كلي بكلك مغرم 🩶⛓️

كلي بكلك مغرم 🩶⛓️65

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة65:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ناضت تجري خرجت من البيت و طلت عليهم من برا لقات يماها مزالت فالصالون و هند غاطسة فالحلويات تاعها ديرلهم فاللمسات الاخيرة راحت جهة بيت يماها و باباها و دخلت تتسلت تمشي على طراف صوابعها باش ماديرش الحس و الضحكة غالبة عليها من تخمامها حلت القجر تاع الكوافوز و بدات تحوس مالقات والو عاودت غلقاتو بلا مادير الحس و راحت تحوس فالخزانة و هي تحكي وحدها كي المهبولة ..

ريام:دوكا منيتي راني جاية نحوس على كاشي تاع منع الحمل عند ماما ههه راني نتخيل كان نلقاه عندها ياربي كيفاش راح نزيد نشوف في وجهها ههههه استغفر الله ..

حوست من تحت حوايجها تحت مخايد السرير كيف كيف مالقات والو كي يأست ولات خرجت و هي تحرك فراسها بلاحول على تخمامها الغبي راحت طلت من التاقة لقات مزال كاين شوية ناس برا بقات رايحة جاية تخمم واش دير فالاخير جبدت حوايجها لبستهم و زادت دارت نقابها و خرجت لعندهم هند غير شافتها لابسة حوايجها ناضت بزربة و راحت ليها بخطوات سريعة شدتها من يدها مانعتها باش تخرج..

هند:راااكيييي رايييييحةةةة!!!! اذا رااهو براا غير قولييلووو يروووحححح ..

ريام:يابنتي منيش رايحة راني خارجة نشري و نجي ..

هند:تشري فالوقت هذا علاش ماقلتيش لباباا يشري كي يكون جاي من الجاامع..

ريام:لا نرووح انا خلييني نروح دوكا قبلما يخرجو من الجامع و نلقا الغاشي براا ..

راضية:رووحي جريةة و ارجعييي مليحة هااذي الناس كي يتزوجو ينطمو هي زادت راحت فيها ..

ريام:زوجي قرة عيني علابالوو مالا الباقي مايهمنيش فيهم..

هزت كتافها بمعنى ماعلابالي بحتى واحد و خرجت راحت ديراكت لعند الفارماسي شرات دواها و زادت شرات شوية سقايط باش يسهرو بيهم على الاقل كي يسقسوها واش شريتي تعرف واش جاوبهم ..

رجعت لدار بلخف بدلت حوايجها وراحت للكوزينة حطتواش شرات فالسنيوة و داتهم لبيتهم بعدما راحت راضية ترقد و خلاتهم سهرانات مع بعض دخلت بالسنيوة هاذيك للداخل و قعدت فالارض مخلية هند تشوف فيها بإستغراب..

هند:خرجتي بلا عجز باش تروحي تشري هاذو حسباتلي كشماا راح تشري خلعتينا..

ريام:و هاذو واش خصهم ماعجبووكش..ياختي تشتييهم رحت شريتهم نخليهم في خااطري! ..

هند:اممم.."صغرت عينيها فيها و ضربتها بمرفقتها ليدها بخفة مكملة كلامها بشك" تشهيتيهم ماالا امممم ..

ريام:ايه علاش؟..

هند:اممممم..

ريام:وااش كاايننن ..ااا ماشي كيما لي فبالك هه..

هند:زعماا مايكوونش حبيييب خالتو لي راهو متشهيهم ..

ريام:وشمن حبيب خالتو نتي تان ..عندي شهر ملي تزوجت ..

هند:هيه عاادي كاين لي يرفدو من شهرهم لول علاش ماتكونيش منهم زعماا ..

ريام:كوني نتي يكفي..

هند:نسيبي لي ماحبش ولا نتي؟

ريام:ماسقسيتوش..و هو ماقاليش عليهم ..

هند:كيفاش قرار مصيري كيما هذا ماتفاهمتوش عليه ..

ريام:مانعرف باالاك مستقبلا نجبدلو على الموضوع هذاا ..

هند:ايي حالةة تخيلي نولو اونسانات بين زوج فنفس الوقت ههه و نجو لعند ماما نهبلوها بوحامنا يااا هاياا نديرووها ولله عجبتني الفكرة..

ريام تبسمتلها ابتسامة صفرة و حركتلها راسها بالايجاب مجاوبتها بزربة باش تبدل الموضوع..

ريام:اييه ان شاء الله..قووليلي واش راح تلبسي للخطبة..

هند:ماعلاباليش ياك قتلك غدوة نروحو نشرو و نشوف..

ريام:ايه صح نسيت..ان شاء الله غدوة كي نروحو نشوفو ..

بقاو يڨصرو مع بعض و يحكيو على العرس كيفاش جاز و على الخطبة كي راح جوز حتى لقاوها الوحدة تاع صباح بلا مايفيقو كل وحدة فيهم طلعت لبلاصتها حتى عم الصمت عليهم بين زوج و رقدو بلا مايحسو ..