كلي بكلك مغرم 🩶⛓️مكتملة

كلي بكلك مغرم 🩶⛓️42

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة42:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام حبست انفاسها لثواني شايدة روحها بسيف باش ماتغلطش معاه خاصة كي حست بأنظار سراب عليها كأنها تستنا منها فالغلطة برك و تشدلها لحكاية .. زيرت على قبضة يدها و عاودت رخفتها مطلعة معاها نفسها بسيف تبسمت ابتسامة صفرة و جاوباتو بهدوء عكس هيجانها داخلها مبدلة الموضوع كليا باش ماتزيدش تنفعل اكثر معاه في تواجد الحية الصفرة لي راهي قدامها على قولتها ..

ريام:امم حااضر حبييبي .. حقاا نسييت دارنا مايعرفووش الدار و اليووم كيما علابالك صبااح العروسة مع انو فات الصباح بصح معليش ابعتلهم كاش واحد يجيبهم..

همام:ان شاءالله..ماتنسايش واش قتلك ..

غير كمل كلامو كوبات عليه و حطت تلفونها بهدوء تتنصت لثيران اعضائها داخلها شافت في سراب لي نطقت و هي تشوف فيها بمكر و رجعتلها نفس الابتسامة بلا مبالاة لكلامها ..

سراب:تباني تزيرتي ياك لاباس..بديتو بالمشاكل من اول نهار بووه عليا..

ريام:مشاكل؟تبانلي من كثرة ماعشتي فالمشاكل رجعت كل حاجة تباانلك مشكلة ياختي رانا كي السمنة على العسل هاااه لابرووف كنت قاعدة حتى عيطلي يسقسي علياا حبيب قلبي توحشني بلخف ..و زييد راح يبعت طونوبيل سبيسياال باش يجيبو دارناا وين راكي تشوفي فالمشاكل عجووزتي؟..

سراب:امم قلت باالاك ..

ريام:انا نخلييك عجووزتي نروح نوجد روحي دارنا راهم جايين يشوفوني ..

قالت كلماتها بكل برود و طلعت لبيتها غلقت الباب موراها و واخيرا قدرت تنفرد بذاتها وتخرج عصبيتها كيما راهي حابة بقات رايحة جاية تسب فيه و في يماه و في طواسلهم كامل مااحبتهااش و مادخلتش لقلبهاا بانتلها مسمومة و زادت تأكدت من كلامها على الهدف تاعها لي جات ليه و لي هوو تحاوزها مداار ولا طلقهاا منوو بصريح العبارةة حركت راسها بتوعد و نطقت بهمس مع نفسها..

ريام:اذا ماخرجتكش من هناا نتي لولة مانتسمااش رياام زعماا جيتي تلعبيها علياا كي نقلب بيك الطابلة لتم تشوفي واش نسوا ..و زيييد السي السيد يقولك بعدي من المشاكل لالا مليحة هاذي نخليها تاكلني واقيل..

تلفتت على صوت الباب لي تحلت لقاتو داخل ليها و هو يشوف فيها بنظرات هادية وين كاان و وقتاش وصل ماعرفتش بصح لي عرفاتو انو مكانش بعيد من هنا هذاا اذا ماشي كان فالجاردان تاع الفيلا و صح كان لتم ماخرجش من الدار و ماحبش يبعد و يخليهم وحدهم فنفس الوقت بصح مكانش حامل يسمع نكيرهم فخرج يريح رااسو و عينيه خلاهم لداخل معاهم تحسبا لأي تكهرب يصرا بيناتهم..

قرب ليها بهدوء حتى لحق لوين كانت واقفة و جوز عينيه عليها من فوق للتحت بنظرات ماكرة خلاتها تبلع ريقها منها و من الكلام لي قالو ..

همام:ماالا توحشتك و مااقدرتش على فراقك يااك ..

ريام:امم هه..باين شوف اصلا راك جيت لعندي يعني ماكنتش نكذب..اصلا كيفاش سمعتني وين كنت؟؟..

همام:برا ..

ريام:علاش عندك وذنين بلوثوت باش سمعتني من برا ..

همام:ممكن إيه و ممكن لا..

ريام:اه؟؟ وشبيك تهدر بالالغااز ..

همام:هذا كلامي دوك توالفي عليه..

ريام:كل يوم نزيد نكتشف فيك حااجة جديدة ربي يستر برك ..

همام:مزال تزيدي تكتشفي  حااجات عليا و علييك ..

ريام:اييه سي الجنراال هاني مستعدة نكتشف علييك كلشي بصح عليا ماعندي مانكتشف نعرف روحي مليح و حتى نتا راح تولي تعرفني بصح تعرفنييي فالحاجات لي راني حابتهم اناا برك ..

همام:هاكي اكتسبتي الحرفة بلخف و وليتي تحكي كيما انا ..

ريام:اممم وعلاااش لا ياك رااك رااجليي..

همام:مليح كملي فيها نشوفو مواهبك وين يدوك ..

ريام:يدوني لعندك برك ماتخافش ماعندي وين نروح نهرب منك لييك أسي الجنرال ..