كلي بكلك مغرم 🩶⛓️

كلي بكلك مغرم 🩶🌪73

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة73:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ربعت يديها على صدرها تستنا في جوابو منيتها بينما هو شاف فيها بمعنى منيتك و راح ركب فالطونوبيل مخليها مزالت واقفة برا غير استوعبت بلي طلع و خلااها راحت طلعت تجري حتى هي و خبطت الباب موارها حتى تلفت خنزر فيها من الخبطة تاعها لي حسها في جنابو حركلها راسو بمعنى غير الخير و نطق بإنفعال..

همام:خيير واش كاين!!..

ريام:والووو ..

همام:غير مكلاه مراحش تقلبي عليا الطابلة و ترجعيني الغالط غير الغسسسيل لي رااح نغسلك اومبعد اصبري عليا بررك راانا برا منيش حااب نبهدلك..

ريام شافت فيه بنص عين و بقات ساكتة عرفاتو فهم واش كانت راح دير و بداا يكتشف فشخصيتها وفعايلها لأنو كلما يجي يحاسبها على كاش حاجة تحب تقلب عليه الموضوع و ترجعو هو الغالط باش تنسيه فلي دارتو ولو كانت حاجة صغيرة..

و هي دوكاا بالذات عرفت الموضوع لي راح يجبدلها عليه اومبعد و مهيش حابة يحكيو علييه فحاولت تنسيه فيه بصح المرة هاذي ماقدرتش و محاولتها فتظليلو بائت بالفشل مع الاسف..

شاف فيها كيفاش سكتت حرك راسو بتوعد و كسيرا حتى قلع بأقصى سرعة رايح لدار طريق كامل جوزوها و هما ساكتين كل واحد فيهم فاش لاهي يخمم ولا واحد فيهم مانطق حتى وصلو و هبطت هي الاولة دخلت مخلياتو موراها مخنزر فيها طلعو بين زوج للبيت بلا مايتصادفو مع سراب لي كانت في بيتها ماسمعتش بلي جاو وإلا مكانتش راح تفوت الفرصة باش دير خدمتها لي والفت بيها ريام ..و هي الاخيرة غير دخلت للبيت راحت
لجهة الخزانة جبدت بيجامة و دخلت ديراكت لدوش مخلياتو يتحلف فيها على تهربها منو راح بدل حوايجو حتى هو و بقا يستنا فيها باش تخرج حتى جابتلو ساعة بالتماام حسبها وهو قاعد يستنا في سيادتها تكمل الدوش تاعهاا..

غير تفتح الباب ناض من بلاصتو و راح يتمشى جيهتها بخطوات بطيئة كأنو كان يمشي على قلبها بيهم وصل ليها و وقف مقابلها جوز عينيه عليها من تحت للفوق حتى وترها و خلا دقات قلبها يزيدو فسرعة نبضهم بقوة..

بلعت ريقها بتوتر كي حست بيديه تحركو و غمضت عينيه بقوة مستنية شي حاجة عكس توقعها حتى خرج صح عكس توقعها وحط يدو على السربيتة لي كانت في راسها نحاهالها بكل سلاسة ..

عاودت حلت عينيها فيه لقاتو يشوف فيها بهدوء تقول ماهو لي كان يتحلف فيها قبل ساعات استجمعت كل قواها ووخلات توترها على جنب محاولة تدخل معاه فالجو كيما موالفةة ..

ريام:كنت تستنا فيا نخرج باش تشوف شعري ولا واش! ..

همام:فقتيلي!..

ريام:باينة بلي توحشتني بلا تقول هه..

همام:كي باينة علاش كنتي تسقسي ..

ريام:فضووول..

همام:حتى انا جاني الفضول نعرف واش حكاية الدواء لي راكي تشربي فييه و لي ماقدرتيش تحبسييه لدرجة سمحتي في داركم و حبيتي تولي لدار علاجالو..

ريام:مهوش مهم بزااف..

همام:بالنسبة ليك!.. نهار ماتبقا بيناتنا حتى صلة لتم مايوليش مهم بالنسبة ليا ..

ريام:علاش راك تفول لشر هه ..

همام:جاوبي بلا ماتبقاي تلفي و دوري ماشي دايمن نكون كالم و عاقل..

ريام خدات نفس طويل استجمعت فيه شتات تركيزها و نطقت بلا ما تبقا تراوغ فالحديث معاه لأنو بانلها بدا يتعصب و هذا مهوش لصاالحها ابداا ..

ريام:دواا ..تاع منع الحمل!..