كلي بكلك مغرم 🩶⛓️

كلي بكلك مغرم 171/172/173

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة171:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

صرات لحظة صمت مريبة بيناتهم بقاو يتشاوفو فبعض بدون كلام سراب ألقت قنبلة فجرتها عليهم و خلاتهم مصدومين فواش قالت على غفلة كلهم وجهو انظارهم لريام مستنيين ردة فعلها أما هي فبقات تشوف فيها بنظرات هادية كأنها كانت تستوعب واش قاتلها و نحاول تتماسك فأعصابها باش ماتنوض ليها تمرمدها قدامهم ..

فوسط الصمت هذاك تسمعت صوت ضحكتها بصوت عالي .. هند عضت على شفايفها بتوتر و حركتلها راسها بنفي باش مادير والو لأنو علابالها بلي مور الضحكة هاذي راح تعصف عليهم عاصفة تزعزهم كامل أما ريام حطت رجل فوق رجل و حبست ضحكتها بشكل مفاجئ حتى عاود عم الصمت لثواني بعدها سمعو جوابهاا ليها ..

ريام:اه يا عجوزتي دمك خفيييف كيما عرووستتك سبحان الله نتشااابهو ..بصح انا كل واحد نعاملو على حسب قدرو كاين لي نحترمهم لأنهم يستاهلو و كاين لي نعفس عليهم و نوريلهم قلة الحياء لي فياا لأنو هماا جبدووني !!..

راضية:ههههه ايييه هند ههه سربيلهم الجووو كولو كولو راهوو قدامكمممم ماتحشموش حطيناه ليكم ..

هند من التلفة ناضت بزربة و هي توزع عليهم فالابتسامات باش تنسيهم و تحاول تبدل الاجواء ..مرت عمهم كي شافت الحالة تكهربت ولات حتى هي بدلت الموضوع و نطقت بتوتر و هي راسمة ضحكة صفرة مفوتة بيها الموقف..

_:اييه وقتاش راكم ناويين ديرو العرس ان شاء الله..

راضية:الله اعلم مزال ماتفاهمو اليوم راح يديرو العقد الشرعي اومبعد يتفاهمو مابيناتهم..

_:ايه معليش فيها خير بصح مزال ماعيطولها طوولو بزااف؟ ..

هند:مراحش يعيطوولي هه.. وكلت بابا هوو راح يفريها في بلاصتي احسن ماندخل اناا و الرجال راهم لتم ..

ريام:علاش واش فيها كان درتي نقابك و رحتي ..

هند:معليش اصلا العقد الشرعي يقدر يتكلف بيه ولي الامر برك المهم راناا موافقين بين زوج ههه ..

ريام:كيما تحبي..

كملو يحكيو مابيناتهم لاهيين حتى سمعو الرجال خرجو من البيت كان اديب و ناصر ناضو مع الامام وصلوه للباب لأنو كان كمل خدمتو و كمللهم العقد الشرعي تاعهم و رجعوو زوج و زوجة شرعا قدام ربي و عيبادو ودعوه و عاودو دخلو للداخل باش يكملوو اجوااء الخطبةة تاعهم براحتهم ..

اديب ملي تعقد العقد و حط المهر و شهدوو الشهوود على عقدوو و هو طااير مااحبش يركح حماسو ماقدرش يخفيه كان ماشي همام لي كان معاه كان راهو دار كاش تبهديلة مافيهاش شك ابداا ..