كلي بكلك مغرم 🩶⛓️

كلي بكلك مغرم 160

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة160:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ناضت رفدت حوايجها من الارض و فرزت الحالة دخلت لدوش دارت دووش خفيف و خرجت وهي لافة سربيتة على بدنها و الثانية تنشف بيها في شعرها شافت لساعة لقاتها مزاال الحاال و علابااالها بلي غير يكمل خدمتو راح يولي لدار مراحش يفوت الفرصة باش يجي بكري و يكمل لي مااداروش فيها صباح و ينفذ حكمو فيها لي مااعلابابهاش كيفاش و واش راح يكون هاذ المرة ..

قطعت تفكيرها لي كان مديها لبعيد و شافت لجهة الباب كي سمعت الطبطيب فيها مع صوت هند من برا راحت لبست اول روبة لقاتها فالخزانة و جاوبتها بصوت عالي باش تسمعها و تدخل ليها ..

هند:رياام جيتي راكيي هنا؟؟؟..

ريام:اييه ادخلييي..

دخلت ليها و قربت لعندها بزربة من ملامحها المعقودة عرفتها مزالت متوترةة من حكاية الصباح كي قاتلها تغطي عليها تبسمتلها باش طمنها و جات راح تنطق حتى سبقتها هي و نطقت في بلاصتها ..

هند:وقتاااش جييتي هبطلي السكرر عباالك خفتتت يفيقلك ..

ريام:فاقلي و كمل هو جابني..

هند:كيفااش فاااقلككككك؟واش قاالك زعف علييك؟؟ضااربتوو اكيد!..

ريام:باينة يعني واش حبيتي يصرا..بصح انا لي قتلو ماشي هو لي فاقلي..

هند:مالا علاش درتي المسرحية هاذي كامل مزية ماكذبتش عليه ..

ريام:جازت جازت اليوم تفرا بإذن الله..

هند:ان شاءالله..مالا انا نقدر نرووح ..

ريام:وقتاش تفاهمتو على الخطبة..

هند:ماعلاباليش مزال ماقلت لبابا ..

ريام:كيما تحبي مالا روحي افري اموراتك كي تفروها عيطولي نجي نحضر الخطبة..

هند:ان شاءالله..

ريام:استناي يجي اديب يديك هو..

هند:لااا نروح وحدي ماخصنييش ..

ريام:مالا قولي لشووفوور يديك ماتروحيش وحدك الدار بعيدة من هنا ..

هند:لا اومبعد نبقاوو وحدنا فالطونوبيل كي نروح فالطاكسي على الاقل يكونو كاينين نسا معايا مانكونش وحدي مع الشوفوور..

ريام:ياربي صبرنيي دوك نقول لوحدة من الخدامات تروح معاك و توليي..

هند:ايه هاكا معليش..مالا نروح نلبس..

ريام:راني نتخيل فصدمة اديب كي يجي اليوم و مايلقاكش ههه ..

هند:لالا نعيشو هنا خيير..باينة بلي نروح دوك حتى هو يروح هه..

ريام:اممم اصلا جا علاجاالك..حمدلله لي قبلتي كان راهو هبل السيد..

هند:هاذي هييي اللقمة صعيبةةةةة ..خاصو يكافح باش يلحق ليا..

ريام:ههه روحي روحي قالو يكافح راح تتزوجو ولا جاهدو في كاش غزوة..

هند:خليني براحتي ياختي المهم قبلت..

ريام:اييه هذااك هو الصصصح..

هند:ايا خلاص نروح نلبس باش نروح..

خرجت من عندها و رجعت لغرفتها رفدت حوايجها لي جابتهم معاها رجعتهم في صاكها و لبست حوايجها هبطت مع ريام للتحت توادعو مع بعض و وصلتها لطونوبيل لي كان يستنا فيها الشوفور مع الخدامة باش يرووحو معاها دارتلها باي باي بيدها و دخلت للداخل باش تكمل خطتها لي نوات علييها باش ديرهاا و تنفذهااا وربي كبير..