كلي بكلك مغرم 🩶⛓️

كلي بكلك مغرم 89

كُـلـي بـِكـلـكِ مُــغـرم ⛓️🩶
الكاتبة:Roumaissa Asma 🍂
الحلقة89:

"حُبُكِ قَدْ سَكَنَ الْأَضْلَاعَ
فَأَصْبَحَ مِنْهَا الْقَلْبُ رَهِينَا"🐆❤️

ماجات تستوعب صدمتها حتى هي حتى كانت حاسة بقلبها خرج جاتها رغبة باش ترد كرشها تقلبت عليها و الصدمات لي جاوها فرد مرة خلاوها ماتقدرش تزيد تتحمل كثر راحت تجري جهة الدوش و تحنات على لافابو تتقيا حتى حست بعمرها خرجت ..

شدت فالحيط كي حست بالارض تحركت تحتها و حطت راسها على صدرو كي حست بيه وقف قدامها و شدها من خصرها ماسكلها توازنها لي اختل ..

نفخ بعدم رضى على حالتها و خرجها حطها على السرير فرغلها كاس ما و مدهولها ناطق بهدوء..

همام:اشربي!..

ريام:من وين تعرف الاسم هذاك؟؟..

همام تنهد و قعد قدامها مجوز يدو على شعرو حاسس بكل الصدمات جااوه فرد مرة ماعرفش أي وحدة فيهم يتقبلها ولا يستوعبها عقلو حبس ولا قدر يفهم واش راهو صاري رغم معرفتو بالحكاية و ربطو للاحداث و توصلو لنتيجة لي مااارضاااش بييييها ولا حب يتقبل الجزء منهاا ..

ريام كي شافتو طول فصمتو عاودت نطقت بإصرار حابة تفهم حتى هي واش راهو صاري..

ريام:وييين تعرفو!!..

همام:تقبلتي فالخدمة هاذيك بموافقتي..!!

حبست عن التنفس لثواني و ضحكت بعدم تصديق مستنية منو يقوللها راني نمسخر بصح ملامحو ماكانو يعبرو على حتى ذرة فكاهة الجدية كانت طاغية عليه و باين مراحش يجيه حس النكت فموقف كيما هذا و لي فهماتو من انقباضات ملامحو انو حتى هو مهوش متقبل الحقيقة هاذي..

ريام:كيفاش بموافقتك؟ يعني كنت تعرفني من قبل نخدم لتم!..

همام:لا.. كانو مجموعة من الدوسيات تاعك كان واحد منهم كلفت الراجل باش يفرزهم و بعدما قبل النص منهم وقعت انا على المواافقة ..

ريام:مااافهمتتتش !!!..

همام:يعني راكي تخدمي عندي ..

ريام:وانا علاش ماعلابااليش؟؟؟ و نتا علاش ماعلاباالكش؟؟؟..و كيفاش نخدم عندككك يعني راك تخدم فخدمة غير قاانونيةةة؟؟؟ ماشي نتاا جنرال و الجنراال يخدم لدوولة و الدولة كلهااا قانووووون؟؟؟؟..

همام تلفت خنزر فيها و نطق بصرامة..

همام:خدمتي كلهاا قاانووون و لي رااكي تسرقي فيهم راهم من حق الدولةةة بصح بدون تصريح!! حبيتي نخلو حق الشعب يروح؟؟يعنيييي درنا الحل هذاا باش نردوو حقنا برررك..مانقدروش نردوهم بإسم الدولة بدون تصرييح و ليناا ندو حقنا بيدينا ..كل الخدمة هاذي مصرحة من فوق حتى حاجة ماراهي خارج القانون..

ريام:كيفاش يعني دوكا انا نخدم عندك..؟

همام:ايه!! .. الدوسيات تاع لي يخدمو لتم معاك كامل مدروسين مامكتوب فيهم ولا معلومة على الخدمة هاذي..علابيها كي شفت دوسيك لقيتك تخدمي كمقتصدة فالشركة!! ..مافهمتش كيفاش راحت من بالييي..

ريام:بصح جامي جيت للبلاصة هاذيك!.و جامي سمعتهم هدرو عليك ولا جبدو اسمك..

همام:راني موكل لي شادينها عليا ..اصلا ماكنتش هنا فالفترة الاخيرة كي انتقلتو للمصنع هذا..

ريام:اييه ماكوناش نخدمو هناا فالاول يعنييي علابيها المصنع هذا جاي قريب لداارك..

همام:امم..

ريام:سبحان الله شوف الصدفة..

همام حط يدو على راسو و بقا يمسد فيه بصباعو من الشقيقة لي جاتو حرفيا ماعرفش كيفاش يتصرف ولا يتحرك واش يدير معاها واش يقوللها يحاسبها مايحاسبهاش ماعرفش !! كلشي تخلط عليه في دقيقة وحدة مافهم فيها والوو ..

نفخ بتذمر على الموقف لي تحط فيه و عاود نطق بعصبية وهو يشوف فيها بنظرات صارمة..

همام:علااش ماقلتيييلييييش من الاوووول!!! علاش خليتي المواصل يووصلوو هنااا ..

ريام:نقولك على حاجة نتا راك داير قوانين عليها باش واحد مايعرفها!..

همام:واااش نديررر معااك انا دووك واش ندييير منيش قادر نتقببببل الفكرةةة منيييش مستوعب بلي مرتييي تخدم الخدمة هاذييك مرتييي اناا يشوفوووها الرجاااال هاااذوك كاامل وانا حااسبهااا دايرة نقاااب!!..

ريام:مادرتوش صحح اغلاطك ..انا منيش محجبة اصلا..

تلفت خنزر فيها و جاوبها : زيدي كحلي دواسيك معايا زييدي..

ريام:بصح علاش وجعاتك ؟ ياك تزوجت بيا باش تعرفني اذا سرقت البيسي !..

همام:من وقت ماديتيه و انا علابالي بيك بلي ديتيه! مهيش حجة باش نتزوج بيك!..