كلي بكلك مغرم 🩶⛓️

كلي بكلك مغرم 159

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة159:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

قال كلامو و رخف يديه عليها مخليها تتنفس النفس لي كانت قاطعاتو بسبتوو بعدت عليه شوية و طلعت نقابها باش يلحقلها الاكسجين بسرعة حطت يدها على رقبتها و شافت فيه بنظرات نارية كلها تحدي و جاوباتو بنبرة ثقة خلاتو يرفع حاجبو فيها بحيرة حاير من العناد هذا من وين جابتووو..

ريام:راني مرتك ايه بصح منيش عبدة عندك!!..مافييها والو كان كملت خدمتي فواش راح نضرك؟؟يااك انا لي كنت نمشيلك فالخدمة تاعك ولااا نسيتتت!

همام:خدمتي بيك ولا بلا بيك راح تمشي تمشي!و ماادامني حابك تبعدي من تم يعني تبعددددي بلا هدرة زايدةةة! و حسااابك تاعععع خرجتي بلا ماتقولييلي و قسوحية الراااس هاذي لي عندك اومبعد نتفاهمو عليها..

ريام:علاااش راك تصععععب فيهاا!!..

حط صباعو بين عينيه و جوز يدو على راسو من الشقيقة لي جاتو منها و من كلامها بقا ثواني و هو ساكت يتنصت لعقلو يحاول ينفي الافكار الشيطانية لي جاتو فالاخير عاود شاف فيها بقلة حيلة و نطق ببرود..

همام:اركبي!..

ريام:ماانركبششش ..

همام:دوكا نتي لي علاش راكي مصرة باش نستعمل معاك اساليب ماتقدريش عليهم علاش؟؟؟؟؟..

بلا مايخليلها الوقت باش تفكر و جاوبو عاود نطق بصوت عالي حتى قفزها من بلاصتها خلاها طير من قدامو فلمح البصر و تركب فالطونوبيل كيما قاللها كي الشاطرة..

همام:روووووحيييي اركبيييييي فطونوبيييييل خيرماااا نجيييي نركببببك بطريييقتيييي هاياااا!!!!!!...

تنهد بعصبية و بقا واقف برا رايح جاي يحاول يهدي روحو قبلما يروح يركب معاها و تعاود تشعل فتيل عصبيتو و يطرطق عليها المرة هاذي مافيهاش شك..

كي حس بروحو تكالما شوية راح ركب فبلاصتو و قلع شاف فيها بنص عين لقاها راح تنطق دارلها اشارة بيدو باش تعاود تبلع كلامها و كمل طريقو و هو مخنزر غير مع روحو وصلها لدار و قبلما يخليها تهبط نطق بهدوء عكس النار لي كانت شاعلة فيه حارقة الاخضر و اليابس داخلو..

همام:المرة هاااذي بختتتك ولا بلا بيها الكاميرااات راح يتراقبوو يتراقبووو حديثنا مزاال ماخلاصصص احمدي ربي لي جات عندي خدمة لازمني نروح اومببببعدد نكمل حسااابييي معاااك تقدري تقلبي وجهك عليا دوكا!!..

خنزرت فيه و هبطت غلقت الباب بقوة حتى قريب قلعتها من بلاصتها و دخلت لدار مخلياتو متحلف فيها يزيد يسجل عندوو فأفعالها باش اومبعد يحطهم قدامها حرك راسو بتوعد و عاود دار خارج من تم راجع لخدمتو ..

أما ريام طلعت لبيتها و بدات تقلع في حوايجها بجهالة حتى قريب قطعتهم عليها رماتهم فالارض و راحت قعدت و هي تهز فرجليها بتوتر بقات مدة و هي على نفس حالتها حتى بدات تهدى شوية بشوية تبسمت على الخطة لي جاتها في راسها و نطقت بهمس بينها و بين نفسها..

ريام:ولله لا كانتلك اسي الجنراال غير انا لي نعرفلك اصبر عليا برك نتا لي حبييت !!...