كلي بكلك مغرم 🩶⛓️مكتملة

كلي بكلك مغرم 157

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة157:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

صرات لحظة صمت عليهم كامل كانو يتسمعو فيها غير صوت دقات قلب هند لي كانو ينبضو بعنف داخلها ممكن يكون هذا هو اكثر موقف تعرضت فيه لكمية من الخوف و الذعر لي عمرها ماعاشتهم في حياتها لدرجة انها حست بيديها و اطرافها بردو عليها ماعرفتش واش تقولو واش دير كيفاش تخرج راسها و تخرج ختهاا معاها من المأزق هذا لي رماتهم فيه كل هذا ماعرفااتوش ..

خدات نفس طويل استجمعت فيه شتات نفسها باش تقدر جاوبو بنبرة عاديةة سليمة بلا ماتبينلو توترها و زيرت على يديها مرجعة توترها فيهم بلا ماتحس..

هند:ماعلاباليش..اذا مكانتش هنا تكون فالبيت و اذا مكانتش فالبيت تكون في بيتي و اذا مكانتش في بيتي تكون فالكوزينة و اذا مكانتش فالكوزينة تكون فالجنينة ماعندها وين تروح هه..

همام:كي يكون حسها غايب نتوسوس ماعلاباليش علاش ..نروح نشوفها و نجي ..

هند:لاا ويين راك رايح خليني نحكيلك على اهمية الصلاااة ولله رااح يفيييدك بزااففف..

همام:اومبعد اجمعينا و ديريلنا محاضرة دوكا راح لحال عندي خدمة..

هند:ياه ريام باش تحوس عليها عندك الوقت و الصلاة ماعندكش الوقت ليها!..

طلع عينيه فيها بصدمة و بقا ساكت ماعرفش بواش يجاوبها حشماااتو حتى مالقاش واش يقوول اما هند غير استوعبت واش قالت عضت على شفايفها بقوة و شافت فأديب باش ينقذ الموقف لقاتو حتى هو حال فمو مصدوم فيها..

شدت روحها بسيف باش ماتندبش حناكها قدامهم و نطقت بزربة قبلما تطلع و تخليهم وحدهم لتحت حتى حكاية ريام و سمحت فيها المهم هي دارت لي عليها و حاولت تغطي على غيابها اما الباقي ماتقدر دير والوو فحضوور راجلها فيه ..

هند:انا نروح اصلا وقفتي هنااا من الاووول غااالطةةةة زوج ثيران قداامي و انا طفلة وسطكم ولله مليحة هاذي الغلطةةةة فيااا ماشي فيكم..

طلعت للفوق تجري خلاتهم يشوفو فيها بإستغراب غير غابت على عينيهم شافو فبعض و كل واحد وين راح اديب خرج باش يروح لخدمتو و همام راح بإتجاه الكوزينة باش يسقسي الخدامات على ريام و مايبقاش يحوس عليهاا ..

وحدة منهم غير شافتو دخل ليهم راحت لعندو بخطوات سريعة وقفت قدامو بإحترام و بقات تستنا فيه يقول واش يسحق..

همام:ريام وين راهي؟..

الخدامة:ماعلاباليش سي همام ماشفتهاش..

حرك راسو بالايجاب و خرج و هو عاقد ملامحو اختفائها المفاجئ هذا جابلو الشك لأنو موالفة ياتكون فالبيت يا برا فلجنينة ماعندها وين تروح ..

جبد تلفونو و جا راح يعيطلها حتى قبلما يشعلو هو شعل وحدو بإتصالها ليه رفع حاجبو للفوق بإستغراب و جاوب عليها بهدوء ..

همام:وين راكي!..

ريام:ماابردتش حتى خرجتني من الخدمةةة هاااذيك ياااك يعنيي لي فراسكككك درتووو!!!..