كلي بكلك مغرم 🩶⛓️مكتملة

كلي بكلك مغرم 82

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة82:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

خدا نفس طويل استجمع فيه نفسو من الشتات لي كان متمكن منو و بقا يشجع فروحو حتى حس بنفسو راهو حاضر للقاء مع باباها نحا نواظرو رماهم فطونوبيلتو و راح رافع كتافو للفوق لي يشوفو يقول هذا شي واش راح يدير و هو غير راهو رايح لدار ناصر باش يهدر معاه..

وصل لبابهم و حبس قبالو بقا ثواني و هو رافع يدو فالباب يخمم اذا يطبطب ولا لا فالاخير تغلب على توترو و طبطب فالباب و بقا يستنا فيهم يجو يفتحو حتى تفتح الباب و بانلو ناصر يشوف فيه بإستغراب غير تفكرو تبسم و خرج لعندو بنفسو يرحب بيه..

ناصر:اووو اديب وليدي مرحباا بييك عندناا اتفضل اتفضضل ..

اديب:احم يسلمك عمي..

دخلو للداخل مع بعض و قعدو فالصالون ناصر راح للكوزينة باش يقوللهم يوجدولو كاش حاجة و رجع لعندو قعد معاه يسقسي فيه على احوالو و فنفس الوقت مستغرب من حضورو المفاجئ ليه كان جا مع همام يقوول نسيبي جا يطل عليا بصح كي جا وحدو بأي منااسبة جاا ماعرفش..

ناصر:مرحبا مرحباا ..واش راهو نسيبي لابااس ..

اديب:اييه لابااس حمدلله راهو يسلم عليك كان جاي معايا خرجتلو خدمة ماقدرش يجي ..

ناصر:معلييش كل تعطيلة فيها خيير ..

اديب:فالحقيقة اناا جيب نهدر معاك على موضوع يخصنيي..

ناصر:ايه مرحبا وليدي تفضل راني هنا فاش نقدر نعاونك..

اديب:علابالي راح تقولي راك غالط بصح اعتبرها قلة عقل مني ماكنتش قاصد نروح نحكي معاها برا كنت جاي ديراكت ليك بصح تكتبت نحكي معاها براا و عجلللت باش نجي ليك دوكا لأنو حسيت روحي غلطت ..

ناصر:مع شكون؟؟..

اديب:مع بنتك الكبيرة..

ناصر:وعلاش هدرت معاها؟..

اديب:كنت جاي قاصدك ديراكت بصح معليش فيها خير.. المهم انا راني حابهاا على سنة الله ورسوله ..

ناصر:وين شفتها باش راك حابها..

اديب:وخويا منين شاف بنتك الصغيرة باش حبها لزواج ونتا قبلت بيه !..

ناصر:احم صح..

اديب:عجبتني لعقالتها و اخلاقها ماشي لازم الواحد يتزوج بالزين و الاخلاق مكاش..و هي تبان ماشاء الله عليها و ختها شكرتلي فييها ..

ناصر:عندددك الحق هنا عجبتنيي.. الاخلاااق ثم الاخلااااق هما الصصصح بصح واش نقوولك ..الهدرة معاها هي انا مانقدر نقولك والو..

اديب:خليها تقبل بمعرفتك رانا نساب زعما..

ناصر ضحكلو ضحكة صفرة كي حسو راهو يأمر فيه باش يقبل و جاوبو و هو يحركلو فراسو بالايجاب معديلو الحكاية..

ناصر:هههههه اييه ان شاء الله فييها خييير..

اديب:هاياا بسلامة عميي نتلاقااو كي جي تقولي راكم قابلين تبقا على خييير..

ناصر:اييه ان شاء الله ..ان شاء الله..

ناض معاه وصلو للباب و خلاه يخرج بعدما زاد ودعو راح ركب فطونوبيلتو و خبط يديه ببعض ناطق بحماس..

اديب:هااهو مسمااار و طرطقناااه اححح وقتاش يقولولي قبلناا اصلا واحد كيما انا مايترفضش ..

ضحك بغرور على تفكيرو و قلع رايح لخدمتو لي اجلها علاجال الحكاية هاذي بينما ناصر غير خرج من عندهم راح لعند مرتو لي بدات تستفسر عليه علاش جاا ..

راضية:واش جابو علاش ماجاش همام معاه واش راهو صاري..

ناصر:بانلي السيد مخبوط في مخو ولا مانعرف واش ..المهم راهو حاب على هند تقول طلبها و زاد قبل في بلاصتي ..

راضية:اا ماقاتلناش ريام بلي راهو جاي..

ناصر:هذاا اذا خوه يكون علابالوو بلي جاا..

راضية:اييه بصح على الاقل راهو خير من خووه هو جا لداار لوخر دارولنا خطبة فسبيطار مافهمنا والو ..

ناصر:دوكا روحي قولييلها اومبعد نشوف واش نرجعلو ..

راضية حركتلو راسها بالايجاب وراحت لبيت هند لقاتها قاعدة فوق سريرها حاطة يدها على فمها صدمتها باينةة على ملامحها تقرا و تعاود فالمساج لي لحقها من رقم مجهول عندها..

__:ياتقبلي يااتقبلي ماعندكش خياار ثااني معايااا تفااهمناا..!!..