كلي بكلك مغرم 🩶⛓️

كلي بكلك مغرم 146

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة146:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

حرك راسو بحيرة و هبط للتحت لقا سراب مزالت مرمية فالارض و الخدامات واقفين عند راسها يرشولها فالماء و هي مكملة فالدراما تاعها تخطاهم كأنو ماشافهمش و خرج لبرا حط يديه فجيابو يشوف فالاشجار لي لتم و صغر عينيه فشجرة وسط الحديقة كان وردها ابيض راح نحا منها شوية وردات حتى تشكل بوكي صغير و بقا يشوف فيه يتأكد اذا شباب ولا لا طلعهم لنيفو استنشق ريحهم و عوج شفايفو للتحت بعدم فهم  ناطق مع نفسو..

همام:واش يعجبهم فالورد ؟زعما هي يعجبهاا ..

حرك كتافو بعدم اهتمام و عاود طلع لبيتو حل الباب و دخل للداخل لقاها خاشعة مع تلفونها غايسة فيه قرب ليها و مدهملها مخليها تنتبه ليه ناضت تقعدت فبلاصتها و جات راح تشدهم لكن فأخر لحظة تراجعت و حبست  عاودت جمعت يدها و نطقت بتساؤول خافت لا طيح فمووقف باايخ معاه و تشدهم و مايكونوش ليها..

ريام:هاذو ليا؟..

همام:في ميزك؟..

ريام:صححح لياا؟؟ جبتهملييي لياااا؟؟؟؟قووول ولله غير ليااا..

شاف فيها بتعجب من ردة فعلها لي ماتوقعهاش و بقا يشوف فعينيها لي رجعو يلمعو و خدودها لي توردوو رجعت تبان كأنها طفلة صغيرة عطالها حبة حلوة فرحت بيها حتى حسساتو بلي مدلها شي كبير و هي بالاحرى غير ورد قطفو من حديقتو ..

ناضت وقفت فوق البونك و قربت ليه عنقاتو و هي تشم فريحة الورد هذااك مغرمةة بعبقوو و عبق حضنوو لي تسارااات ليها ريحتو دوب قربت ليه ..

ريام:شكراا ماتوقعتش منك هاذ الجاست حبييت ولله عجبووني بزااااف ميييرررسيييي موون جينيراال..

همام:علاش ماتليقش بيا الرومنسية ولا واش خصننني باش مااتتوقعييش مني الجاست هذا..

ريام:ههه جوستومون مراكش موالف بيها علابيها جاتني بيزاغ ..

همام:اتعودي مالا ..

ريام:امم خلاص قررت تولي رومنسيي سي الجنراال..

همام:مانعرفش نعبر برك أما لي فقلبي غير ربي و انا لي عالمين بيه..

ريام:واش كاين في قلبك..

همام نحالها وردة من هذاك البوكي و حطها على وذنها مزين بيها شعرها لي كان مطلوق على كتافها جوز ابهامو على خدها بخفة كأنو كان يتحسس فنوعمة بشرتها على خشونية يديه و جاوبها بعد مدة الصمت استغلها وهو يخمم فشي جواب مقنع و رغم انو خمم فجواب معين بصح لقا روحو جاوبها بجواب ثاااني غييير لي كان راح يقولو من التلفة لي شداتو كي كانت تشوف فيه بنظرااتها لي حتى و هي تشوف فييه بيهم بشكل عادي إلا انو الحِدة لي فيهم دايمن تكون حاضرة..

همام:كاينة نتي! "سكت لثواني و كمل يحكي بهدوء " نتي لي كاينة في قلبي !..