كلي بكلك مغرم 🩶⛓️مكتملة

كلي بكلك مغرم 🩶⛓️54

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة54:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

في لحظة انفعال لقاه طار عليه شدو من كول الشوميز تاعو و بكل قوتو طبعو على الحيط مخلي غضبو مسيطر عليه همام من صدمتو و الحركة لي دارهالو على غفلة منو ماعرفش واش يدير حتى باش يمنعو ماقدرش بصح غير استوعب واش دارلو شاف فيه بنظرات ترعب و شدو من يديه زير عليه مخليه مكمل في عياطو وهيجانو لي ماحبش يتفش منو و هو غير هو لي كان علابالو كيفاش يسكتو ..

خلاه مكمل في سوقو لي كان حاميه عليه و بلا مايخليه يستوعب رفد رجلو و ضربها مع رجليه لتحت حتى جابو مردوخ فالارض مبعدو عليه بكل سلاسة ..

نفض يديه و قرب بخطوة وحدة لجهة راسو مخليه يشوف فيه من تحت و هو يتنفس بزربة ينهج تقول كان داخل في سباق صرات لحظة صمت بيناتهم بعدما حبس أديب من عياطو و كسرها همام كي نطق بصرامة ..

همام:نسيت روحك لا؟..

أديب:ماانسيييتش روووحي نتااا خليتنييي نفقد اعصاابييي علاااش خليتهممم يكملوو فيها ..

همام:بأي مناسبة ؟؟؟ بأي مناااسبة نرووح ندخل رووحي فالطفلةة حيااااتها هاذيييك!!!!..

أديب:كنت قادر دير كاش حاجة و نتا علابالك بلي راح تتزوووج كااان قتلي ليااا بررررك وانا نتصرررف هاااذاا هو حق لي وقفت معااك هذاا هو حقييي..

همام:ماتبداش تخلط فالهدرة و الطفلة هاذي غير انساها اليوم دارت رؤية و باالاك على شي يامات خطبة يعني كلشي رجع رسمي بيناتهم ماعندك وين تدخل فالوسط..

أديب:علابالك بلي أي حاجة نديرها في راسي نديها ..

همام غمض عينيه بقلة حيلة و جاوبو بنفاذ صبر من قسوحية الراس لي عندو ..

همام:أديب!!..

أديب:واش! وقت كنت جي تحكيلي واش راح دير كنت نسمعلك و نزييد نعااون فييك و نتا فأول حاجة احتجتك فيهاا شوف الحالة لي رجعتني فيها ..

همام:لأنو نعرف مصلحتك راني كبير عليك و قاري الدنيا هااذي مليح ..راح تربح كرهها ليك بالشي لي راهو يدور في راسك حتى حاجة ماجي بالغصب و هي مادامها قبلت بالراجل لي جاهم لدارهم يعني راهي قانعةة و قابلة بيه رااح تدخل طرررف ثالث بيناتهم ولا وااش!! خلاصو عليك بنات الدنياا؟؟..

أديب:مكاش طرف ثالث كاين غير انا و هي برك و مادمني درتها في راسي يعني راح نديها و عينيكم مغمضين..

همام:تديهاااا بسيييف!!! ماتخليينيش نجهل علييك دوووكااا و ننسا بلي رااك خوياا ..

أديب ناض من الارض نفض حوايجو بكل هدوء و طلع راسو ليه شاف فيه بنظرات تحدي و جاوبو و هو يطوي فكمايم الشوميز تاعو عينيه حاطهم وسط عينين خوه بعزيمة كأنو كان يأكدلو على الكلام لي قالو بهاذوك النظرات لي بثهم فيه ..

أديب:نديها برضايتها ولا بلاش غير هي لي تكون ليا ..

همام:راك حاب تقنعني بلي حبيتها من اول نظرة..

اديب:علاه نتا ماعجبتاكش الماادام تاعك من اول نظرة..

همام:ماتخلطش بين الاموور ..

اديب:علااش حلال عليك وحرام علينا ..

همام خنزر فيه كي حس بالحوار معاه راهو عقيم وماراح يجيب حتى فايدة لأنو راهو عارف قسوحية راسو و كيما قالو اذا حط حاجة في بالو لازمو ينفذها و هبالو المرة هاذي جاه على هند حلف باش تكون ليه ..دارلو اشارة للباب باش يخرج و نطق بعصبية..

همام:روح ماالا روووح اتزووجها ولا اخطفهاااا دبررر راسك المهم خرجنييي من حكااايتك هااذييي و مادخلنيش فيهاا و يااويييلك نلقاا اسمييي يدوور وسطهاا علاباالك وااش قادر نديير فييك !!!..

اديب:متخافش غير هي لي نديها ..اصلا شكون هذا لي جرئ و قرب لحاجة حطيتها في راسي؟ راهو حاب يمووت يااك؟ ..

همام:اديب..ادييب وين راك راايح .."جا راح يلحقو لقاه هبط يجري نفخ بتذمر و خبط رجلو مع الارض معصب " روح دير واش تحب دوكا و كي يلحقني خبرك انا لي ندير واش نحب!..