كلي بكلك مغرم 🩶⛓️

كلي بكلك مغرم 🩶⛓️63

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة63:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

بعد ايام و نبداوها من عند هند لي كانت فالكوزينة مع يماها لاهيين يديرو فالحلوة كان باقي يومين على خطبتها و كانت غارقة وسط التحضيرات تاعها رغم انو كانو على قد الحال بصح كلشي كان بالطبع و هذا كان بشوية دعم من عند ريام لي بعتتلها دراهم باش تقضي بيهم الغراض و رغم انها ماحبتش تقبلهم فالاول بصح داتهم بسيف عليها كي غصبتهم عليها ريام ..

كملت دخلت السنيوة تاع لي صابلي للفور باش يطيبو و راحت جابت تلفونها باش تعيط لريام بقات تستنا فيها جاوب بصح ماتلقات حتى جواب من عندها شافت في يماها لي نطقت مخاطبتها و جاوبتها ..

راضية:لمن راكي تعيطي..

هند:لرياام مهيش جااوب ..هذاا لي وصيتها بااش جيي ولله ماجيش هاذ المرة مانزديش نهدر معاها قتلها جي تباات ..

راضية:مهيش براسها دوكا بالاك راجلها مايخليهاش..

هند:مادخلنيش ختي هاذي نسال فيها كيما يسال فيها هوو ..يومين وهي بعيدة عليه مراحش يمووت فيهم و زيد ياك عندهم خداامات يعني مراحش يبقا بالجووع ..

عاودت عيطتلها للمرة الثانية حتى سمعت جوابها بصوتها لي كان بااين فيه من نبرتوو بلي هذااك وين نااضت و مهيش صاحية مليح غير من تلفتها وهي تهدر معاها..

ريام:الو ..

هند:ويين راكي للدوكاا علاش مزاال ماجييتي ولله و ماجييش المرة هاذي غير ننسا بلي نتي ختييي ..

ريام:وين نجي شحال راهي السااعة كنتي بايتة تنومي فيا باش عيطتيلي مع صباح ربي !!..

هند:يابنتي راهي الوحدة تاع لعشيا وشمن صباح..

ريام شافت فساعة تلفونها و عاودت رجعاتو لوذنها مجاوبتها بدهشة لأنو ماشي من عاوايدهم يبقاو حتى لهاذ الوقت و هما راقدين ..

ريام:ماديريش عليا مارقدتش بكري مافطنتش كاامل..

هند:ماجيبيليش الاعذار الله يسهل ليوم جي تباتي عندنا باش غدوة نرووحو انا و نتي نشرو واش راح نلبس فالخطبة ..

ريام:اييه ان شاء الله نجي..

هند:احلفيييلي دوكا ..

ريام:ربي يهدييك اهند ولله نجي دوك نزيد شوية قيسما نفطن و نوض نوجد روحي باش نجي..

هند:ايا خلاص هاني نستنا فيك..

كوبات عليها و رمات تلفونها قدامها تشوف في همام لي كان غاطس في نومو حتى هو.. أول مرة تشوفو راقد للوقت هذا جااها غرييب موالف دايمن ينوض بكري يدير سبور و يروح لخدمتو دوكا راهي لوحدة تاع لعشيا مزال ماناض ..

قربت ليه بشوية باش ماديرش الحركة و ينوض و حطت طرف صبعها على وجهو و بقات تحرك فيه عليه كأنها كانت ترسم فملامحو داخل مخيلتها و بين عينيها ..

جوزت صبعها على حاجبو مرورا بنيفو حتى وصلت لشفايفو تبسمت بخفة و جات راح تحط صبعها عليهم غير شافتو حل عينو بعدت بزربة و ضمت يدها عندها حاسة بالسخانة طلعت معاها من الموقف لي رمات روحها فيه بقات تشوف فيه بتوتر حتى شافتو قرب ليها و حط راسو على نفس مخدتها ناطق بهدوء..

همام:كملي كملي حتى واحد ماشافك..

ريام:احم ماعندكش خدمة!..

همام:عندي..

ريام:علاش مارحتش مالا..راح لحاال..

همام:لقيت لي خير من الخدمة علاش نروح و نخلي راحتي هنا..

ريام:احم ..قصدك الرقاد ياك..

همام:لا راني نقصد فيك نتي..

ريام:هه هماام..احم حقاا تفكرت ..هند قاتلي نروح نبات عندهم اليوم ..خطبتها مزاللها يومين برك..

همام:نديك و نرجعك..

ريام:لااا راهي حابتني نباات ملي تزوجنا مابتش عندهم خليني نبات اليومين هاذو نكملو خطبتها و نرجع ..

همام:هذا اذا كملت..

ريام:واش لي تكمل..الخطبة؟..

همام:والو..نوضي تلبسي باش نديك..

ناضت جبدت حوايجها بزربة و دخلت لدوش باش دوش أما هو ناض و هو يطرطق فعظامو بتعب ماشي موالف يتأخر فالرقاد لهاذ الوقت بصح بسبة السهر لي سهروه مع بعض و دفئ حضنها لي كانت غامراتو بيه مع الصباح ماسخااش باش ينوض و يسمح فالرقدة هاذيك حتى لقا روحو رقد حتى للوقت هذا...

راح لدوش لي فالبيت لي قدامهم دوش بلخف و لبس حوايجو تاع الخدمة باش كي يديها يروح من تم يخدم كمل تحضيرو لنفسو بلخف و رجع للبيت لقاها دير في نقابها ستناها حتى كملت و خرجو مع بعض رايحين لدار ريام..