كلي بكلك مغرم 🩶⛓️مكتملة

كلي بكلك مغرم 🩶⛓️

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة3:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد يوم شاق جوزاتو فالخدمة خرجت من المصنع لي تخدم فيه و هي دير فحركات رياضية تسترجع فيهم قوتها تمشات بضع خطوات و طلعت راسها تشوفت للفيلات لي كانو مقابلين مكان خدمتها ديقت عينيها بإستغراب و قربت للتم و هي تشوف فالحركة لي كانت كاينة اول مرة تلاحظها لأنو البلاصة هاذيك تقريبا مهجورة مافيهاش الناس و دايمن الفيلات تشوفهم فارغين حس سكااني مكااش فيهم لأسباب مجهولة..

هزت كتافها بعدم اهتمام و راحت تتمشى بخطوات بطيئة و هي مستغربة من كمّ الطونوبيلات لي كانو مستفين لتم قدام أول فيلة جاية فوسط مساحة خضراء كبيييرة و شاسعة كانو كامل من نفس النوع BMW فاللون الاسود ..

عقدت حواجبها بدهشة من منظرهم و هزت كتافها بعدم اهتمام مكملة طريقها رايحة شدت طاكسي و رجعت بنفس الطريقة لي جات منها من الدار حتى وصلت للتم ..

دخلت لدارهم و غلقت الباب موراها نحات نقابها و بدات تنحي فباقي حوايجها و هي تنادي على يماها لي غير سمعتها خرجت ليها من الكوزينة و هي متبسمة ..

ريام:ماامااا اناا جيييت ..

راضية:مرحبا بيك بنتي طولتي اليووم ..

ريام:كانت كاينة خدمةة بزاف .. سي نااصر راهو هنا؟؟..

راضية:لا راهو فالجامع يأذن المغرب و يصلي بيهم و يجي..

ريام:احسسن ..

راحت لبيتها لقات هِند مفرشة سجادة على الارض خاشعة مع المصحف لي كانت تقرا فيه كان ماشي الحس لي دارتو كي دخلت مكانتش راح تفيقلها تلفتت ليها لقاتها ترمات على فراشها و غمت راسها وسط لمخايد بقات ثواني و هي ساكتة فالاخير نطقت بهمس مسموع ..

هِند:صليتي صلاتك؟..

ريام:مزال ..

هِند:شحال من مرةة نقولك ماتأجليهااش يااك عندكمم وقت فالخدمة كي يأذن رووحي تصليي علابالك بلي مايجوزش كي تأجلي الصلاة و اذا اجلتيها بدون عذر شرعي تعتبري كيما تارك الصلاة!!!..

ريام:لهاذ الدرجة يعني؟؟..

هِند:في ميزك في سورة الماعون علاش ربي قالنا "فَوَيْلٌ لِّلْمُصَلِّينَ* الَّذِينَ هُمْ عَن صَلَاتِهِمْ سَاهُونَ."  ذكر المصلييين يعني لي يصلو بصح يكونو عن صلاتهم ساهون يعني لي يكونو غير مبالين بمواقيت الصلاة و يصلوها خارج وقتهاا قالهم فويل لهم يعني لهم عذااب شدييييد !!..

ريام شافت فيها و ناضت و هي تحركلها في راسها بالموافقة على كلامها زعما فهمت واش قلتي.. دخلت لدوش توضات و راحت تصلي صلاتها لي فاتتها غير كملت و سلمت التسليمة الاخيرة جات تنوض حتى شافت ختها قربت ليها و مدتلها مصحف و هي تحكي فنفس الوقت..

هِند:وردك اليوومي ماتنساايهش..

تنهدت و شداتو عليها فتحاتو وين كانت حابسة اخر مرة و بدات تقرا مرة تخشع معاه و تدبر في كلماتو مرة عقلها يروح لبعيد و تخرج عن نطاق الواقع كان ماشي هِند لي راهي معاها كان مهيش مهتمة بهاذ التفاصيل الدينية مرات صح ديرهم من قلبها و ديرهم حُبا فالتوبة مرات ديرهم غير باش تسّكت ختها و باباها لي متمسكين بزااف فالدين نظراا لأنو باباها إمام رغم انو مرات يبانلها مهوش مدين و انما متعصصصب بصح ماعندها ماادير وحتى هند تبعاتو و كانت في طريقو على عكس ريام لي حكايتها حكااية ..

كملت قرات شوية صفحات من القرآن و حطاتو على جنب ارتاحت شوية بعدها ناضت للكوزينة تشوف كشما تعاونهم لأنو عادة هند و راضية لي يكونو متكلفين بأمور الدار هِند امراة ذاات 30 سنة كملت قراايتها و كي مالقاتش خدمة بقات فدار..

على عكس ريام لي غير كملت 3 سنين تاع تخصص مالية و محاسبة خرجت تخدم رغم انو باباها مكانش قابل بصح فرضت رايها و سيطرتها عليهم حتى قبلو بلا هواهم و دارت واش كاانت حاابة و راااهي دير واش راهي حاابةة حتى لدوك ..