كلي بكلك مغرم 🩶⛓️

كلي بكلك مغرم🩶🌪76

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة76:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

طلعت لبيتها و بقات رايحة جاية حاطة يديها على خصرها ملامحها عاقدتهم  تخمم فحكاية خدمتها لي هملتها اليامات هاذي و مهيش تروح ليها ولا ساامعة بييها و واش راهو صاري في غيابها نفخت بتذمر وبقات تتفكر فواش قاتلها منال و مادام وصلو يحوسو عليها معنتها راهم صح محتاجينها تفخت بتذمر ..

رغم انو كانت داية تصريح قبوول من عند المدير تاعها و قاتلو على حالتها و المرحلة لي راهي تعيش فيها دوكا وهو وافق على قرارها بالحضور للخدمة غير فالاوقات لي يحتاجوها فيهم بصح هاهو ماطولش بزاف وعاود عيطلها كانت حابة تزيد تبعد عليها الشبهات اكثر بصح معلييش بطريقة أو بأخرى راح تفريها ماعندهاش شك فقدراتها بتاتاا..

بقات قاعدة عقلها يدي و يجيب فيها من مختلف الافكار لي تغلغلو لراسها شافت لساعة لقاتها مزال الحال باش يجي ناضت بهدوء خرجت من البيت و وقفت فالكولوار لي فيه غرف اخرى و مكتب همام فأخر المطاف فيه ..

بلعت ريقها بتوتر و بقات واقفة تخمم اذا تتقدم ولا تعاود ترجع فالاخير شجعت نفسها و راحت تتمشى بهدوء أي باب قدامها تحلو و تدخل ليه تشوف داخلو و تعاود تخرج حتى استكشفت كامل الغرف لي لتم و وصلت للمكتب تاعو كأخر حاجة تدخل ليها ولي خرجت علاجاالوو اصلا ..

حبست على بعد سنتمترات قلال و حطت يدها على الباص تاع الباب و حاولت تحلو ماقدرتش عرفاتو راهو مغلوق ماحاولتش معاه بزاف باش ماتلفتش الانتباه و عاودت رجعت لبيتها قعدت على الفوتاي كي الامانة كأنو مادارت والوو ..

بقات مدة و هي قاعدة بنفس حالتها ماتحركت ماتململت افكارها مداهمين عقلها مديينها لبعيد كي مالقات حتى افكار منطقية طبقهم نفخت بتذمر و نطقت بهمس بينها و بين نفسها..

ريام:اوفف كيفاش ندير دوكا خصنيي البيسي هذااك و الباب مغلوقةة ..ماعليينا خلييي نشوفو الشاف واش يسحق اومبعد نشوف شي طريقة نجيبو بيها خلي نشوفو سي همام واش راهو داير فيها ..

عاودت هبطت للتحت باش تشوفهم اذا وجدو لعشا لقات سراب قاعدة على الطابلة تقرا فمجلتها لاهية بيها غير شافتها جات حطتها و ربعت يديها قدامها تشوف فيها من فوق للتحت بشوفات مستفزة حتى شافت تخنزيرة ريام ليها كجواب على النظرات هاذو باش قلبت عينيها عليها و نطقت من تحت نيفها..

سراب:مافهمتش وقتااش تفهم روحها و تخرج من هااذ الدار ..

ريام رفدت حبة زيتون من فوق الشلاظة و كلاتها و هي جاوب فيها ببرود فنفس الوقت ولااا على باالها الكلام لي قالتوو ماحرك حتى شعرةة..

ريام:الهدرة هاذي قوليها لروحك .. ديري شوية قيييمة لعمرك و اخرجي نتي واحد ماراهو حاملك فهاذ الدار..

سراب:نخررج؟؟دار وليدي نقعد فيها شحال نحب غير هو لي يلمنننني بسيف عليك..

ريام:يلمك؟كيما لميتيه نتي !.. على اي اساس يكون مجبور باش يلمك و ياكل همك؟؟ باش يردلك خيرررك ؟ وشمن خير درتيه معاه؟؟!..

سراب:شايفة لسانك بدا يطوال معايا!! احترمي روحك احسن ما تشوفي حاجة ثانية..

ريام:ورييني نشووف حسباتلك راح نحشم منك ولا نخااف؟؟انااا منيييش ولادك باش نخمم على التسع الشهوور لي رفدتيني فيهم انا نعفسسس و نفووووت عليييك!!!...