كلي بكلك مغرم 🩶⛓️

كلي بكلك مغرم 144

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة144:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

هند و ريام استغلو النهار هذا مليح و لقااو راحتهم فالدار كي مكانوش الرجال فيها من غير سراب لي مادناتش ليهم اصلا هما كانو فجيه و هي فجيه لاهية بمخططاتها لي مايخلاصوش ..

برا فالجنينة قدام البيسين وين كانت هند داخلةة دااخلهاا مسترخية فيهاا بعدما دخلتها ريام بسيف عجبتها التجربة و حلاتلها و هي فيهاا مخلية ريام قاعدة على الطابلة تشرب فالجو تاعها و تحكي معاها ..

ريام:قتتيلي مالا جابلك وردة حمرة..

هند:اممم ..

ريام:اومبعد واش قتيلوو ..

هند:قتلو شكرا حبيبي هذا من جمال ذوقك!! تقعدي بياا واش حبيتيني نقولوو..طلعت و خليتوو ..

ريام:مزال باش تبدلي رايك دوكا انا راني كرهت في بلاصتو ..

هند:مزلني نخمم..

جات راح جاوبها حتى شافت تلفونها يصوني رفداتو تشوف شكون لقاتو رقم جديد ماشي مسجل عندها عقدت حواجبها بإستغراب و جاوبت على الاتصال بصح بلا ماتحكي باش تعرف شكون حتى سمعتها نطقت..

منال:الوو..

ريام شافت فهند لي كانت تسبح مستمتعة بالعوومة وسط المسبح و ناضت بهدوء دخلت للكوزينة و جاوبت عليها بنوع من الرااحة لأنو كانت متأكدة بلي همام مراحش يشوف فالكاميرات لأنو هند راهي هنا يعني ارتاحت من هاذ الجهة أما على تلفونها كانت دايمن تشوف اذا راهو مراقب تلقاه عادي مافيه والوو فلقاات راحتها من هاذ الجهة..

ريام:واش تسحقي مناال ياك قتلك انا نعيطلكمم!..

منال:الشااف رااهو حاب يهددر معاك ضرووري ضرووري..

ريام:مانقدرش نجي اليامات هاذو راني مريضة ..

منال:حاوولي جي ولله الامر يخصك نتي و يخصنا كامل مستقبلنا راهو بين يديك ماتغامريش بينا!..

ريام:علاش واش كاين؟؟..

منال:ماشي تااع تلفون وقت تكوني قادرة جي ارواحي تفهمي الحكاية ..

ريام:خلاص اومبعد نشوف و ماتزييدش تعييطليي حتى نعيطلك انا ..

كوبات عليها و عاودت خرجت و هي تخمم تحاول تفهم واش راهو صاري عندهم بصح ماقدرت تعرف حتى حاجة فالعادة كي تكوون كاينة سريقة كبييرة كيما لي دارتها اخر مرة مايعودوش عملية وحدوخرا حتى يجوز عليها ياامات باش مايبقاوش العينين مصوبين عليهم يعني مستحيل يكونو يحتاجوها فشي مهمة قلبت شفايفها بنوع من الحيرة و رجعت لبلاصتها قعدت حتى سمعت هند نطقت و هي خارجة من البيسين لفت سربيتة عليها و راحت قعدت قدامها تحكي  ..

هند:شبيك ..

ريام:شبيني؟؟..

هند:تباني حيراانة واش كاين ..

ريام:راني حايرة فيك و في حكايتك للدوك مزال ماقبلتي مافهمتش واش راكي تستناي اصلا خصنا عرس نزهاو شوية..

هند:ايوا تقول تفاهمتو على راسي نتي و هوو خلووني براحتي هذا زواج مهوش لعبة ..

ريام:هااني انا قدامك ماخلييتوش كامل يستنا كيما ليوم قاالي غدوة من دااك قتلوو راني قاابلة ..

هند:اممم زربتي زربتي حتى الخطبة و درتيها فسبيطااار..

ريام:زهيتلكم الحالة وسط اجواء الاكتئاب لقيتو لي تفرحكم و تزيدي تشرطي..

هند:المهم انا غدوة نولي لداار ..مارااني ندير والوو هنا قلت على الاقل نطيبلك كاش حاجة هااهم عندك خداامات الله الله يطيبولك..

ريام:وييين ترووحي مااعندككك لوين ترووحييي ولله ماراكي رايحتها راكي قاعدة تونسي فيا ديجاا هااه عطشت روحي جييبيلي نشرب كان نعطش و مانلقاش شكون يجيبلي نمووت انااا..

هند:يرحم بااباك قوليلي منين درتي الدورة تاع التبلعيط باش نديرها انا تان خصني نتعلم شوية..

ريام ضحكتلها بتبهليل و ناضت كروشات يدها مع ذراعها و طلعو كيف كيف للفوق و هما يڨصرو كان عندها سبب معيين خلاها ترفض رفض قطعييي باش تخليها تروح لأنو جاتها فكرة لبالهاا باش تقدر تخرج بيها من الدار و غير هند لي تقدر تفريهالها مادامها راهي هنا!..