သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား

အခန်း (၆)

Unicode

ဆရာကြီးယွမ်၏ စိတ်အားထက်သန်မှုနှင့် အာမခံချက်များ​ပြော​နေသည်ကို ကြား​တော့ ထိုလူငယ်သည် မျက်​မှောင်ကြုတ်လိုက်ပေသည်။ သူ့စကားများသည် ဘာမှမ​ပြောသလိုမျိုးနှင့် တူသည်။ သို့​သော်လည်း လူငယ်က ​​ငွေပေး​နေဆဲ ဖြစ်သည်။

 "ညီ​လေး မင်းက​ရော ​ဗေဒင်ဆရာပဲလား" ကျန့်ဟိုက်လင်သည် ယဲဖန်ကို ကြည့်ကာ ရင်းနှီးသလိုခံစားလိုက်ရသည်။ 

ဆန်မြို့​တော်၌ ယဲဖန်၏နာမည်ဂုဏ်သတင်းသည် ဆိုးရွားလှသည်။ သို့​သော် လူအများစုသည် သူ့နာမည်ကို ကြားဖူး​ပေမဲ့ လူအနည်းစုကသာ သူ့ကို မြင်ဖူးကြသည်။ ကျန့်ဟိုက်လင်သည် အရင်က ယဲဖန်ကို မြင်ဖူး​ပေမဲ့ ယဲဖန်၏ ဝတ်စားဆင်ယင်မှုနှင့် စိတ်​နေစိတ်ထား​သည် သိသိသာသာ ​ပြောင်းလဲသွားသည့်အတွက် အစ၌ မှတ်မိရုံမျှသာ ဖြစ်သည်။

ယဲဖန်၏ မိ​ထွေးသည် သူ့ကို ယဲမိသားစု၏လုပ်ငန်းများကို အ​မွေဆက်ခံရန် မလိုလားသည့်အတွက် သဘာဝအတိုင်း သူမက သူ့တည်ရှိမှုကို ​​မှေးမှိန်​ထားသည်။ ထို့​ကြောင့် ယဲဖန်သည် ပါတီအမျိုးမျိုးကို တက်ရောက်မှုနည်း​သော​ကြောင့် လူအနည်းစုသာ သူ့အား​တွေ့ဖူး​လေသည်။

ယဲဖန်သည် ​ခေါင်းခါလိုက်ပြီး "ငါက အ​ဆောင်တွေ​ရောင်းတာ"

"မင်းမှာ ဘာအ​ဆောင်​တွေ ရှိလဲ" ကျန့်ဟိုက်လင်က မေးသည်။

"​ဘေးကင်းလုံခြုံ​ရေး နှင့် ကုသ​ရေးအ​ဆောင်​တွေ" ယဲဖန်က ​ပြောသည်။

"တခြားဟာ​တွေ​ရော ရှိလား"

ယဲဖန်သည် လူငယ်ကို ကြည့်​လိုက်ရင်း ​မေး​စေ့ကိုပွတ်သပ်ကာ "မင်းက သရဲနှင်ထုတ်တဲ့အ​ဆောင် လိုချင်တာလား။ မင်းဆီမှာ ယင်ဓါတ် နဲ့ တစ္ဆေအ​ငွေ့အသက်​တွေ ​​လေးလံ​နေတယ် ဒါမဲ့အဆင်​ပြေပါတယ်။ မင်းမှာ ယန်ဓါတ်​ အနည်းငယ်​တော့ရှိတယ်။ ရက်အနည်းငယ်အတွင်း​တော့ မင်း ပြန်​ကောင်းလာလိမ့်မယ်။ မင်း သူတို့ကို မလိုအပ်ဘူး။"

ကျန့်ဟိုက်လင်သည် ထိတ်လန့်တုန်လှုပ်သွားပြီး "မင်းသိတယ် ငါ....."

ယဲဖန်သည် ​ခေါင်းယမ်းကာ သူ့မျက်နှာ​ပေါ်တွင် နားလည်လွယ်​သော အပြုံးတစ်ခုကို ​ဖော်ပြလိုက်သည်။ ဒါ​ပေါ့ ယဲဖန်သည် ကြက်​ပေါင်ကို ကိုက်​နေရင်း မပြုံးလိုက်လျှင် သူ့မှာ အမှန်တကယ် ဆရာသခင်၏တည်ငြိမ်ခြင်းမျိုး ရှိနိုင်ပေသည်။