كلي بكلك مغرم 🩶⛓️

كلي بكلك مغرم 🩶⛓️44

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة44:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

فجهة ثانية و عند همام لي كان في مكتبو ماحبش يخرج من الدار اليوم بذاات علاجال يماه لي جات ماقدرش يحاوزهاا و فنفس الوقت وجودها معاه راهوو مقلقوو خصووصي كي تزاادت رياام معاه يعني مستحيل ثنيتاتهم راح يقدرو على استفزازها و هو اكثر واحد راهو عارف واش كان يقول طول حياتو كان متقبل بعدها و في كل مرة جي تسكن معاه و لا حتى تبقا معاه يومين برك يحس بنظامو اختل و مايحسش روحو ألاز معاها ..

حط الورق من يديه كي شاف تلفونو يصوني بإسم أديب و رفدو باش يجاوب عليه حتى لقاه هو لي سبقو فالهدرة مزروب فكلامو ..

أديب:وين رااك ماشي كنت جااي اليووم للخدمة ..

همام:كنت ..كان ماشي يماك لي شرفت لدار ..

أديب:اذا تبعتها راح تبقاا فداار و ماتخرجش تحبس خدمتك و تقعد مقابلها لأنو مهيش ناوية تخرج حتى دير لي في راسها ..

همام:ماعندها مادير غير قوللها تنحيي خططها من مخهااا لأنو ماعندهم لوين يدووها..راح نخلي الامور تحت سيطرتي حاليااا اومبعد نشوف واش ندير..

أديب:واش راح دير نورنا ..

همام:مايهمكش..

أديب قلب عينيه بملل من جوابو و رد عليه مبدل الموضوع كي لقاه غالق كل الطرق باش يحكيلو على واش راهو في راسو ..

أديب:ماجيش دوكا؟؟..

همام:لا عندي ضياف راهم جايين..

أديب:شكوون ..

همام:نسابي..

أديب:هااني جااي ماالا ..

همام:وين جي وين..

بقا يستنا في جوابو حتى جازو ثواني باش استنتج بلي كوبا عليه حرك راسو بلاحول من عناد و قسوحية راس خوه و بقا لاهي بوراق خدمتو يخدم فالخدمة لي كان لازمو يخدمهاا حضووري فمكتبوو تاع الخدمة و بسبة الاحداث لي صرااو فدار ماقدرش يخرج فكملها عن بعد برك ..

شاف لساعة و جا راح يرفد تلفونو باش يسقسي الشوفور لي كلفو باش يجيب عايلة ريام وين راهو لأنو لقاهم طولوو حتى صوناا في يدو و الاتصال كان من الحراس لي متكلفين بالحراسة قدام الباب كي شافو ناس مايعرفوهمش مع الشوفور عيطولو باش يدو اوامرو اذا يدخلوهم ولا لا و هو بدورو عطالهم الاشارة باش يخلوهم يدخلو ..

غير خرج من مكتبو لي كان مقابل باب غرفتو قابلاتو حتى هي خارجة تعدل في شعرها بيديها قرب ليها يشوف في اناقتها في اختيار اللبس و نطق بهدوء..

همام:راهم وصلو ..

ريام:علابالي قاتلي هند ..

همام:اديب راهو جاي نتوما روحو لصالون و حنا رانا فالجهة الثانية ..

ريام:اييه احسن ..

هبطو مع بعض وقفو قدام الباب باش يستقبلوهم و بقاو يستناو فيهم يجو حتى لحقو ليهم أول ماحطت راضية رجلها على عتبة الباب بدات تزغرت حماات السوق بالزغاريت تاعها لي مادارتوش فالعرس دارتو فالدقايق هاذو مخلية ريام متبسمة ليها غير كملت راحت ليها عنقتها و زادت عنقت هند و اكتفات انها تسلم على باباها و تتبسملو ابتسامة صغيرة كترحيب ليه ..

راضية:ماخليتوناش نزغرتو فالعرس قلت خلي نبرد قلبي هنا ههه ..

همام:البروتوكول خالتي البروتوكل..

راضية:يااك دوكا مكاانش هذاا هناا..

همام:لاا ..الدار دارك خودي راحتك ..

راضية:ههه يسلممك نسيبي يويويويويويويوويوييوويويوييي..

ريام:ههه ماما خلاص راكي جرجرتي حلوقك..

هند:ههه مبروك عليك ختيي مع انو كلش جاز بزربة بصح تباانلي الاموور راهي حمدلله..

ريام:اييه حمدلله ياربي..

ناصر:مبروك عليكم العاقبة لاحفادنا نعمرو بيهم الدار ..

همام شاف في ريام و عاود شاف فيه مجاوبو بإمتنان..

همام:امين ان شاء الله..

ريام:جووزو للدااخل ماتبقاوش واقفين..

دخلو للداخل معاها النسا راحو للصالون العصري و الرجال دخلو للجهة لي كان ديكورها تقليدي لأنو هو صالون كبير مقسم لجزئين بعاد على بعض كل واحد فيهم بديكور مختلف ..

هند راحت قعدت على الفوتاي لي جاي ماشي مقابل جهة الرجال باش تقدر تنحي نقابها و ريام و راضية قعدو قدام بعض يحكيو بهمس شوية و هي تدخل عليهم سراب حاطة يدها على خصرها غير شافتهم نطقت بإستغراب مصطنع خلاهم يطلعو ريسانهم فيها و يتبعو معاها واش كانت تقول..

سراب:سمعت لعيااط مقبيل واش كاين؟؟

ريام:ماشي عياط زغاريت برك..

سراب:ااا متعودين على الفوضى مالا !..