كلي بكلك مغرم 🩶⛓️

كلي بكلك مغرم 🩶🌪69

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة69:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام بقات متبعتها بعينيها حتى خرجت و تنهدت بقلة حيلة على حالتها كان راح يديها عقلها لبعيد وهي تخمم في ختها حتى عاودت فطنت من صوت تلفونها لي رجع يصوني مرة اخرى حطت التلفون على وذنها و جاوبت عليه بصوت هادي..

ريام:موون جينيرال عيطتلك مقبيل علاش مارفدتش عليا همم..

همام:كان عندي تدريب ماشفتش التلفون هدوين رفدتو..

ريام:مزلت تلهث بشوية على قلبك يعود مايبقااش عندنا غضنفر بعيد الشر..

همام:امم زعما خفتي عليا ..هدوين كملت معاهم التدريب ..

ريام:وعلاش مانخافش على زوجي قرة عيني ..بشويةة علييك ماتهلكش صحتتتك معااهم..عندك زوجة تستنا فييك اسي الجنرال..

همام طلع حاجبو للفوق من طريقة جوابها الغيير جدية نوعا ما و تبسم بخفة مجاوبها بنفس طريقتها فالكلام معاه و لأول مرة يتجرد من الجدية تاعو و هو وسط ارض خدمتو لي موالف حتى التبسيمة الصغيرة و مايرسمهاش فيها ناسي مبادؤو و شخصيتو وهو معاها  ..

همام :ربييي يخلييلي مرتيي قرة عيني لي تخاف علياا ..

ريام:ههه راك تعكي عليا ياك..

همام:لا حااشااا ..قوليلي خلاصت الخطبة نجي نديك؟..

ريام:يودي وشمن خطبةة ماصرا والوو ..

همام غير سمع واش قالت عقد حواجبو بإستغراب و ناض من بلاصتو يستوعب فواش قاتلو بالو ديراكت راح لعند اديب لي غفل عليه اليوم هذاا بذاات ماعرفش كيفاش بصح تلهى بالخدمة و التدريب حتى راح كامل من بالو ..

همام:كيفاش ماصرا والو؟..

ريام:ماجاش السيد لي كان راح يخطب..قالك بطل فأخر لحظة و اختفى من دارهم مزادش بان..

عض على شفايفو من تخمامو لي راودو و رفد مفاتح طونوبيلتو خارج من مكتبو و هو يجاوب فيها فنفس الوقت محافظ على هدوءو فالكلام كأنو مكانش يسابق فالدقايق باش يخرج و يروح يشوف خوه واش راهو داير فيها على حسب تخمامو ..

همام:معليش فيها خير بالاك ربي كتبلها ما احسن منو..نجي نديك فليل؟..

ريام:امم ماعلاباليش شوف نتا..

همام:كي نعيطلك اخرجي مالا..

جات راح جاوبو لقاتو كوبا عليها خنزرت فالتلفون كأنها راهي تشوف فيه و نطقت بإنزعاج بينها و بين نفسها ..

ريام:مااسقساانيش ممباا على رااييي تقول رايو لي يمشي ملييحة هاااذي و زاد كوبا عليا من فوق ..

نفخت بعدم رضى على لي دارو و خرجت لعندهم لقاتهم قاعدين فالصالون يشربو فالقهوة تاع العشيا لي كانو حضروها للخطبة مع الحلوة هاذيك ضحكت بخفة و راحت قعدت معاهم مشاركتهم اللمة لي حاولو فيها قدما يقدرو باش يخرجو هند من جو الكآبة لي كان مسيطر عليها..

لأنو رغم انها حاولت تبينلهم العكس بصح ملامح الحزن و الاستياء كانو باينين عليها بووضووح نظراتها الذابلة بررك و كشفوها فمجاتهمش صعيبة باش يعرفو بلي راهي تخبي في حزنها عليهم برك و حاولوو باش يخرجوها من الحالة هاذيك بشتى الطرق و قدرو ينجحو نسبيا كي شافو ابتسامتها الخفيفة لي رسمتها و هي مشاركتهم فحديثهم متناسية لي صراا اليوم و تحاول تتناسااه بسيف عليها ..