:تصلحيهم بعدما هدمتي يمات يماهم كامل؟؟؟؟؟؟..

ريام:مادرت والوو غير نتا لي عصبي من الحبة دييير قبة ..

همام:راني حااب نفتح عقلكككك ونشووف بواااش رااكيي تخمييي لي درتيه كامل فلخر تقولي مادرت والو!!!..