كلي بكلك مغرم 🩶⛓️

كلي بكلك مغرم 96

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة96:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ريام صغرت عينيها فيه بشك و كملت طريقها تابعاتو للفوق من كلامو عرفاتو راهو ناوي على كاش حااجةة مهيش لصالحها بصح ماقدرتش تتوقع واش هي خاصة كي ماعطالها حتى راس خيط تقدر تفهم منو ..

تنهدت بتعب من مفاجأتو لي مايخلاصوش و دخلت للبيت راحت جبدت حوايج من الخزانة و دخلت لدوش مخلياتو حتى هو يبدل فحوايجو عاودت خرجت بعدما نشفت روحها و لبست و راحت جابت صاك شوية كبير حطت فيه حوايج كيما قاللها كملت وجدتهم و راحت قربت ليه ناطقة بهدوء..

ريام:كملت..

همام:واش كملتي؟..

ريام:كملت لبست ماشي قتلي رانا خارجين؟؟؟..

همام:نقابك ويننن؟؟؟؟..

كانت لابسة عباية تتغلق بقفالي صغار و رامية خيمار على راسها مكانتش دايرة في بالها بليي كي تكشفت قداامو بلي مراهي لا محجبة لا منقبة راح يعاود يجبدلها عليهم لأنو صح مهيش دايرتهم دارتهم قدام باباها و كان من نصيب همام انو حتى هو يشوفها بيهم فماقدرتش تصارحو فالاول بصح هااهو عرف علاش راهو مصر عليهم مافهمتش..

ريام:يااهمام ياراجلي ياقرة عينيي اناا منييش محجبةةة و مااداامك عرفتتت الحقيقةة علاش راح نبقاا نمثل عليييك بيهممم!!..

همام:اقلبي وجهك و روحي ديريهم خيرما تخرجي منا و نتي تبكي ..نلمحك براا بلا بيهم ماتلومي غير روحككك!!..

ريام:بصح!!...

قطعلها كلامها فالنص كي طبعها لجهة الخزانة و هو يحكي بإصرار عازم على قرارو حالف باش طبقو غصباا علييها ..

همام:مااابصحشششش ماتخليينيش نجعررر عليييك دووكااا خليني مكالمييي علاش تحبو تخربووو فيا مافهمتتش!! نعجبكممم وانااا قااالب الدنيا على ريوسكممم ياااك!!..

ريام:اوفف اوففففف..

راحت جابت خيمارها دارتو بزربة و زادت نقابها لبستهم بلخف و لحقاتو لقاتو هابط و هو يضارب مع خيالو عرفت روحها بلي صح خرجاتو من عقلو على الصباح هزت كتافها بعدم اهتمام و كملت طريقها رايحة معاه حتى وصلو لطونوبيلتو ركبو و قلعو رايحين لوجهتهم..

بعد نص ساعة كانو وصلو لبلاصة غريية بالنسبة ليها أما بالنسبة ليه فهو يعتبرها ميدانو موطنوو الثااني لأنو لتم وين يلقا راحتو و هذاا حال لي يقرا قرايتو عن حب و قناعة و يخدم في حاجةة يحبهاا و ما يرتاح إلا كي يكون وسطهاا ..

هبطو مع بعض و دخلو للداخل اول حاجة قابلتها هو ساحة مساحتها كبيرةة طويلة و عريضة شااااسعة مافيهاش حدود فالجهة البرانية لي فيها كانو كاينين باطيمات لونها ابيض و اخضر عسكري خاصين بالعسكر و فداخل المساحة هاذيك بذات كاين مكتب شكلو البراني شبيه بالدار الصغيرة ..

راحت تبع فخطواتو و هي تكتشف فالمكان بعينيها حتى وصلو للمكتب هذاك فتح الباب و دخل و هي موراه عاضة على شفايفها من الاماكن هاذو لي اول مرة تشوفهم المكان الداخل كان متوسط الحجم فيه كوزينة صغيرة و بيت اختار هماام انو يديرها غرفة و مكتب فنفس الوقت باش تبقالو مساحة الصالون فارغة و حط فيها الات رياضية لأنو اغلب وقتو يقضيه هنا ماشي في دارو فقرر يدير كامل واش يسحق فهاذ الدار الصغيرة  المتواجدة وسط خدمتو ..

ريام كملت اكتشفت الدار بعينيها و نطقت و هي تقرب ليه راسمة ابتسامة على شفايفها و تحكي فنفس الوقت..

ريام:علاش جينا هنا .. ااا عرفتتت عندك خدمةة بزااف و مااحبيتش تخلييني وحدي لهيييه كيماا قتلك المرة لي فاتت ايي فقتلك فقتلكككك..

همام:لا ..جبتك باش تدربي معاهم ياك حبيتي تخدمي! هذا هو مقابل الخدمة تاعك..

ريام:علاش راك تخشن في راسك مراحش نكره الخدمة تاعي بلا ماتعيي روحك..انا راني مريضة بالسرقة اناا انساانة مرييضةةةة هااكا تفهم!!..

همام:روحي داوي!..

ريام شافت فيه ببرود و شمرت على يديها ناطقة بتحدي..

ريام:من وين نبداو؟ وشمن تدريب يبداو بيه!..