كلي بكلك مغرم 🩶⛓️مكتملة

كلي بكلك مغرم 154

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة154:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فجهة اخرى و عند هند لي كانت مزالت فالبالكون تترقب فرجوع ريام بين كل دقيقة و دقيقة تشوف الساعة فتلفونها و تنفخ بتوتر ماعلابالهاش علاش كانت خايفة قلبها مقبوض عليها من الخدايم تاع ختها لي مايخلاصوش ..

عاودت دخلت للداخل لبست طقم صلاتها و نقابها في يديها كي العادة راحت قعدت فالصالون و بقات تهز فرجليها بتوتر طلعت راسها لجهة الدروج كي سمعت صوت سراب و حلت عينيها بصدمة منتفضة من بلاصتها بزربة باش دير نقابها وقت سمعت صوت اديب نازل معاها مكانش علابالها بلي مزالو فالدار اصلا..

سراب:صح واش قتلي لباارح اديب؟؟ حتى نتاا داولك عقلك كيفاش خممت تتزوج بيها و نتا ماشفتهااش..

اديب:شكون قالك ماشفتهاش؟عجبتني كي شفتها و زيد حتى و اذا مكانتش عاجبتني في وجهها راح تعجبني في عقليتها و حشمتها و تربيتها!..

سراب:كاين لي خييير منهااا عندي بنت صحبتييي تهبببل كنت ناويتها ليييك غير هي لي تليقك بيك..

اديب:وحدة تكفيني مانسحقش..

كان هابط مكمل طريقو حتى صدفة رما عينو لجهة الصالون حتى لمح خيالها تبسم ابتسامة شبه ظاهرة على ملامحو و وقف فنص الطريق باش يصدر يماه و يروح لعندها بمااا انو جاتو الفرصة ليديه و همام مهووش هنا ..

اديب:خلاص روحي لطونوبيل دوك نجي و نوصلك في طريقيي..

سراب:نروح وحديي مانسحقش لي ماياخدليش الراي كامل مانحسبوش وليدي..

اديب:شكون قالك راني حاسبك يما؟..

حلت عينيها بصدمة من جوابو لي ماتوقعاتوش منو و خنزرت فيه هزت كتافها للفوق بحركة سريعة دالة على انو خدات موقف منو و راحت طقطق بطالونها خارجة لبرا بقا متبعها بعينيه حتى مابقاتش تبان قدامو و تنهد دوب تفكر هند عاودت رجعتلو تبسيمتو كيما كانت بل زاادت توسعت كثر..

حط يديه فجيابو و دخل للداخل لقاها واقفة تعدل فنقابها متوترة شوية من غياب ختها و شوية من حضورو معاها فنفس البلاصة و مكان حتى واحد معاهم لأنو سمعت سراب كي خرجت بلعت ريقها بتوتر و هبطت راسها مجتنبة النظر فيه باش ماتزيدش تتوتر كثر ..

طلعت راسها تشوف وين راه لقاتو واقف بعيد عليها بسنتمترات قلال خدات نفس طويل و نطقت بزربة بعدما شجعت روحها ..

هند:شوووف مسيوو اديب ماشي كي قبلت بييك معنتها تقدر تهدر معاياا عادي لااا و الف لااا نهار تعقد عليااا عقد شرعي لتم نهدر معاك عادي اما دوكا لااا لاااا و زيد ريام راهي هنا ماعندهاا وين راحت رااهي هناااا ختييي..