كلي بكلك مغرم 🩶⛓️مكتملة

كلي بكلك مغرم 129

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة129:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

دارتلو اشارة بعينيها لجهة الباب بمعنى اخرج و بقات واقفة تستنا فيه يروح أما هو بقا واقف يشوف فيها ببرود جزء منو كان يقولو ادخل فيها بدماغ تلفها على القبلة و الجزء الثاني يقولو استهدي بالله و اخرج من هنا بأقل الاضرار احسن ماتزيد مشاكل على مشااكلك معاها..

خدا نفس طويل كتم فيه عصبيتو و قرب ليها بهدوء شد الباب و بكل برود عاود غلقها مخليها تشوف فيه بإستغراب زاد قرب ليها كثر حتى لسق فيها و هي تكمشت فالحيط خايفة لا يخرج كاش واحد و يفهمهم بالغالط حطت يدها على صدرو طبع فيه ونطقت بهمس ..

ريام:واش رااكككك ديررر تقدرر تخرج مناااااا!!!!..

همام:لا مانقدرش!..

ريام:همام ماتهبلنييش بعددد عليا دوك يخرج كاش واحد يشوفناااا ..

همام:ياك راني مع مرتي! و راكي مع راجلك..

ريام:ياربي صبرني علاش راك دير هاكا دوكا فهمني! ..

همام تجاهل واش قاتلو و زاد قرب كثر حتى لسقت فالحيط وغمضت عينيها تسب فيه داخل قلبها قرب فمو لوذنها و نطق بهمس حتى حست بشعر جسدها كلو وقف و رعشة غريبة سرات في بدنها ..

همام:غدوة كي نجي تخرجي كي الشاطرة بلا مشاكل حبيتي داركم جبتك ليهم تشوفيهم أماا غييير الشي هذاا يسموك غدوة تكوني في دارك تفاهمنا !..

حركت راسها بالايجاب بزربة غير باش تسايرو و يبعد عليها لأنو حرفيا خنقها بقربو ليها من وقت ماقرب جيهتها و هي قاطعة تنفسها مافهمتش علاش جيست مابعد عليها زفرت نفسها لبرا و عاودت استنشقاتو مخلياتو مطلع حاجبو فيها ببرود مستني جوابها شافت فيه بنظرات مستفزة و جاوباتو بسيف..

ريام:ايه خلاص ان شاء الله..

حركلها راسو ببطئ كتأكيد على كلامو و خرج لبرا ركب فطونوبيلتو و قلع بسرعة مخلي غير الغبار موراه أما هي غير شافتو راح تنفست الصعداء و حطت يدها على قلبها لي كان ينبض بقوة داخلها معلن على ارتباكها فحضورو شافت فهند و راضية لي خرجو من الكوزينة كي سمعو بلي همام خرج و تبسمتلهم باش تخفي توترها قدامهم ..

ريام:اييه توحشتوني؟؟..

راضية:توحشناك بصح شبيك؟؟ تباني راكي مريضة وجهك راهوو صفرر و من مقبيل و نتي تمشي و شاايدة في كرشك ياك لاباس!!؟؟..

ريام:منييش منييش لابااس كااامل منيييش مليييحة ..

راضية و هند قربو ليها بزربة مستغربين من جوابها و كل وحدة وين شدتها من جهة حتى دخلو لغرفتهم تاعها و تاع هند خلاوها قعدت على السرير باش ترتاح و نطقو بين زوج بإستفسار..

هند:واش كاين شبيك ضاربتي مع راجلك؟؟؟..

راضية:حالتك هااذي مهيش غريبة علياا ماااتقوليييييليش هذاا لي راهو فبالي؟؟..

هند:واش هذا لي راهو فبالك فهمينيي..

ريام:كنتي راح تولي خالة ..

راضية غير سمعتها ضربت يديها ببعض من الصدمة و قعدت قدامها عنقتها تواسي فيها لأنو كانت شاكة بالحالة هاذي لي شافتها فيها وزادت أكدتلها بكلامها دوكا أما هند هبط عليها الغباء فهاذ اللحظة مافهمت فيها والو ..

هند:راح نوولي خاالةةة؟؟؟..

ريام:قتلك كنتي هند!..

هند:كيفاش كنت ؟ ..

ريام :اوفف هند!..

هند بقات ساكتة تستوعب فواش قالت غير فهمت الوضع عضت شفايفها ماسكة دموعها و قربت ليها عنقتها حتى هي و بدات تبكي بصمت باش ماتزيدش على ختها و تعاود تفكرها ..

هند:ربي يعوضكم ياقلبي ربي يعوضكم بما خيير مزال الحيااة قدامكم طويلة هدوين تزوجتوو..

ريام:ان شاءالله..

راضية:ارتاحي بنتي دوك نروح نوجدلك الفطوور كولي و ارقديي ماتتحركيش بزااف خليك  مرتاحة ..