كلي بكلك مغرم 🩶⛓️مكتملة

كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة5:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

في جهة اخرى و عند رِيام لي كانت في خدمتها قاعدة تشوف فالرايح و الجاي مكانتش عندها خدمة بزاف و الشاف ماعيطلهاش باش يمدلها شي مهمة ديرها فبقات قاعدة تشوف فيهم برك ..و هي وسط صفنتها لي داتها لبعيد تفكرت الطونوبيلات لي شافتهم لبارح برا كي جات الصباح كانو مزالهم بصح بكميةة اكثرر ملي كانو لبارح كأنو كان كاين وفد دولي لتم ماعرفتش مصدرهم من وين و لواش يفيدو اصلا..

تبسمت بمكر على تفكيرها الخبيث و ناضت دخلت لإحدى الغرف لي لتم بقات فيها شي خمس دقايق و خرجت و هي تهبط في نقابها على عينيها باش تشوف مليح خرجت لبرا و شدت طريق معاكسة على لي تروح فيها لدار الطريق كانت تدي لإتجاه الفيلات لي كانو الطونوبيلات مستفين قدامهم ..

قربت لجهة الدخلة لقات 6 رجال و لا كثر ماقدرتش تحسبهم من التلفة لي شدتها كي شافتهم كان الراجل الواحد فيهم يسوا قيس عشرة رجال بالجسم لي عندو لبستهم كانت عبارة عن لبسة موحدة كوستيم كحل ملامحهم جادة حتى و هما بيناتهم قدام بعض برك..

تخطفت بذعر من الصوت لي سمعاتو جاي من جيهتهم و راحت تجري تخبات مور الصور لتم و بقات تشوف فيهم من بعيد الرجال لي كانو لتم تأهبو للحماية و تحلت الباب لي على برا خرجو منها زوج رجاال واحد منهم كان ببدلة عسكرية و الثاني لابس لبس عادي بصح ثنيناتهم كانو ذو اجساام مانقولوش عليهم ضخمة بصح باينين مخدوومين بالسبوور و الواضح انو طبيعة خدمتهم لي فرضت عليهم يكونو هاكا و هذاا كان باين من لبسة الراجل ذو البدلة العسكرية..

رِيام كانت تشوف فيهم من بعيد حالة عينيها بصدمة ماشي فاهمة واش راهو صاري قدامها رغبة كبيرة اجتاحتها باش تزيد تقرب ليهم و تسمع في واش راهم يحكيو لأنو حديثهم طال و هما واقفين لتم بصح ماحبتش تزيد تدنا للتم علابالها الرجال هاذوك راح يحسو بيها و مراحش تفرا و مصيرها علابالها واش راح يكون غير من الحماية الكبيرة لي كانت تحمي فالزوج رجال هاذوك ..

بقات تشوف فيهم الحماس يغلي في ذاتها باش تعرف شكون هما و واش مكانتهم فهااذ الدنياا بقات متبعة واحد فيهم حتى ركب فالطونوبيل و الحارس غلق الباب عليه بينما الشوفور ديمارا و راحو موراه سرب تاع طونوبيلات للحماية..

أما الراجل الثاني لي كان لابس البدلة العسكرية بقا ثواني يحكي مع الحراس برا فالاخير دخل للداخل و تغلق الباب و تغلقت معاها احلامها باش تعرف واش كاين لتم ولي فهماتو انو لي دخل دوكا الفيلا هاذي تاعو و هو مولاها ..

غير جات راح تخطي خطوة باش تتقدم صونا تلفونها الشي لي خلاها تقفز بزربة مخلوعة من صوتو خاصة كي تسمع للجهة الثانية من الرجال لي كانو برا و واحد فيهم تقدم للتم باش يشوف واش كاين طفاتو بزربة و رجعت ادراجها هاربة من تم قبلما يلحق بيها و يشوفها و تخلاص عليها لتم مق..تولة ولا مرمية فشي بلاصة واحد ماسامع بيها..

جرات حتى عياات باش وصلت لمكان خدمتها دخلت للداخل و حطت يدها على قلبها تتنفس بزربة طلعت راسها على صوت الطفلة لي سمعاتو و خنزرت فيها لأنو بسبتها ماقدرتش تدخل للداخل كان ماشي هي عيطتلها كانت راح تسلك راسها و تلقا أي طريقة تشبع بيها فضولها و تعرف واش كاين..

منال:خَيَالْ وين كنتي؟؟؟كان يحوس عليك الشااف ..

ريام:هففف من مقبيل وانا قاعدة كي نضت جااه باش يسحقنييي الهم هذاا واش يسحق؟؟..

منال:ماعلاباليش المهم واقيل رانا خارجين كانو يوجدو فالطونوبيل..

ريام:ايوا مالا فيها مغامرات اليووم هاياا ..

دخلت يدها في ذراع منال لي تعتبر صحبتها فالخدمة و دخلو للداخل على اساس انهم راح يخرجو مع بعض كيما موالفين في كل خدمة يمدوهالهم بصح شافت الحالة معكوسة وقت عيطلها الشاف من بعيد و دارلها اشارة باش تروح عندو ..

الشاف:خيال ارواحي دقيقة !..

شافت في صحبتها تسقسي فيها بعينيها واش كاين و راحت ليه كي مالقات حتى جواب من عندها دخلت لمكتبو و وقفت مقابلاتو تشوف فيه بهدوء مستنية منو اوامرو أما هو راح لجهة البيسي لي كان محطوط فوق المكتب رفدو و راح بيه لعندها قابلو مع وجهها مخلي نظراتها الحادة يتركزو فواش ورالها بلا مايحكي معاها ولا يعطيلها أي راس خيط فهمت واش لازم عليها دير حركت راسها بالايجاب و نطقت بهدوء..

ريام:نروح وحدي؟؟..

الشاف:ايه لازم ..

عاودت حركت راسها بالموافقة و طمناتو بنظرات عينيها لي كانو كلهم ثقة و عزيمة خرجت من عندو و دخلت لإحدى الغرف لي لتم تبعتها منال باش تعرف منها الجديد و خرجت ركبت مع الشوفور لي راح يوصلها و قلعو رايحين لوجهتهم ..