كلي بكلك مغرم 🩶⛓️

كلي بكلك مغرم 101

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة101:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

في مكان ثااني و بالضبط عند هند لي كانت لاهية بشغل الدار تمسح فالغبرة و تمتم بين شفايفها بالتسبيح و الاستغفار مجوزها وقتها بيهم سكتت للحظة و تلفتت على صوت باباها لي كان جاي بإتجاهها و هو يعدل فعمامتو على راسو و يسقسي فيها بتساؤول..

ناصر:هند ..راكي متأكدة على قرارك تاع الصباح ياك؟؟..

هند:ايه بابا علاش؟؟..

ناصر:خلاص قلت بالاك بدلتي رايك لأنو راني رايح نقولو دوكا بقرارك..

هند بلعت ريقها بتوتر و حركت راسها بالايجاب متوافقة معاه فكلامو ..

هند:ايه احسن ماعملت نقولولو دوكا خيرما يبقا يستنا في باطل..

جا راح يجاوبها حتى سمع باب الدار يطبطب عقد حواجبو بإستغراب و راح يشوف شكون غير فتح الباب تفتحو عينيه معاه بصدمة دوبما استوعبها تبسم في وجهو و بعد من الطريق مخليلو المجال باش يدخل..

ناصر:اديب وليدي تفضل تفضل مرحبا بيك..

اديب:عيشك عمييي..

هند غير سمعت صوتو انتفضت بزربة خرجت من الصالون دخلت للكوزينة باش يقدرو يدخلو للتم براحتهم غير شافتهم دخلو قربت على طراف صوابعها وقفت مور الباب و حطت وذنها عليه تسترق السمع و هي تحاول تعرف علاش جا غير استوعب واش راهي دير رجعت بأدراجها من وين جات و هي تستغفر نادمة على تجسسها عليهمم كي تفكرت حكم التنصت و التجسس على الناس واش هو ..

هند:استغفر الله ياربي اغفرليي حرام علياا لي درتوو ربي قالنا في سورة الحجرات "يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضًا..."(الحجرات الاية 12) و الرسول صلى الله عليه وسلم قال "مَن استمع إلى حديث قومٍ وهم له كارهون، أو يفرون منه، صُبّ في أذنيه الآنك يوم القيامة." (رواه البخاري).
والآنك هو الرصاص المذاب، وهذا يعكس شدة الوعيد على من يقوم بالتنصت.

هند:واش قاااال يقوول الله يسهل انا علاش رايحة نتنصت عليهم توبة توبة استغفر الله ..ان شاء الله فيها خيير برك..

دخلت للكوزينة باش توجد سنيوة تاع الجو ليهم و بقات لاهية بخدمتها مخليتهم حتى هما منغمسين في حديثهم اديب يستنا غير وقتاش يجبدلو على الموضوع تاعو و ناصر حلف الا يسكت من واش راهو يهدر حتى خرجلو للعيب ديراكت و سكتو بسيف عليه..

اديب:عمي جيتك على هذااك الموضوع..شفتتك طولت ماقتليييش علييه ايا جيت بنفسي نستفسر مانحبش نستنا بزاف الله غالب..

ناصر:احم ..اايه تفضل ولييدي..

اديب:واش دررناا فيها فهاذيك الحكاية؟؟..كنت نستنا في رد الطفلة ..ان شاء الله يكوون رد يرضينا بين زوج..

ناصر:وااش نقولك ياولييدي الدنيا هاذي مكاتيييب و كل وااحد و قرااروو فهاذ الحكااية..

اديب حك شعرو بتوتر و بقا يخبط فرجليه مع الارض بزربة ماشي حامل يزيد يستنا كثر و يسمع المحاضرة تاعو لي ماتهموش اصلا حركلو راسو بالايجاب بحركات متتالية و نطق مقاطعو على كلامو ..

اديب:اختصرر عمي اختصر.. راهي قاابلة ياك؟؟..

ناصر:احم لا..مهيش قابلةة ربي يلاقييك بلي ماا احسن منهاا ان شاء الله..

اديب:مهيش واش؟؟..

ناصر عقد حواجبو بإستغراب و جاوبو منيتو حسباتلو ماسمعش مليح و لا مافهموش أما اديب كان حاب غير يتأكد من واش سمع لأنو دار في بالو مهوش يسمع مليح ولا تخلطولو الخيوط و مافهمش ..

ناصر:ياوليدي مهييش قاابلةة!!..يعني مكاش مكتوب بيناتكم الله غالب هذاا مكتوب ربي ان شاء الله تلقا ماخير من جهة خلاف..